Month: May 2024

ബെംഗളൂരു: സംസ്ഥാനത്ത് എസ്.എസ്.എൽ.സി പരീക്ഷയിൽ 73.40% വിജയം. കഴിഞ്ഞ വർഷത്തേക്കാൾ 10.40% വിജയം കുറഞ്ഞു ഇത്തവണ. 83.89 % ആയിരുന്നു കഴിഞ്ഞ വർഷത്തെ വിജയം. 8.59 ലക്ഷം പേർ പരീക്ഷ എഴുതിയതിൽ 6.31 ലക്ഷം പേർ ഉപരിപഠനത്തിന് യോഗ്യത നേടി. ഇതിൽ 3.43 ലക്ഷം പേർ പെൺകുട്ടികളാണ് 2.87 ലക്ഷം ആൺകുട്ടികളുമാണ്. 39,034 വിദ്യാർത്ഥികൾക്ക് എല്ലാ വിഷയത്തിലും എ പ്ലസും 86,619 പേർക്ക് എ ഗ്രേഡും ലഭിച്ചു.

ബെംഗളൂരു : കർണാടകത്തിൽ വാഹനങ്ങൾക്ക് അതിസുരക്ഷാ നമ്പർപ്ലേറ്റ് (എച്ച്.എസ്.ആർ.പി.) സ്ഥാപിക്കുന്നതിനുള്ള സമയപരിധി ഈമാസം 31-ന് തീരാനിരിക്കേ സംസ്ഥാനത്ത് ഇതുവരെ രജിസ്റ്റർ ചെയ്തത് 35.5 ലക്ഷം വാഹനങ്ങൾ മാത്രം. 2019 ഏപ്രിൽ ഒന്നിനുമുമ്പ് കർണാടകത്തിൽ രജിസ്റ്റർചെയ്ത രണ്ടുകോടി വാഹനങ്ങളിലാണ് അതിസുരക്ഷാ നമ്പർപ്ലേറ്റ് സ്ഥാപിക്കേണ്ടത്. കഴിഞ്ഞ ഓഗസ്റ്റിലാണ് സർക്കാർ ഇതുസംബന്ധിച്ച വിജ്ഞാപനം പുറപ്പെടുവിച്ചത്. 2023 നവംബർ 17-നായിരുന്നു ആദ്യം നിശ്ചയിച്ച സമയപരിധി. പിന്നീട് ഇത് ഫെബ്രുവരി 17-ലേക്ക് മാറ്റി. എന്നിട്ടും വളരെ കുറച്ച് വാഹനങ്ങൾ മാത്രമേ അതിസുരക്ഷാ നമ്പർപ്ലേറ്റ് സ്ഥാപിച്ചുള്ളൂ. അതിനാൽ മേയ് 31 വരെ സമയപരിധി…

ബെംഗളൂരു: ബിജെപി പുറത്തിറക്കിയ വിദ്വേഷ വിഡിയോ കേന്ദ്ര തിരഞ്ഞെടുപ്പ് കമ്മിഷന്റെ ഉത്തരവനുസരിച്ച്‌ സമൂഹമാധ്യമമായ ‘എക്സ്’ നീക്കം ചെയ്തു. 93 മണ്ഡലങ്ങളില്‍ തിരഞ്ഞെടുപ്പ് അവസാനിക്കുന്നതിനു ഒരു മണിക്കൂർ മുൻപാണ് കമ്മിഷൻ എക്സിന് ഇത് സംബന്ധിച്ച ഉത്തരവ് നല്‍കിയത്. മെയ് 4 ന് പോസ്റ്റ് ചെയ്ത വിഡിയോ 5 ദിവസത്തിനു ശേഷമാണ് നീക്കം ചെയ്തത്. അതിനിടെ 93 ലക്ഷം പേർ വീഡിയോ കണ്ടതായാണ് വിവരം. ദളിതർക്കും പിന്നാക്കവിഭാഗങ്ങള്‍‌ക്കും ലഭിക്കേണ്ട ആനുകൂല്യങ്ങള്‍ കോണ്‍ഗ്രസ് നേതാവ് രാഹുല്‍ഗാന്ധിയും മുഖ്യമന്ത്രി സിദ്ധരാമയ്യയും മുസ്ലീങ്ങള്‍ക്ക് നല്‍കുന്നതായി ചിത്രീകരിക്കുന്നതായിരുന്നു 17 സെക്കൻഡ് ദൈർഘ്യമുള്ള വിഡിയോ.…