Month: June 2021

ബെംഗളൂരു : മറ്റൊരു സ്ഥാപനത്തിൻ്റെ ഭാഗമല്ലാതെ സ്വതന്ത്രമായി പ്രവർത്തിക്കുന്ന റീട്ടെയിൽ ഔട്ട് ലെറ്റുകൾക്ക് മാത്രമായിരുന്നു ഇതുവരെ മദ്യം പാർസലായി നൽകാൻ അനുമതി ഉണ്ടായിരുന്നത്, ആ അനുമതി ബാറുകൾക്കും ക്ലബ്ബുകൾക്കും കൂടി നൽകി പുതിയ ഉത്തരവ് പുറത്തിറങ്ങി. നഗരത്തിലെ ബാറുകളിൽ നിന്നും ക്ലബുകളിൽ നിന്നും ആവശ്യക്കാർക്ക് മദ്യം പർസലായി വാങ്ങാം എന്നാൽ ഇരുന്ന് മദ്യപിക്കുന്നതടക്കുള്ള മറ്റൊരു പ്രവർത്തനവും അനുവദിക്കില്ലെന്ന് റവന്യൂ പ്രിൻസിപ്പൽ സെക്രട്ടറി പുറത്തിറക്കിയ ഉത്തരവിൽ പറയുന്നു. രാവിലെ 6 മുതൽ ഉച്ചക്ക് 2 വരെ മദ്യം ലഭ്യമാകും.  

ബെംഗളൂരു: കോവിഡ് ലോക്ക്ഡൗൺ കാരണം മാസങ്ങളായി നിർത്തിവച്ചിരുന്ന മൈസൂരു- ബെംഗളൂരു-കൊച്ചുവേളി (06315-16), ബെംഗളൂരു-എറണാകുളം (02677-78) തീവണ്ടി നാളെ മുതൽ സർവ്വീസ് ആരംഭിക്കും. ഉച്ചക്ക് 12.50 ന് മൈസൂരുവിൽ നിന്ന് പുറപ്പെടുന്ന തീവണ്ടി മണ്ഡ്യ, രാമനഗര, കെങ്കേരി, ബെംഗളൂരു സിറ്റി, കൻ്റോൺമെൻ്റ്, കെ.ആർ.പുരം, വൈറ്റ് ഫീൽഡ്, ബംഗാരപ്പേട്ട് എന്നിവിടങ്ങളിൽ നിർത്തും. രാവിലെ 6.10 ന് സിറ്റിയിൽ നിന്ന് പുറപ്പെടുന്ന എറണാകുളം ഇൻ്റർ സിറ്റിക്ക് കൻ്റോൺമെൻ്റ്, കർമലാറാം, ഹൊസൂർ എന്നിവിടങ്ങളിൽ സ്റ്റോപ്പ് ഉണ്ട്. ഇതോടെ നഗരത്തിൽ നിന്ന് കേരളത്തിലേക്കുള്ള തീവണ്ടികളുടെ എണ്ണം 4 ആയി. കന്യാകുമാരി എക്സ്പ്രസ്…

ബെംഗളൂരു: ലോക്ഡൗണിൽ കൂടുതൽ ഇളവുകൾ പ്രാബല്യത്തിലായതോടെ കൂടുതൽ പേർ നഗരത്തിലേക്ക് മടങ്ങിയെത്തുകയാണ്. അന്യസംസ്ഥാനങ്ങളിൽ നിന്നും മറ്റ് ജില്ലകളിൽ നിന്നും തീവണ്ടിയിൽ നഗരത്തിലേക്ക് വരുന്നവരെ ബി.ബി.എം.പി. റെയ്ൽവേ സ്റ്റേഷനിൽ തന്നെ കോവിഡ് പരിശോധനയ്ക്ക് വിധേയമാക്കുന്നു. നഗരത്തിൽ മജസ്റ്റിക്ക് റെയിൽവേ സ്റ്റേഷൻ ഉൾപ്പടെ പ്രധാന സ്റ്റേഷനുകളിൽ ഇവിടെ വന്നിറങ്ങുന്നവർക്ക് കോവിഡ് പരിശോധന ആരംഭിച്ചു. റയിൽവെ സ്റ്റേഷനിൽ വന്നിറങ്ങുന്ന യാത്രക്കാരെ കർശനമായി നിരീക്ഷിക്കുന്നുണ്ട്. കഴിഞ്ഞ 72 മണിക്കൂറിനുള്ളിൽ എടുത്ത കോവിഡ് നെഗറ്റീവ് സർട്ടിഫിക്കറ്റ് ഇല്ലാത്തവരെ പരിശോധനയ്ക്ക് വിധേയമാക്കുമെന്ന് ആരോഗ്യ വകുപ്പ് ഉദ്യോഗസ്ഥർ വെളിപ്പെടുത്തി. റയിൽവേ സ്റ്റേഷനുകളിൽ നല്ല തിരക്കാണ് അനുഭവപ്പെടുന്നത്. ഇളവ്…

