Month: September 2024

ബെംഗളൂരു : കർണാടക പബ്ലിക് സർവീസ് കമ്മിഷൻ (കെ.പി.എസ്.സി.) പരീക്ഷാ ചോദ്യപ്പേപ്പറിൽ കന്നഡ പരിഭാഷയിൽ പിശകുവന്നതായുള്ള റിപ്പോർട്ടുകളെ തുടർന്ന് പരീക്ഷ വീണ്ടും നടത്താൻ മുഖ്യമന്ത്രി സിദ്ധരാമയ്യ നിർദേശം നൽകി. എല്ലാ ഉദ്യോഗാർഥികൾക്കും നീതി ഉറപ്പാക്കുന്നതിനായി രണ്ടു മാസത്തിനകം പരീക്ഷകൾ നടത്തണമെന്നാണ് നിർദേശം. ഓഗസ്റ്റ് 27-ന് നടന്ന പ്രിലിമിനറി പരീക്ഷയുടെ ചോദ്യപേപ്പറിൽ ഇംഗ്ലീഷിൽനിന്ന് കന്നഡയിലേക്കുള്ള വിവർത്തനത്തിൽ ഒട്ടേറെ പിശകുകളുള്ളതായി ആരോപണം ഉയർന്നിരുന്നു. സംസ്ഥാനത്തെ 350 ഗസറ്റഡ് പ്രൊബേഷനറി ഓഫീസർ തസ്തികയിലേക്കാണ് പരീക്ഷ നടന്നത്. പരിഭാഷയിലെ പിശക് കന്നഡ മീഡിയം വിദ്യാർഥികളെ ആശയക്കുഴപ്പത്തിലാക്കിയിരുന്നു. കന്നഡ പരിഭാഷയിൽ പിശക്…

ബെംഗളൂരു : ‘മുഡ’ കേസിൽ മുഖ്യമന്ത്രി സിദ്ധരാമയ്യയ്ക്കെതിരായ വിചാരണക്കോടതി നടപടികൾക്കുള്ള ഇടക്കാല സ്റ്റേ കർണാടക ഹൈക്കോടതി സെപ്റ്റംബർ ഒൻപതുവരെ നീട്ടി. കുറ്റവിചാരണ ചെയ്യാൻ ഗവർണർ താവർചന്ദ് ഗഹ്‌ലോത് അനുമതി നൽകിയതിനെ ചോദ്യംചെയ്ത് സിദ്ധരാമയ്യ ഹൈക്കോടതിയിൽ സമർപ്പിച്ച ഹർജിയിൽ വാദവും സെപ്റ്റംബർ ഒൻപതിലേക്ക് നീട്ടിയതായി ജസ്റ്റിസ് എം. നാഗപ്രസന്നയുടെ ഏകാംഗബെഞ്ച് അറിയിച്ചു. അഡ്വക്കേറ്റ് ജനറൽ തന്റെ വാദങ്ങൾ സമർപ്പിക്കാൻ ഒരാഴ്ച സമയമാവശ്യപ്പെട്ടെന്നും സെപ്റ്റംബർ ഒൻപതിന് ഉച്ചയ്ക്ക് 2.30-ന് വാദം കേൾക്കുമെന്നും കോടതി വ്യക്തമാക്കി. മുഡ കേസിൽ സിദ്ധരാമയ്യയെ കുറ്റവിചാരണ ചെയ്യാനുള്ള ഗവർണറുടെ അനുമതി പൊതുഭരണത്തിൽ ശുദ്ധിയുറപ്പാക്കാനാണെന്ന്…

ബംഗളുരു: യാത്രക്കാരുടെ എതിർപ്പിനെ തുടർന്ന് പ്രതിദിന പാസുകൾ പൂർണമായും ഡിജിറ്റലാക്കാനുള്ള നീക്കത്തിൽ നിന്നും ബി.എം.ടി.സി. പിന്മാറി. ഇതോടെ 15 മുതൽ ഡിജിറ്റൽ, പേപ്പർ, പ്രതിദിന പാസുകൾ ഒരേ സമയം ലഭ്യമാക്കും. ടുമോക്ക് ആപ്പിലൂടെ മാത്രം പ്രതിദിന പാസുകൾ ലഭ്യമാക്കുമെന്നാണ് ബി എം ടി സി അറിയിച്ചത്. എന്നാൽ മുതിർന്ന പൗരന്മാർക്കും സ്മാർട്ഫോൺ ഇല്ലാത്തവർക്കും പ്രയാസമാകുമെന്ന വിമർശനം ഉയർന്നതോടെ പിന്മാറുകയായിരുന്നു

