Month: March 2024

ബെംഗളൂരു : ചിക്കമംഗളൂരു കെഞ്ചനഹള്ളിയിൽ കാട്ടാനയുടെ ആക്രമണത്തിൽ തൊഴിലാളി മരിച്ചു. തമിഴ്‌നാട് വീരസോളപുരം സ്വദേശിയായ ശ്രീധർ (68) ആണ് മരിച്ചത്. വെള്ളിയാഴ്ച വൈകീട്ടാണ്സംഭവം. കാപ്പിത്തോട്ടത്തിലെ തൊഴിലാളിയായ ശ്രീധർ ജോലികഴിഞ്ഞ് താമസസ്ഥലത്തേക്ക് മടങ്ങുന്നതിനിടെ കാട്ടാനയുടെ മുന്നിൽപ്പെടുകയായിരുന്നു. ഓടിയടുത്ത കാട്ടാനയുടെമുന്നിൽനിന്ന് രക്ഷപ്പെടാൻ ശ്രീധറിന് കഴിഞ്ഞില്ല. ഗുരുതരമായിപരിക്കേറ്റ ഇദ്ദേഹത്തെ പ്രദേശവാസികൾ ഹാസനിലെ സ്വകാര്യ ആശുപത്രിയിലെത്തിച്ചെങ്കിലും രാത്രിയോടെ മരിച്ചു. ഏതാനുംദിവസങ്ങളായി പ്രദേശത്ത് സാന്നിധ്യമുള്ള കാട്ടാനയാണ് തൊഴിലാളിയെ ആക്രമിച്ചതെന്ന് പ്രദേശവാസികൾ പറഞ്ഞു. കാട്ടാനയെ കാടുകയറ്റുകയോ പിടികൂടി മറ്റെവിടേക്കെങ്കിലും മാറ്റുകയോവേണമെന്ന് പ്രദേശവാസികൾ ആവശ്യപ്പെട്ടിരുന്നു. എന്നാൽ വനംവകുപ്പധികൃതർ കാര്യമായ നടപടികൾ സ്വീകരിച്ചില്ലെന്നാണ് ആരോപണം.

ബെംഗളൂരു : ശിവമോഗയിൽ പരീക്ഷാദിനത്തിൽ എസ്.എസ്.എൽ.സി. വിദ്യാർഥി ജീവനൊടുക്കി. സാഗർ താലൂക്കിലെ യദെഹള്ളി സ്വദേശിയായ 16 വയസ്സുകാരനാണ് വീട്ടിലെ ഫാനിൽ തൂങ്ങിമരിച്ചത്. കർണാടക പബ്ലിക് സ്കൂൾ വിദ്യാർഥിയായിരുന്നു. തിങ്കളാഴ്ചയാണ് സംസ്ഥാനത്ത് എസ്.എസ്.എൽ.സി. പരീക്ഷയാരംഭിച്ചത്. പരീക്ഷാ ഭയം കാരണമാകാം ജീവനൊടുക്കിയതെന്നാണ് പോലീസിന്റെ സംശയം. കുട്ടിക്ക് നേരത്തേയും ആത്മഹത്യാപ്രവണതയുള്ളതായി പോലീസ് പറയുന്നു. ഈ മാസം ആദ്യം ആത്മഹത്യചെയ്യാൻ റെയിൽവേ സ്റ്റേഷനിലെത്തിയെങ്കിലും യാത്രക്കാർ രക്ഷപ്പെടുത്തുകയായിരുന്നു.

ബെംഗളൂരു: എസ്എസ്എൽസി പരീക്ഷ ഇന്ന് മുതൽ ആരംഭിച്ചു. അധ്യാപകർ നൽകേണ്ട ഹാൾ ടിക്കറ്റ് ലഭിക്കാത്തതിനാൽ വ്യത്യസ്തമായ പ്രതിഷേധവുമായി എസ്എസ്എൽസി വിദ്യാർത്ഥി രംഗത്ത് . ഹാവേരി ജില്ലയിലെ റാണെബന്നൂർ താലൂക്കിലെ ഹരംഗിരി ഗ്രാമത്തിലെ സർക്കാർ ഹൈസ്‌കൂൾ വിദ്യാർത്ഥിയായ അഭിഷേക് ജറമല്ലയ്ക്ക് അധ്യാപകർ അഡ്മിറ്റ് കാർഡ് നൽകിയില്ല. അഭിഷേകിന് ആരോഗ്യപ്രശ്നങ്ങൾ ഉണ്ടായിരുന്നു. അതിനാൽ ബംഗളുരുവിലെ ആശുപത്രിയിൽ ചികിത്സയിലായിരുന്നു. എന്നാൽ ഹാജർ കുറവാണെന്ന് ചൂണ്ടിക്കാട്ടി അഡ്മിറ്റ് കാർഡ് നൽകാൻ അധ്യാപകൻ വിസമ്മതിക്കുകയായിരുന്നു. ഈ പശ്ചാത്തലത്തിലാണ് അഭിഷേകും മാതാപിതാക്കളും പ്രധാന അധ്യാപകനെതിരെ പ്രതിഷേധിച്ചത്. അഭിഷേക് ഹാവേരി ഡിസി ഓഫീസിന് മുന്നിൽ…

ബെംഗളൂരു : ഡ്രൈവർ കം കണ്ടക്ടർ (കെഎസ്ആർടിസി ഡ്രൈവർ) കെഎസ്ആർടിസി ബസിൽ വിഷംകഴിച്ച് ആത്മഹത്യക്ക് ശ്രമിച്ചു. ശിവമൊഗ്ഗ ബസ് സ്റ്റാൻഡിലാണ് സംഭവം. ഹൊന്നാളി ഡിപ്പോയിൽ ഡ്രൈവർ കം കണ്ടക്ടറായി ജോലി ചെയ്യുന്ന ബസവരാജ് (38) ആണ് ആത്മഹത്യയ്ക്ക് ശ്രമിച്ചത്. പത്ത് വർഷമായി കെഎസ്ആർടിസിയിൽ സേവനമനുഷ്ഠിക്കുന്ന ബസവരാജ് ഉദ്യോഗസ്ഥരുടെ സമ്മർദ്ദത്തിൽ മനംനൊന്താണ് ആത്മഹത്യയ്ക്ക് ശ്രമിച്ചത്. മദ്യപിച്ച് ലക്കുകെട്ട ഇയാൾ ബസിൽ കറങ്ങിനടക്കുന്നതിൻ്റെ ദൃശ്യങ്ങൾ മാധ്യമങ്ങൾ പുറത്ത് വിട്ടിരുന്നു. ഹൊന്നാലി ഡിപ്പോയിൽ ജോലി ചെയ്തിരുന്ന ബസവരാജിനെ ചോദ്യം ചെയ്യാൻ അധികൃതർ വിളിപ്പിച്ചിരുന്നു. തനിക്കെതിരെ കേസെടുത്തതിൽ മനംനൊന്ത് ബസവരാജ്…