Month: June 2024

ബെംഗളൂരു : സന്താനങ്ങളുണ്ടാകാനുള്ള ദാമ്പത്യാവകാശം നിഷേധിക്കപ്പെടുന്നുവെന്നാരോപിച്ച് ഭാര്യ സമർപ്പിച്ച ഹർജിയിൽ കൊലക്കേസ് പ്രതിക്ക് 30 ദിവസത്തെ പരോൾ കർണാടക ഹൈക്കോടതി അനുവദിച്ചു. പ്രതിയെ പരോളിൽ വിട്ടയക്കാൻ കോടതി ജയിൽ അധികൃതർക്ക് നിർദേശംനൽകി. കോലാർ സ്വദേശിനിയായ 31-കാരി നൽകിയ പരാതിയിലാണ് ജസ്റ്റിസ് എസ്.ആർ. കൃഷ്ണ‌‌കുമാർ പ്രതിക്ക് പരോൾ അനുവദിച്ചത്. കൊലക്കേസിൽ 10 വർഷം തടവിന് ശിക്ഷിക്കപ്പെട്ടയാളുമായി 2023 ഏപ്രിലിലായിരുന്നു യുവതിയുടെ വിവാഹം. 15 ദിവസം പരോൾ ലഭിച്ചതിനെത്തുടർന്നായിരുന്നു വിവാഹം നടത്തിയത്. ഇരുവരും നേരത്തേ പ്രണയത്തിലായിരുന്നു. സന്താനങ്ങളുണ്ടാകാനുള്ള അവകാശം നിഷേധിക്കപ്പെട്ടിരിക്കുകയാണെന്നു കാണിച്ച് ഭർത്താവിനെ വിട്ടയക്കണമെന്ന് ആവശ്യപ്പെട്ടാണ് യുവതി…

ബെംഗളൂരു : ബി.ജെ.പി. നൽകിയ അപകീർത്തിക്കേസിൽ കോൺഗ്രസ് നേതാവ് രാഹുൽ ഗാന്ധി വെള്ളിയാഴ്ച ബെംഗളൂരുവിലെ കോടതിയിൽ ഹാജരായേക്കും. ബെംഗളൂരുവിലെ 42-ാം അഡീഷണൽ ചീഫ് മെട്രോപൊളിറ്റൻ കോടതി വെള്ളിയാഴ്ച രാഹുലിനോട് ഹാജരാകാൻ കഴിഞ്ഞ ശനിയാഴ്ച ഉത്തരവിട്ടിരുന്നു. ഇതിൽ വീഴ്ചവരുത്തരുതെന്ന് നിർദേശിച്ചിരുന്നു. കഴിഞ്ഞവർഷത്തെ കർണാടക നിയമസഭാ തിരഞ്ഞെടുപ്പിൽ ബി.ജെ.പി. സർക്കാരിനെതിരേ കോൺഗ്രസ് പ്രസിദ്ധീകരിച്ച പരസ്യത്തിന്റെപേരിലാണ് അപകീർത്തിക്കേസ്. രാഹുലിനൊപ്പം മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡി.കെ. ശിവകുമാറും കേസിൽ പ്രതികളാണ്. മൂന്നുപേരോടും കഴിഞ്ഞ ശനിയാഴ്ച നേരിട്ടുഹാജരാകാൻ കോടതി നോട്ടീസുനൽകിയിരുന്നു. ഇതുപ്രകാരം സിദ്ധരാമയ്യയും ഡി.കെ. ശിവകുമാറും ഹാജരായി. ഇവർക്ക് കോടതി ജാമ്യമനുവദിക്കുകയുംചെയ്തു.…

ബെംഗളൂരു : ലോക്‌സഭാ തിരഞ്ഞെടുപ്പിൽ ഹാസനിൽ ജെ.ഡി.എസിന് വോട്ടുചെയ്യാത്തതിനാൽ മിൽക്ക് പ്രൊഡ്യൂസേഴ്‌സ് കോ-ഓപ്പറേറ്റീവ് സൊസൈറ്റി പാൽ സ്വീകരിക്കുന്നില്ലെന്നാരോപിച്ച് കർഷകർ. ഹാസന് സമീപത്തെ സോമനഹള്ളി ഗ്രാമവാസികൾ ഡെപ്യൂട്ടി കമ്മിഷണറുടെ ഓഫീസിനുമുന്നിൽ പ്രതിഷേധിച്ചു. ജെ.ഡി.എസുകാരാണ് സൊസൈറ്റി നടത്തുന്നതെന്നും കോൺഗ്രസിന് വോട്ടുചെയ്തതിനാൽ കർഷകരുടെ പാൽ സ്വീകരിക്കാൻ തയ്യാറാകുന്നില്ലെന്നും പ്രതിഷേധക്കാർ ആരോപിച്ചു. ഹാസൻ ജില്ലാ കോ-ഓപ്പറേറ്റീവ് സെൻട്രൽ ബാങ്ക് പ്രസിഡന്റും ജെ.ഡി.എസ്. നേതാക്കളുമാണ് സൊസൈറ്റിയിൽ സമ്മർദം ചെലുത്തുന്നതെന്നും കർഷകർ ആരോപിച്ചു. ഡെപ്യൂട്ടി കമ്മിഷണർക്ക് നിവേദനം നൽകി. ആരോപണം അന്വേഷിക്കുമെന്ന് ഹാസൻ കോ-ഓപ്പറേറ്റീവ് മിൽക്ക് പ്രൊഡ്യൂസേഴ്‌സ് സൊസൈറ്റി യൂണിയൻ മാനേജിങ് ഡയറക്ടർ…