ബെംഗളൂരു : കോൺഗ്രസ് നേതാക്കളായ രാഹുൽ ഗാന്ധിക്കും സോണിയാ ഗാന്ധിക്കുമെതിരേ വ്യാജ വാർത്ത പ്രചരിപ്പിച്ച സംഭവത്തിൽ ബംഗ്ലാദേശി മാധ്യമപ്രവർത്തകന്റെയും ജയ്‌പുർ ആസ്ഥാനമായ ന്യൂസ് പോർട്ടലിലെ ജീവനക്കാരിയുടെ പേരിലും ബെംഗളൂരു പോലീസ് കേസെടുത്തു. മാധ്യമപ്രവർത്തകനായ സലാ ഉദ്ദിൻ ഷൊയബ് ചൗധരി, ന്യൂസ് പോർട്ടൽ ജീവനക്കാരി അഥിതി എന്നിവരുടെ പേരിലാണ് ഹൈഗ്രൗണ്ട് പോലീസ് കേസെടുത്തത്. കർണാടക പ്രദേശ് കോൺഗ്രസ് കമ്മിറ്റി അംഗമായ അഡ്വ. ജി. ശ്രീനിവാസ് നൽകിയ പരാതിയിലാണ് നടപടി. സോണിയാ ഗാന്ധിക്കും രാഹുൽ ഗാന്ധിക്കുമെതിരായ വ്യാജവിവരങ്ങൾ സാമൂഹിക മാധ്യമത്തിൽ പോസ്റ്റ് ചെയ്തതിനാണ് ബംഗ്ലാദേശി മാധ്യമപ്രവർത്തകനെതിരേ കേസെടുത്തത്.…

ബെംഗളൂരു : ബൽത്തങ്ങടിയിലെ സവനലുവാസികളെ കഴിഞ്ഞ രണ്ടുമാസമായി ഭീതിയുടെ മുൾമുനയിൽ നിർത്തിയ പുള്ളിപ്പുലി ഒടുവിൽ കെണിയിൽ വീണു. കഴിഞ്ഞദിവസമാണ് വനംവകുപ്പധികൃതർ ഒരുക്കിയ കെണിയിൽ പുലി കുടുങ്ങിയത്. ജൂലായ്‌ ആദ്യമാണ് പ്രദേശവാസികൾ പുള്ളിപ്പുലിയെ കണ്ടത്. അന്നുതൊട്ട് ഭീതിയിലായിരുന്നു ഗ്രാമവാസികൾ. രാത്രി പുറത്തിറങ്ങാൻ പറ്റാത്ത അവസ്ഥയിലായിരുന്നു അവർ. പ്രദേശത്തെ പലയിടങ്ങളിലും പ്രത്യക്ഷപ്പെട്ട് നിരന്തരം ഭീതിപടർത്തിയ പുള്ളിപ്പുലിയെ പിടിക്കാനായി ജൂലായിയിൽതന്നെ കോഴിയെ ഇരയാക്കി കൂട് സ്ഥാപിച്ചിരുന്നു. എന്നാൽ, പുലി പിടിതന്നില്ല. കഴിഞ്ഞദിവസം രാത്രിയാണ് ഗുരികണ്ട ആനന്ദയുടെ വീടിന് സമീപം സ്ഥാപിച്ച കൂട്ടിൽ കോഴിയെ പിടിക്കാനുള്ള ശ്രമത്തിനിടെ പുലി കുടുങ്ങിയത്.…

ബെംഗളൂരു : ഓണാവധിയോടനുബന്ധിച്ച് എറണാകുളത്തേക്ക് പ്രത്യേക തീവണ്ടി അനുവദിച്ചു. എറണാകുളം-യെലഹങ്ക-എറണാകുളം (06101/06102) തീവണ്ടിയാണ് അനുവദിച്ചത്. എറണാകുളത്തുനിന്ന് 4, 6 തീയതികളിലും യെലഹങ്കയിൽനിന്ന് 5, 7 തീയതികളിലുമാണ് സർവീസ്. എറണാകുളത്തുനിന്ന് ഉച്ചയ്ക്ക് 12.40-ന് പുറപ്പെടുന്ന വണ്ടി, രാത്രി 11-ന് യെലഹങ്കയിലെത്തിച്ചേരും. യെലഹങ്കയിൽനിന്ന് പുലർച്ചെ അഞ്ചിന് പുറപ്പെടുന്ന വണ്ടി ഉച്ചകഴിഞ്ഞ് 2.20-ന് എറണാകുളത്തെത്തും. തൃശ്ശൂർ, പാലക്കാട്, പോത്തന്നൂർ, തിരുപ്പൂർ, ഈറോഡ്, സേലം, വൈറ്റ്ഫീൽഡ്, കെ.ആർ. പുരം സ്റ്റേഷനുകളിൽ സ്റ്റോപ്പുണ്ടാകും. നിലവിൽ രണ്ടു സർവീസുകളെ ഉള്ളൂവെങ്കിലും ഓണത്തോടനുബന്ധിച്ച് സർവീസ് നീട്ടാനുള്ള സാധ്യതയുണ്ട്.