മതത്തിന്റെ പേരിൽ തല്ലുകൂടുന്നവർക്ക് ഇടയിൽ ഒത്തൊരുമയുടെ പ്രതീകമായി മുസ്ലിങ്ങൾ പൗരോഹിത്യ ചുമതലകൾ നിർവഹിക്കുന്ന ഗഡഗിലെ ഒരു ക്ഷേത്രം

ബെംഗളൂരു: ഗദഗ് ജില്ലയിലെ ലക്ഷ്മേശ്വറിനടുത്തുള്ള കോരികോപ്പ ഹനുമാൻ ക്ഷേത്രത്തിൽ കഴിഞ്ഞ 150 വർഷമായി മുസ്ലീങ്ങളാണ് പൗരോഹിത്യ ചുമതലകൾ നിർവഹിക്കുന്നത്.

ഇതിന് കാരണം, മുൻകാലങ്ങളിൽ അവരുടെ ഹിന്ദു സഹോദരന്മാർ അവർക്ക് നൽകിയ പ്രത്യേക അവകാശമാണ്.

മുസ്ലീങ്ങൾ ക്ഷേത്രത്തിന്റെ ശ്രീകോവിലിൽ പ്രവേശിച്ച് ഹനുമാൻ വിഗ്രഹത്തിൽ പൂജ നടത്തുന്നു എന്നതാണ് ഈ ക്ഷേത്രത്തിന്റെ പ്രത്യേകത. സാഹോദര്യവും സാമുദായിക സൗഹാർദവും പ്രോത്സാഹിപ്പിക്കുന്നതിനായി കോരികോപ്പ ഗ്രാമത്തിലെ മുതിർന്നവർ ക്ഷേത്രത്തിൽ പൂജയും മറ്റ് ആചാരങ്ങളും നടത്താൻ മുസ്ലീങ്ങളെ അനുവദിച്ചു.

ഒരു വർഗീയ സംഘർഷത്തിനും സാക്ഷ്യം വഹിച്ചിട്ടില്ലാത്ത കോരിക്കോപ്പയിൽ ഹിന്ദുക്കളും മുസ്ലീങ്ങളും എല്ലായ്പ്പോഴും സമാധാനപരമായി സഹവസിച്ചിരുന്നതായി ഗ്രാമത്തിലെ ആളുകൾ പറയുന്നു.

കുടുംബസ്വത്ത് പോക്കുവരവ് ചെയ്യാൻ പുതിയ ചട്ടങ്ങൾ; അറിയേണ്ടതെല്ലാം

നേരത്തെ കോനേരിക്കൊപ്പ, കൊണ്ടിക്കൊപ്പ, ഗ്രാമങ്ങളിലേക്കുള്ള പ്രവേശന കവാടത്തിൽ ഒരു ചെറിയ ഹനുമാൻ ക്ഷേത്രം ഉണ്ടായിരുന്നു.

മുൻകാലങ്ങളിൽ പ്ലേഗും കോളറയും പൊട്ടിപ്പുറപ്പെട്ടതിനെ തുടർന്ന് ഈ ഗ്രാമങ്ങളിലെ ജനങ്ങൾ മറ്റിടങ്ങളിലേക്ക് കുടിയേറിയതിനാൽ കോനേരിക്കൊപ്പയും കൊണ്ടിക്കോപ്പയും ഇന്നില്ല.അതേസമയം ഈ ഗ്രാമങ്ങളിൽ നിന്നുള്ള ആളുകൾ മറ്റിടങ്ങളിലേക്ക് കുടിയേറിയപ്പോൾ, അടുത്തുള്ള പുതഗോവൻ ബദ്‌നി ഗ്രാമത്തിലെ ഏതാനും മുസ്ലീം കുടുംബങ്ങൾ ക്ഷേത്രത്തിൽ പൂജ അർപ്പിക്കുന്നത് തുടർന്നു. പിന്നീട് ക്ഷേത്രം പുനരുദ്ധരിക്കുകയും പൂജകളും മറ്റ് ആചാരങ്ങളും നടത്താനുള്ള ചുമതല കോരികോപ്പ ഗ്രാമത്തിലെ മുതിർന്നവർ മുസ്ലീങ്ങൾക്ക് നൽകുകയും ചെയ്തു. ഇത് ഇന്നും തുടരുന്നു.

ടിക്കറ്റ് വിൽപന സജീവം: ഓണം ബമ്പറിലൂടെ കോടീശ്വരനാകാൻ ഏത് ജില്ലയിൽ നിന്ന് ടിക്കറ്റെടുക്കണം

ശരവണ സമയത്ത്, എല്ലാ ഗ്രാമവാസികളും, ജാതി-മത വ്യത്യാസമില്ലാതെ, ക്ഷേത്രത്തിൽ ഹോമവും ഹവനവും ഭജനയും നടത്തുന്നത് പതിവാണ്. ക്ഷേത്രപരിസരത്ത് പഴയ മൺപാത്രങ്ങൾ, കല്ല് അരക്കുന്ന യന്ത്രങ്ങൾ, ഹഗേവുകൾ (ഭക്ഷ്യധാന്യങ്ങളും മറ്റും സൂക്ഷിക്കുന്നതിനുള്ള പരമ്പരാഗത പാത്രങ്ങൾ) എന്നിവ കാണാം.

കോരിക്കോപ്പയുടെ ഭൂതകാലത്തെക്കുറിച്ച് അറിയാനുള്ള ആകാംക്ഷയിൽ, ഗ്രാമത്തിലെ ആളുകൾ അവിടെ ഒരു പഠനം നടത്താൻ ചില ചരിത്രകാരന്മാരെ ക്ഷണിച്ചു. സെപ്റ്റംബറിൽ പഠനം ആരംഭിച്ചേക്കും.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.

ഖനന നിയന്ത്രണ നിയമ ഭേദഗതി: കേരളവും കർണാടകവും ഉൾപ്പെടെയുള്ള സംസ്ഥാനങ്ങൾ സുപ്രീം കോടതിയിലേക്ക്

[masterslider id="10"]