Day: 27 May 2024

ബെംഗളൂരു : ഹാസനിൽ കാർ കണ്ടെയ്‌നർ ലോറിയുമായി കൂട്ടിയിടിച്ച് ഒരുകുട്ടിയുൾപ്പെടെ കുടുംബത്തിലെ ആറുപേർ മരിച്ചു. ബെംഗളൂരു റൂറൽ ജില്ലയിലെ ദേവനഹള്ളി സ്വദേശികളായ നാരായണസ്വാമി (50), സുനന്ദ (40), രവികുമാർ(30), നേത്ര (25), ചേതൻ(ഏഴ്), ഗുണശേഖർ(28) എന്നിവരാണ് മരിച്ചത്. ദേശീയപാത 75-ൽ ഹാസൻ ടൗണിനു സമീപം ഞായറാഴ്ച രാവിലെ ആറരയോടെയായിരുന്നു അപകടം. മംഗളൂരുവിലെ ബന്ധുവീട്ടിൽപോയി മടങ്ങുകയായിരുന്ന കുടുംബമാണ് അപകടത്തിൽപ്പെട്ടത്. ഇവർ സഞ്ചരിച്ച കാർ നിയന്ത്രണംവിട്ട് റോഡിനു നടുവിലെ മീഡിയൻ മറികടന്ന് എതിർവശത്തുനിന്ന് വരുകയായിരുന്ന കണ്ടെയ്‌നർ ലോറിയുമായി കൂട്ടിയിടിക്കുകയായിരുന്നു. അപകടത്തിൽ കാർ പൂർണമായും തകർന്നു. ആറുപേരും സംഭവസ്ഥലത്തുവെച്ചുതന്നെ…

ബെംഗളൂരു : ഗതാഗത നിയമലംഘനം കണ്ടെത്താൻ ബെംഗളൂരു നോർത്ത് ഡിവിഷൻ ട്രാഫിക് പോലീസ് ഒരാഴ്ചയായി നടത്തിയ പ്രത്യേക പരിശോധനയിൽ പിഴയിനത്തിൽ ഈടാക്കിയത് 16 ലക്ഷം രൂപ. 2,647 കേസുകളും രജിസ്റ്റർ ചെയ്തു. മദ്യപിച്ച് വാഹനമോടിച്ചതിനും നടപ്പാതകളിൽ വാഹനം നിർത്തിയതിനുമാണ് കൂടുതൽ കേസുകൾ രജിസ്റ്റർ ചെയ്തത്. പതിവ് പരിശോധനകൾക്കു പുറമേയാണ് കൂടുതൽ ട്രാഫിക് പോലീസുകാരെ പ്രധാന ജങ്ഷനുകളിൽ നിയോഗിച്ച് അധികൃതർ പ്രത്യേക പരിശോധന സംഘടിപ്പിച്ചത്. ഓട്ടം വിളിച്ചിട്ടും പോകാതിരിക്കുന്ന ഓട്ടോറിക്ഷകൾ, അതിവേഗത്തിൽ ഓടിച്ച ബെംഗളൂരു കോർപ്പറേഷന്റെ മാലിന്യസംഭരണ ലോറികൾ എന്നിവയ്ക്കെതിരേയും പ്രത്യേക പരിശോധനയിൽ കേസെടുത്തതായി അധികൃതർ…

ബെംഗളൂരു : മംഗലാപുരം നഗരത്തിലെ കൊട്ടറ അബ്ബാക്ക നഗരത്തിൽ ഉണ്ടായ കനത്ത മഴയിൽ ഓട്ടോ കനാലിന് താഴേക്ക് മറിഞ്ഞ് ഡ്രൈവർ ദാരുണമായി മരിച്ചു. ഡ്രൈവർ ദീപക് (40) ആണ് മരിച്ചത്. വെള്ളിയാഴ്ച രാത്രി പെയ്ത മഴയിൽ കൊട്ടറയിൽ രാജകലുവ് നിറഞ്ഞൊഴുകുകയായിരുന്നു. കനാലിന് തടയണയില്ലാത്തതിനാൽ വെള്ളം റോഡിലേക്ക് എത്തിയിരുന്നു. രാത്രി ഇതേ റോഡിൽ വന്ന ഡ്രൈവർ ദീപക് കനാലിലേക്ക് ഓട്ടോയ്‌ക്കൊപ്പം താഴെ വീണു. റോഡിലും രാജകനാലിലും ഒരേപോലെ വെള്ളം ഒഴുകിയതാണ് അപകടത്തിന് കാരണം. മംഗളൂരു മുനിസിപ്പൽ കോർപ്പറേഷൻ്റെ അനാസ്ഥയുടെ ഇരയാണ് ഓട്ടോ ഡ്രൈവർ ദീപക്കെന്ന് വീട്ടുകാർ…

ബെംഗളൂരു : കഴിഞ്ഞ 24 മണിക്കൂറിൽ കർണാടകത്തിൽ വാഹനാപകടങ്ങളിൽ പൊലിഞ്ഞത് 51 ജീവനുകളെന്ന് എ.ഡി.ജി.പി.(ട്രാഫിക് ആൻഡ് റോഡ് സേഫ്റ്റി) അലോക് കുമാർ. അടുത്ത കാലത്തുണ്ടായ ഏറ്റവും വലിയ മരണനിരക്കാണിതെന്നും അദ്ദേഹം പറഞ്ഞു. അധിക വേഗവും അശ്രദ്ധമായ ഡ്രൈവിങ്ങുമാണ് ഭൂരിഭാഗം മരണങ്ങളുടെയും കാരണമെന്നും അദ്ദേഹം എക്‌സിൽ കുറിച്ചു. ഹാസനിൽ കാറും കണ്ടെയ്‌നർ ലോറിയും കൂട്ടിയിടിച്ച് ആറുപേർ മരിച്ച വിവരം പങ്കുവെക്കുന്നതിനൊപ്പമാണ് അലോക് കുമാർ ഈ വിവരങ്ങളും അറിയിച്ചത്. വെള്ളിയാഴ്ച പുലർച്ചെ ഹാവേരിയിലെ റാണെബെന്നൂരിൽ തിരുപ്പതി തീർഥാടകർ സഞ്ചരിച്ച കാർ നിയന്ത്രണംവിട്ട് പാലത്തിൽനിന്നുവീണ് നാലുപേർ മരിച്ചിരുന്നു. അതേദിവസംതന്നെ…