Month: June 2024

ബെംഗളൂരു : ഫോട്ടോ ഷൂട്ടിനിടെ ക്വാറിയിലെ വെള്ളക്കെട്ടിൽ വീണ് രണ്ട് കോളേജ് വിദ്യാർഥികൾ മരിച്ചു. ബെംഗളൂരുവിൽ സ്വകാര്യ കോളേജ് വിദ്യാർഥികളായ മുഹമ്മദ് താഹ (18), മുഹമ്മദ് ഒയേഷ് ഖാൻ (18) എന്നിവരാണ് മരിച്ചത്. ബെട്ടഹലസൂരിലാണ് സംഭവം. കഴിഞ്ഞ ദിവസം ക്ലാസ് കഴിഞ്ഞ് ആറു സുഹൃത്തുക്കൾ ഫോട്ടോ ഷൂട്ടിനായി ബെട്ടഹലസൂരിലെത്തിയതായിരുന്നു. താഹയും ഒയേഷ് ഖാനും ചിത്രങ്ങളെടുക്കാൻ വെള്ളത്തിലിറങ്ങിയപ്പോൾ മുങ്ങിപ്പോവുകയായിരുന്നുവെന്ന് പോലീസ് പറഞ്ഞു. സുഹൃത്തുക്കൾ രക്ഷപ്പെടുത്താൻ ശ്രമിച്ചിട്ടും സാധിച്ചില്ല. പിന്നീട് പോലീസും അഗ്നിരക്ഷാ സേനയുമെത്തിയാണ് മൃതദേഹങ്ങൾ പുറത്തെടുത്തത്.

ചെന്നൈ : മധുരയിൽ നിന്ന് ബെംഗളൂരുവിലേക്ക് അനുവദിച്ച വന്ദേഭാരത് തീവണ്ടിയുടെ പരീക്ഷണ ഓട്ടം തിങ്കളാഴ്ച നടക്കുമെന്ന് റെയിൽവേ അധികൃതർ അറിയിച്ചു. മധുരയിൽനിന്ന് രാവിലെ 5.15-ന് പുറപ്പെടുന്ന തീവണ്ടി 7.15-ന് തിരുച്ചിറപ്പള്ളിയിലും 9.55-ന് സേലത്തും ഉച്ചയ്ക്ക് 1.15-ന് ബെംഗളൂരുമെത്തും. ഉച്ചയ്ക്ക് 1.45-ന് ബെംഗളൂരുവിൽനിന്ന് തിരിക്കുന്ന തീവണ്ടി വൈകീട്ട് അഞ്ചിന് സേലത്തും രാത്രി 8.20-ന് തിരുച്ചിറപ്പള്ളിയും രാത്രി 10.25 -ന് മധുരയിലുമെത്തുമെന്നും അധികൃതർ അറിയിച്ചു.

ബെംഗളൂരു : ലോക്‌സഭാ തിരഞ്ഞെടുപ്പിനു പിന്നാലെ സംസ്ഥാനത്ത് പെട്രോൾ, ഡീസൽ വില വർധിപ്പിച്ചതോടെ വിവിധ മേഖലകളിൽ വിലക്കയറ്റഭീഷണി. ഗതാഗതത്തിനും അവശ്യസാധനങ്ങൾക്കും ചെലവേറാനുള്ള സാധ്യത കൂടിയിരിക്കുകയാണ്. ടിക്കറ്റുനിരക്ക് വർധിപ്പിക്കാനുള്ള കർണാടക ആർ.ടി.സി.യുടെ നീക്കത്തിന് ഇന്ധനവിലവർധന ബലം പകരും. നാലുവർഷത്തിനുശേഷം ടിക്കറ്റ് നിരക്ക് വർധിപ്പിക്കാൻ തയ്യാറെടുത്തു വരികയായിരുന്നു കർണാടക ആർ.ടി.സി. ഡീസലിന് വില വർധിപ്പിച്ചതിനാൽ ടിക്കറ്റ് നിരക്ക് ഉടൻ വർധിപ്പിക്കാനാണ് സാധ്യത. നിരക്കുവർധനയ്ക്കുള്ള കോർപ്പറേഷന്റെ നിർദേശം സർക്കാരിന്റെ പരിഗണനയിലാണിപ്പോൾ. ടിക്കറ്റ് നിരക്കിൽ 25 മുതൽ 30 ശതമാനംവരെ വർധനയാണ് കർണാടക ആർ.ടി.സി. ലക്ഷ്യമിടുന്നത്. 2020-ലാണ് ഇതിനുമുൻപ് ടിക്കറ്റ്…