ബെംഗളൂരു: പട്ടികവർഗ വികസന കോർപ്പറേഷന്റെ ഫണ്ട് തിരിമറിനടത്തിയ കേസ് മന്ത്രി ബി. നാഗേന്ദ്രയുടെ രാജിയിൽ കലാശിച്ചത് സിദ്ധരാമയ്യ സർക്കാരിന് കനത്തതിരിച്ചടിയായി. കഴിഞ്ഞ ബി.ജെ.പി. സർക്കാരിന്റെ അഴിമതി വലിയ തിരഞ്ഞെടുപ്പു പ്രചാരണമാക്കി വിജയംനേടിയാണ് സിദ്ധരാമയ്യ സർക്കാർ അധികാരത്തിലെത്തിയത്. കരാറുകാരോട് 40 ശതമാനം കമ്മിഷൻ വാങ്ങുന്ന സർക്കാരാണ് ബി.ജെ.പി.യുടേതെന്നായിരുന്നു കോൺഗ്രസ് ആരോപണം. അഴിമതിവിഷയത്തിൽ അന്ന് നിയമസഭ സ്തംഭിപ്പിക്കുന്നതടക്കമുള്ള പ്രക്ഷോഭങ്ങൾക്കുവരെ കോൺഗ്രസ് നേതൃത്വംനൽകിയിരുന്നു. അഴിമതിക്കെതിരായ സർക്കാരെന്നു പറഞ്ഞ് അധികാരത്തിലെത്തി ഒരുവർഷം കഴിയുന്നവേളയിലാണ് അഴിമതിയാരോപണത്തിൽപ്പെട്ട് ഒരു മന്ത്രിക്ക് സ്ഥാനമൊഴിയേണ്ടിവന്നിരിക്കുന്നത്.

ബെംഗളൂരു : പുതിയ എൻ.ഡി.എ. സർക്കാരിൽ മന്ത്രിസ്ഥാനം ലഭിക്കുമെന്ന പ്രതീക്ഷയിൽ ജെ.ഡി.എസ്. പുതുതായി എൻ.ഡി.എ.യിലെത്തിയ പാർട്ടിക്ക് മന്ത്രിസഭയിൽ പ്രാതിനിധ്യം ലഭിക്കുമെന്നാണ് നേതാക്കൾ കരുതുന്നത്. കർണാടകത്തിൽ മൂന്ന് സീറ്റുകളിൽ മത്സരിച്ചപാർട്ടി രണ്ടു സീറ്റുകളിൽ വിജയിച്ചു. മുൻ പ്രധാനമന്ത്രി എച്ച്.ഡി. ദേവഗൗഡയുടെ പാർട്ടിക്ക് ബി.ജെ.പി. പരിഗണനനൽകുമെന്നാണ് പ്രതീക്ഷ. മണ്ഡ്യയിൽനിന്ന് വിജയം നേടിയ ജെ.ഡി.എസ്. നേതാവും മുൻ മുഖ്യമന്ത്രിയുമായ എച്ച്.ഡി.കുമാരസ്വാമിയാണ് മന്ത്രിസ്ഥാനത്തേക്ക് കണ്ണുവെക്കുന്നത്. ബുധനാഴ്ച ഡൽഹിയിൽ ചേർന്ന എൻ.ഡി.എ.യോഗത്തിൽ കുമാരസ്വാമി പങ്കെടുത്തു. മന്ത്രിസഭയിൽ പ്രാതിനിധ്യം ലഭിക്കുമെന്ന പ്രതീക്ഷ കുമാരസ്വാമി മാധ്യമങ്ങളുമായി പങ്കുവെച്ചു. പാർട്ടി ഒന്നും ആവശ്യപ്പെട്ടിട്ടില്ലെന്നു പറഞ്ഞ അദ്ദേഹം…

ബെംഗളൂരു : ഉത്തരാഖണ്ഡിലെ ഉത്തരകാശിയിൽ ട്രക്കിങ്ങിനിടെ മോശം കാലാവസ്ഥയെത്തുടർന്ന് മരിച്ചവരിൽ ഒരു മലയാളികൂടി. പാലക്കാട് ചെർപ്പുളശ്ശേരി സ്വദേശിനി വി.കെ. സിന്ധുവാണ് (45) മരിച്ചത്. ഡെല്ലിൽ സോഫ്റ്റ്‌വേർ എൻജിനിയറായ സിന്ധു ബെംഗളൂരു കൊത്തന്നൂരിലായിരുന്നു താമസം. ഇതോടെ ട്രക്കിങ്ങിനിടെ മരിച്ച മലയാളികളുടെ എണ്ണം രണ്ടായി. ബെംഗളൂരു ജക്കൂരിൽ താമസിക്കുന്ന തിരുവനന്തപുരം സ്വദേശിനി ആശാ സുധാകറാണ് (ആർ.എം. ആശാവതി-71) മരിച്ച മറ്റൊരു മലയാളി. കർണാടക മൗണ്ടനീറിങ് അസോസിയേഷനിൽ അംഗങ്ങളാണ് ഇരുവരും. ട്രക്കിങ്ങിനുപോയ 22 അംഗ സംഘത്തിൽ ഒൻപതുപേരാണ് മരിച്ചത്. എല്ലാവരും ബെംഗളൂരുവിൽ താമസിക്കുന്നവരാണ്. സംഘത്തിലുണ്ടായിരുന്ന ആശയുടെ ഭർത്താവ് എസ്.…