ബെംഗളൂരു: മകന് അഭിനയരംഗത്ത് മികച്ച സാധ്യതകളുണ്ടെന്ന് ധരിപ്പിച്ച് പ്രമുഖ ഐ.ടി. കമ്പനിയിൽ സോഫ്റ്റ്‌വേർ എൻജിനിയർമാരായ ദമ്പതിമാരെ പറ്റിച്ച് തട്ടിയെടുത്തത് 16.7 ലക്ഷം രൂപ. വൈറ്റ്ഫീൽഡ് സ്വദേശികളായ ദമ്പതിമാരാണ് തട്ടിപ്പിന് ഇരയായത്. മോഡലിങ് ഏജൻസി നടത്തുകയാണെന്ന് പരിചയപ്പെടുത്തി ഫോണിൽ വിളിച്ചവരാണ് ഒരുവർഷത്തിനിടെ പലതവണയായി പണം തട്ടിയെടുത്തത്. തങ്ങൾ മോഡലിങ് എജൻസി നടത്തുകയാണെന്നും മകന് അവസരമൊരുക്കാമെന്നും അറിയിച്ച് കഴിഞ്ഞവർഷം നവംബറിലാണ് അപൂർവ അശ്വിൻ, ജാനിസ് എന്നീ പേരുകളിൽ പരിചയപ്പെടുത്തിയവർ ദമ്പതിമാരെ വിളിക്കുന്നത്. കുട്ടിയുടെ ചിത്രങ്ങൾ കണ്ടെന്നും അഭിനയരംഗത്ത് മികച്ച സാധ്യതകളുണ്ടെന്നും ഇവർ ദമ്പതിമാരെ ധരിപ്പിച്ചിരുന്നു. മകനെ ഒരു…

ബെംഗളൂരു: നഗരത്തിൽ ഇളവുകൾ പ്രാബല്യത്തിൽ വന്നതോടെ റോഡുകളിൽ വാഹനങ്ങളുടെ വൻ തിരക്ക്. ഓട്ടോറിക്ഷകൾക്കും ടാക്സി കാറുകൾക്കും സർവീസ് നടത്താൻ അനുമതിലഭിച്ചത് റോഡുകളിൽ വീണ്ടും ഗതഗാതഗക്കുരുക്കിനിടയാക്കുന്നു. ഫ്രീഡം പാർക്ക്, ശേഷാദ്രിപുരം, മല്ലേശ്വരം, ടൗൺ ഹാൾ, റിച്ച്മണ്ട് റോഡ്, കെംപെഗൗഡ റോഡ് തുടങ്ങിയ നഗരത്തിലെ പ്രധാന റോഡുകളിലെല്ലാം ഗതാഗതക്കുരുക്ക് അനുഭവപ്പെടുന്നുണ്ട്. ബൊമ്മനഹള്ളി, സിൽക്ക് ബോർഡ് ജങ്ഷനിലും പഴയപോലെ ഗതാഗതക്കുരുക്ക് വീണ്ടും കാണാം. ബസ്, മെട്രോ ട്രെയിൻ സർവീസ് ഇല്ലാത്തതിനാൽ ആളുകൾ കൂടുതലായും ടാക്സികളും ഓട്ടോറിക്ഷകളുമാണ് ആശ്രയിക്കുന്നത്. ലോക്ഡൗൺ ഇളവ് പ്രഖ്യാപിച്ചതോടെ ഇത്രയധികം തിരക്കുണ്ടാകുന്നത് വീണ്ടും കോവിഡ് വ്യാപനത്തിന്…