Year: 2020

ബെംഗളൂരു: നഗരത്തില്‍ ചിലയിടങ്ങളില്‍ മിതമായ രീതിയിലും ചിലയിടങ്ങളില്‍ അധികം മഴയും വരുന്ന വെള്ളിയാഴ്ചവരെ തുടരുമെന്ന് കാലാവസ്ഥ നിരീക്ഷണ വിഭാഗം അറിയിച്ചു. വെള്ളപ്പൊക്ക സാദ്ധ്യതകള്‍ നിലനില്‍ക്കുന്നതിനാല്‍ നഗരത്തില്‍ അടുത്ത രണ്ട് ദിവസത്തേക്ക് യെല്ലോ അലര്‍ട്ട് പ്രഖ്യാപിച്ചു. ബംഗാള്‍ ഉള്‍ക്കടലില്‍ ഉണ്ടായ ന്യുനമര്‍ദ്ദം ആണ് നഗരത്തില്‍ കൂടുതല്‍ മഴ ലഭിക്കുന്നതിന് കാരണമായത്. മൈസുരു റോഡിലെ രാജരാജേശ്വരി മെഡിക്കല്‍ കോളേജിന് സമീപം,കെങ്കേരി നൈസ് റോഡിന് സമീപം എന്നിവിടങ്ങളില്‍ കഴിഞ്ഞ ദിവസങ്ങളില്‍ ഉണ്ടായ മഴയില്‍ വെള്ളക്കെട്ട് രൂപപ്പെടുകയും തുടര്‍ന്ന് വലിയ ഗതാഗത ക്കുരുക്ക് ഉണ്ടാവുകയും ചെയ്തിരുന്നു.

മൈസൂരു: നഗരത്തിൽ നിറയെ ദസറ ആഘോഷത്തിന്റെ ഭാഗമായി ഒരുക്കിയ പല വർണങ്ങളിലുള്ള വൈദ്യുതദീപങ്ങൾകൊണ്ടുള്ള അലങ്കാരമാണ്. വർണശബളമായ ഈ കാഴ്ച കാണാനാൻ ആൾകൂട്ടങ്ങളുടെ തിക്കും തിരക്കുമാണ്. സന്ധ്യയാകുന്നതോടെ നഗരം ആൾക്കൂട്ടങ്ങളെക്കൊണ്ട് വീർപ്പുമുട്ടുകയാണ്. വൈദ്യുതാലങ്കാരങ്ങൾ കോവിഡ് വ്യാപനത്തിനെതിരേ സ്വീകരിക്കുന്ന നടപടികളെ തകിടം മറിക്കുമെന്ന് ആശങ്കയുയരുന്നു. ദസറയുടെഭാഗമായി ദിവസവും മൈസൂരു കൊട്ടാരം ദീപാലംകൃതമാകും. ദീപപ്രഭയിൽ കുളിച്ചുനിൽക്കുന്ന കൊട്ടാരത്തിന്റെ കാഴ്ചയാസ്വദിക്കാൻ ആളുകളുടെ തിരക്കാണ്. വൈകുന്നേരം ആളുകൾ കൂട്ടമായി ഒഴുകിയെത്തുന്നത് നിയന്ത്രണാതീതമായി മാറുന്നു. രാത്രി ഏഴുമണിയോടെയാണ് ദീപങ്ങൾ മിഴിതുറക്കുക. അപ്പോഴേക്കും ആളുകൾ നഗരത്തിന്റെ വിവിധഭാഗങ്ങളിലൂടെ സഞ്ചാരം തുടങ്ങുകയായി. ഒമ്പതുമണിവരെയാണ് ദീപക്കാഴ്ചകളുള്ളത്. അതുവരെ നഗരത്തിൽ ആൾക്കൂട്ടങ്ങൾ സജീവമാണ്. മൊബൈൽ…

ബെംഗളൂരു: നഗരവാസികൾക്ക് സുഖകരമായ യാത്രാനുഭവം നൽകിയ നമ്മ മെട്രോ ചൊവ്വാഴ്ച പത്താം വർഷത്തത്തിലേക്ക് കടക്കുകയാണ്. 2011 ഒക്ടോബർ 20 നായിരുന്നു എം.ജി. റോഡ് സ്റ്റേഷനിൽനിന്ന് ബൈയപ്പനഹള്ളിയിലേക്കുള്ള 6.7 കിലോമീറ്റർ പാതയിൽ ആദ്യമായി മെട്രോ ഓടിയത്. പത്താം വർഷത്തത്തിലേക്ക് കടക്കുമ്പോൾ 42 കിലോമീറ്റർ ദൈർഘ്യമുള്ള പാത ബെംഗളൂരുവിന്റെ പൊതുഗതാഗതസംവിധാനത്തിൽ ഒഴിച്ചുകൂടാനാവാത്തതായി. ഗ്രീൻ ലൈനിൽ യെലച്ചനഹള്ളിയിൽ നിന്ന് അഞ്ജനപുര വരെയുള്ള 6.2 കിലോമീറ്റർ പാതയിൽ നവംബർ ആദ്യം സർവീസ് തുടങ്ങുന്നത് നഗരവാസികൾക്ക് ആശ്വാസമാകും. ഗ്രീൻ, പർപ്പിൾ എന്നീ പേരുകളിലാണ് നമ്മ മെട്രോയുടെ രണ്ടുപാതകളും അറിയപ്പെടുന്നത്. ലോക് ഡൗണിന് മുമ്പ്…