ബെംഗളൂരു : ബെംഗളൂരുവിൽ ബൈക്ക് മറിഞ്ഞ് മലയാളിയുവാവ് മരിച്ചു. പാലക്കാട് പുതുപ്പരിയാരം കൃഷ്ണകൃപയിൽ ദിദേഷാണ് (21) മരിച്ചത്. വെള്ളിയാഴ്ച രാത്രി പത്തരയോടെ ഡൊംളൂരിലായിരുന്നു അപകടം. ഗുരുതരമായി പരിക്കേറ്റതിനെത്തുടർന്ന് നഗരത്തിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ശനിയാഴ്ച രാവിലെ മരിച്ചു. കൂടെയുണ്ടായിരുന്ന സുഹൃത്ത് സഞ്ജയിന് പരിക്കേറ്റു. എ.സി. മെക്കാനിക്കായ യുവാവ് ഈജിപുരയിലായിരുന്നു താമസം. സർവീസ് കഴിഞ്ഞിറക്കിയ ബൈക്ക് ഓടിച്ചുനോക്കുന്നതിനായി പോയപ്പോഴായിരുന്നു അപകടം. അച്ഛൻ: പളനി. അമ്മ: സുജാത. സഹോദരങ്ങൾ: ദിലീപ്, ദിവ്യ. മൃതദേഹം സെയ്ന്റ ജോൺസ് ആശുപത്രിയിൽ പോസ്റ്റ്മോർട്ടത്തിനുശേഷം നാട്ടിലേക്ക് കൊണ്ടുപോയി.
Read Moreനഗരത്തിൽവെച്ചുണ്ടായ ബൈക്ക് അപകടത്തിൽ 21 കാരനായ മലയാളി യുവാവ് മരിച്ചു
