Month: March 2023

ബെംഗളൂരു∙ ബെംഗളൂരു–മൈസൂരു എക്സ്പ്രസ് വേയിലെ (എൻഎച്ച് –275) ടോൾ നിരക്ക് ഏപ്രിൽ പുതുക്കിയ നിരക്ക് പ്രാബല്യത്തിൽ വരും. ബെംഗളൂരുവിൽ നിന്നു മൈസൂരുവിലേക്ക് പോകുന്നവർക്ക് ബിഡദി കണമിണിക്കെയിലും മറുദിശയിൽ സഞ്ചരിക്കുന്നവർ രാമനഗര ശേഷഗിരിഹള്ളിയിലുമാണ് ടോൾ നൽകേണ്ടത്.  ഈ മാസം 14ന് ആണ് ബെംഗളൂരു മുതൽ മണ്ഡ്യ നിദഘട്ട വരെയുള്ള 55.63 കി.മീ ദൂരത്തെ ടോൾ പിരിവ് ആരംഭിച്ചത്. ടോൾ പിരിവ് ആരംഭിച്ച് മൂന്നാഴ്ചക്കുള്ളിലാണ് പുതിയ നിരക്ക് എൻഎച്ച്എഐ പ്രഖ്യാപിച്ചത്. അതും ദേശീയപാതകളിൽ ഏറ്റവും ഉയർന്ന നിരക്ക്. പ്രതിദിന നിരക്ക് 30 രൂപ മുതൽ പ്രതിമാസ പാസിന്…

ബെംഗളൂരു : സംസ്ഥാനത്തെ ഏറ്റവും പ്രായംകുറഞ്ഞ മേയറായി ബെല്ലാരി സിറ്റി കോർപ്പറേഷനിലെ കോൺഗ്രസ് അംഗം ഡി. ത്രിവേണി (23) ചുമതലയേറ്റു. 31-ാം വയസ്സിൽ മൈസൂരു സിറ്റി കോർപ്പറേഷൻ മേയറായ തസ്‌നീം ബാനുവായിരുന്നു ഇതുവരെ ഏറ്റവും പ്രായം കുറഞ്ഞ മേയർ. പാര മെഡിക്കൽ ബിരുദധാരിയായ ത്രിവേണി ബി.ജെ.പിയിൽ നിന്നുള്ള നാഗരത്നയെ 28 വോട്ടുകൾക്ക് പരാജയപ്പെടുത്തിയാണ് മേയറായത്. നാഗരത്തമ്മയ്ക്ക് 16 വോട്ടുകൾ ലഭിച്ചു. കോൺഗ്രസിലെ തന്നെ ജാനകിയെ ഡെപ്യൂട്ടി മേയറായും തിരഞ്ഞെടുത്തു. ത്രിവേണിയുടെ അമ്മ സുശീലബായ് 2018-ൽ ഒരു വർഷത്തേക്ക് മേയറായിരുന്നു.

ബെംഗളൂരു: 108 ക്രിമിനൽ കേസുകളിൽ ഉൾപ്പെട്ട പ്രഖ്യാപിത കുറ്റവാളിയെ അറസ്റ്റ് ചെയ്തതായി സെൻട്രൽ ക്രൈംബ്രാഞ്ച് (സിസിബി) അറിയിച്ചു. 56 കാരനായ അശ്വക് അഹമ്മദ് ഈ വർഷങ്ങളിലെല്ലാം ബെംഗളൂരുവിൽ ഒളിച്ചിരിക്കുകയാണെന്ന് കരുതിയിരുന്നെങ്കിലും കണ്ടെത്താനായിരുന്നില്ല. റിയൽ എസ്റ്റേറ്റ് ബിസിനസ്സ് നടത്തിയിരുന്ന അദ്ദേഹം ഗ്രാനിറ്റി പ്രോപ്പർട്ടീസ് എന്ന കമ്പനിയുടെ ഉടമയായിരുന്നു. 2009-2010 കാലഘട്ടത്തിൽ ആവളഹള്ളിയിലും പരിസര ഗ്രാമങ്ങളിലും ഭൂമി വ്യാജ പരിവർത്തന രേഖകൾ ഉണ്ടാക്കി വിറ്റെന്ന കുറ്റമാണ് ഇയാൾക്കെതിരെയുള്ളത്. കോടിക്കണക്കിന് രൂപ നൽകി പലരും സൈറ്റുകൾ വാങ്ങിയെങ്കിലും കബളിപ്പിക്കപ്പെട്ടു. തുടർന്ന് രാമമൂർത്തി നഗർ, ഇന്ദിരാനഗർ, അശോക് നഗർ പോലീസ്…

ബെംഗളൂരു: അപാര്‍ട്ട്മെന്റിന്റെ 14-ാം നിലയില്‍ നിന്ന് വീണ് യുവാവ് മരിച്ചു. കദ്രി പ്ലാനറ്റ് എസ്‌.കെ.എസ് റെസിഡന്‍ഷ്യല്‍ കോംപ്ലക്സിലെ അപാര്‍ട്മെന്റില്‍ താമസിക്കുന്ന അബ്ദുല്‍ സലീമിന്റെ മകന്‍ മുഹമ്മദ് ശമാല്‍ (21) ആണ് മരിച്ചത്. വ്യാഴാഴ്ച പുലര്‍ച്ചെ റമദാന്‍ വ്രതത്തിനായി അത്താഴം കഴിച്ച ശേഷം ശമാല്‍ ബാല്‍കണിയിലേക്ക് വന്നിരുന്നതായും ഇതിനിടയില്‍ അബദ്ധത്തില്‍ താഴേക്ക് വീഴുകയുമായിരുന്നുവെന്ന് ബന്ധുക്കള്‍ പറഞ്ഞു. മൃതദേഹം എജെ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.