ബെംഗളൂരു : അടുത്ത 3 വർഷത്തിൽ ബെംഗളൂരു നഗരത്തിൽ 20 സർക്കാർ ആശുപത്രി കൂടി സ്ഥാപിക്കുമെന്ന് സർക്കാർ.
ഓരോ നിയമസഭാ മണ്ഡലത്തിലും 100 കിടക്കകൾ വീതമുള്ള 1-2 ആശുപത്രികൾ ഉറപ്പ് വരുത്തും, ഇതിന് വേണ്ട സ്ഥലം കണ്ടെത്താനുള്ള ശ്രമം എം.എൽ എ മാർ തുടങ്ങിക്കഴിഞ്ഞു.
ദാസറഹള്ളിയിൽ 100 കിടക്കകൾ ഉള്ള ആശുപത്രി നിർമ്മിക്കുമെന്ന് സ്ഥലം എം.എൽ.എ മഞ്ജുനാഥ് അറിയിച്ചു.
എം സി ലേഔട്ടിൽ 200 കിടക്കകളും പന്തരപാളയത്ത് 100 കിടക്കകളും ഉള്ള ആശുപത്രികൾ നിർമ്മിക്കുമെന്ന് മന്ത്രിയും ഗോവിന്ദരാജനഗർ എം എൽ എ യുമായ വി.സോമണ്ണ പ്രഖ്യാപിച്ചു.
മഹാദേവരയിൽ 250 കിടക്കകളുള്ള ആശുപത്രി നിർമ്മിക്കുമെന്ന് സ്ഥലം എം എൽ എ യും മന്ത്രിയുമായ അരവിന്ദ് ലിംബവാലി മുൻപ് തന്നെ പ്രഖ്യപിച്ചിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
