Month: June 2024

ബെംഗളൂരു: ഉഡുപ്പി ജില്ലയില്‍ കാർക്കളക്കടുത്ത ഉമിക്കല്‍ മലയിലെ തീം പാർക്കില്‍ സ്ഥാപിച്ച പരശുരാമൻ പ്രതിമ സംബന്ധിച്ച്‌ മറ്റൊരു കേസ്. വെങ്കലം എന്ന വ്യാജേന ഫൈബർ പ്രതിമ സ്ഥാപിച്ചെന്ന പരാതിയില്‍ ക്രിഷ് ആർട്ട് വേള്‍ഡിലെ ശില്‍പി കൃഷ്ണ നായ്കിനെതിരെ കാർക്കള ടൗണ്‍ പോലീസ് കേസെടുത്തു. കാർക്കള നള്ളൂരിലെ കൃഷ്ണ ഷെട്ടിയുടെ പരാതിയിലാണ് കേസ്. പ്രതിമ സ്ഥാപിക്കാൻ കൃഷ്ണ നായ്ക് ഉഡുപ്പി നിർമിതി കേന്ദ്രയില്‍ നിന്ന് 1.30 കോടി രൂപ കൈപ്പറ്റി വഞ്ചന കാണിച്ചെന്ന് പരാതിയില്‍ പറഞ്ഞു. നിർമിതിയിലെ നിലവാരമില്ലായ്മ കാരണം അപകടാവസ്ഥയിലായ പ്രതിമ അധികൃതർ ഒളിപ്പിച്ചു…

ബെംഗളൂരു: ശക്തമായ മഴയില്‍ മതിലിടിഞ്ഞ് വീണ് വീട് തകര്‍ന്ന് ഒരു കുടുംബത്തിലെ നാലുപേര്‍ക്ക് ദാരുണാന്ത്യം. മഞ്ചേശ്വരം അതിര്‍ത്തിയോട് ചേര്‍ന്നുകിടക്കുന്ന ഉള്ളാളിലാണ് സംഭവം. ഉള്ളാള്‍ മുഡൂര്‍ കുത്താറുമദനി നഗറിലെ യാസീന്‍ (45), ഭാര്യ മറിയുമ്മ (40), മക്കളായ റിഫാന (17), റിയാന (11) എന്നിവരാണ് മരിച്ചത്. ഉറങ്ങിക്കിടക്കുകയായിരുന്ന നാലംഗ കുടുംബമാണ് അപകടത്തില്‍പ്പെട്ടത്. ശക്തമായ മഴയില്‍ വീടിന് മുകളിലേക്ക് സമീപത്തെ മതിലിടിഞ്ഞ് വീഴുകയായിരുന്നു. നാട്ടുകാരും ഫയര്‍ഫോഴ്‌സും ചേര്‍ന്നാണ് മൃതദേഹങ്ങള്‍ പുറത്തെടുത്തത്.

ബെംഗളൂരു : കൊലക്കേസിൽപ്പെട്ട് ജയിലഴിക്കുള്ളിലായതൊന്നും കന്നഡ നടൻ ദർശനോടുള്ള ആരാധനയുടെ ആഴം ആരാധകർക്ക് കുറയുന്നില്ല. പരപ്പന അഗ്രഹാര സെൻട്രൽ ജയിലിലെ ദർശന്റെ നമ്പർ തന്റെ കാറിന്റെ രജിസ്റ്റർ നമ്പറാക്കിമാറ്റാനൊരുങ്ങുകയാണ് ആരാധകൻ. മൈസൂരുവിലെ ബന്നൂർ സ്വദേശി ധനുഷാണ് നടനോടുള്ള കണ്ണടച്ച ആരാധനയുമായി രംഗത്തെത്തിയത്. ജയിലിലെ ദർശന്റെ നമ്പറായ 6016 എന്ന നമ്പറിൽ തന്റെ കാർ രജിസ്റ്റർ ചെയ്യാനുള്ള ഏർപ്പാടുകൾ ധനുഷ് നടത്തിക്കഴിഞ്ഞു. ഇതിനി ദർശന്റെ ജയിൽനമ്പറല്ല, ആരാധകരുടെ ഭാഗ്യനമ്പറാണെന്ന് പറഞ്ഞ് സാമൂഹികമാധ്യത്തിൽ വീഡിയോയും പോസ്റ്റ് ചെയ്തു. അതിനിടെ, കേസിലെ നാല് പ്രതികളെ തുമകൂരു ജില്ലാ കോടതിയിലേക്ക്…