Month: July 2024

വിമാനത്താവളത്തിൽ ഇനി  മൂന്നുതവണ ഗ്രാമി പുരസ്കാരംനേടിയ സംഗീതജ്ഞൻ  റിക്കി തേജിന്റെ സ്വാഗതഗാന ബെംഗളൂരു : മൂന്നുതവണ ഗ്രാമി പുരസ്കാരംനേടിയ സംഗീതജ്ഞൻ റിക്കി തേജ് ഒരുക്കിയ സ്വാഗതഗാനം ഇനി ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിലെത്തുന്നവരുടെ കാതുകൾക്ക് ഇമ്പമേകും. വിമാനത്താവളത്തിന്റെ ഔദ്യോഗികഗാനമായി റിക്കി തേജ് സംഗീതംനൽകിയ ഗാനം പുറത്തിറക്കി. ‘ദ വേൾഡ് ഈസ് വെയിറ്റിങ് ഫോർ യു’ എന്നപേരിലാണ് ഗാനം പുറത്തിറക്കിയത്. ഭിന്നശേഷിക്കാരായ മൂന്നുപേർ വിമാനത്താവളത്തിൽ യാത്രചെയ്യാനെത്തുന്നതാണ് ഗാനത്തിൽ ദൃശ്യവത്കരിച്ചിരിക്കുന്നത്. വിമാനത്താവളത്തിന്റെ ഭംഗിമുഴുവൻ ഒപ്പിയെടുക്കുന്നരീതിയിലാണ് ചിത്രീകരണം. രണ്ടുതവണ ഗ്രാമി പുരസ്കാരംനേടിയ ഗായകൻ ലൊനി പാർക്കും കന്നഡഗായകൻ സിദ്ധാർഥ്…

ബംഗലൂരു: കര്‍ണാടകയിലെ ഷിരൂരില്‍ ദേശീയപാതയില്‍ മണ്ണിടിച്ചിലില്‍ കുടുങ്ങിയ ലോറി ഡ്രൈവര്‍ അര്‍ജുനെ കണ്ടെത്താനുള്ള തിരച്ചിൽ പുനരാരംഭിച്ചു. കൂടുതൽ മണ്ണുമാന്തി യന്ത്രങ്ങളെത്തിച്ചു. റഡാറിൽ ലോറിയുണ്ടെന്ന് തെളിഞ്ഞ ഭാ​ഗത്ത് മണ്ണുകൾ നീക്കി വിശദമായി പരിശോധിക്കുകയാണ്. ഇവിടെ ലോറിയുണ്ടെന്ന നി​ഗമനത്തിലാണ് രക്ഷാപ്രവർത്തകർ. തിരച്ചിലിന് ഐഎസ്ആര്‍ഒയുടെ സംഘവും തേടിയിട്ടുണ്ട്. സാറ്റലൈറ്റ് സഹായത്തോടെ ലോറിയുള്ള സ്ഥലം കണ്ടെത്താനുള്ള സാധ്യത ഉള്‍പ്പെടെയാണ് തേടുന്നത്. മണ്ണിടിഞ്ഞ സ്ഥലത്ത് ആറു മീറ്റര്‍ താഴെ ലോഹഭാഗത്തിന്റെ സാന്നിധ്യം ഇന്നലെ റഡാറില്‍ പതിഞ്ഞിരുന്നു. കര്‍ണാടക മുഖ്യമന്ത്രി സിദ്ധരാമയ്യ ഇന്ന് അപകടസ്ഥലം സന്ദര്‍ശിക്കും. കേന്ദ്രമന്ത്രി എച്ച് ഡി കുമാരസ്വാമി ഇന്നലെ…

ബംഗളുരു : പീനിയ മേൽപ്പാലത്തിൽ ഭാരവാഹനങ്ങൾക്ക് ഈ മാസം അവസാനം പ്രവേശനം അനുവദിച്ചേക്കും. പാലത്തിന് ബലക്ഷയം കണ്ടെത്തിയതിനെ തുടർന്ന് 2021 ഡിസംബറിലാണ് ഭാരവാഹനങ്ങൾക്ക് പ്രവേശനം നിരോധിച്ചത്. 4.2 കിലോമീറ്റർ ദൂരം വരുന്ന പാലത്തിന്റെ സ്പാനുകൾ കഴിഞ്ഞ വർഷം ബലപെടുത്തിയെങ്കിലും ഭാരവാഹനങ്ങൾക്കുള്ള നിരോധനം തുടർന്നു. ഈ വർഷം ജനുവരിയിൽ ഭാരപരിശോധന പൂർത്തിയായിരുന്നു.

ബെംഗളൂരു : കർണാടകത്തിൽ സിനിമാടിക്കറ്റിന് വിലകൂടും. ടിക്കറ്റിന് ഒരുശതമാനംമുതൽ രണ്ടുശതമാനംവരെ സെസ് ഏർപ്പെടുത്താൻ സർക്കാർ തീരുമാനിച്ചു. സിനിമാ മേഖലയിലുള്ളവർക്കായി ക്ഷേമഫണ്ട് സ്വരൂപിക്കുകയാണ് ലക്ഷ്യം. ഒ.ടി.ടി. സബ്‌സ്‌ക്രിപ്ഷൻ ഫീസിനും ഇതേനിരക്കിൽ സെസ് ഏർപ്പെടുത്തും. പുതിയ നിർദേശമടങ്ങിയ ബില്ല് നിയമസഭയിൽ അവതരിപ്പിച്ചു. ഇതിന്റെ ഭാഗമായി ക്ഷേമബോർഡ് രൂപവത്കരിക്കും. കർണാടക സിനി ആൻഡ് കൾച്ചറൽ ആക്ടിവിസ്റ്റ് വെൽഫെയർ ബിൽ 2024 എന്ന പേരിലാണ് ബിൽ കൊണ്ടുവന്നത്. ഏഴ് അംഗങ്ങളുള്ള ക്ഷേമബോർഡാണ് ലക്ഷ്യമിടുന്നത്. കർണാടകത്തിൽ നടീനടന്മാരും സാങ്കേതികവിദഗ്ധരും ഉൾപ്പെടെ 2355 പേർ മേഖലയിൽ പ്രവർത്തിക്കുന്നുണ്ടെന്നാണ് കണക്ക്.