Month: December 2020

ബെംഗളൂരു: സംസ്ഥാനത്ത് കന്നുകാലി കശാപ്പ് നിരോധന ബില്‍ നിയമനിര്‍മാണ സഭയില്‍ അവതരിപ്പിക്കാന്‍ സാധിക്കാതെ വന്നതോടെ ഓര്‍ഡിനന്‍സ് ഇറക്കാനൊരുങ്ങി ബിജെപി. ബില്‍ അവതരിപ്പിക്കാന്‍, വരുന്ന ചൊവ്വാഴ്ച പ്രത്യേക സഭാസമ്മേളനം ചേരുന്നതിനായി ഗവ‍ര്‍ണറുടെ അനുമതി തേടിയിട്ടുണ്ടെന്ന് മുഖ്യമന്ത്രി ബിഎസ് യെദ്യൂരപ്പ പറഞ്ഞു. എന്നാല്‍ ഉപരിസഭ ചേരാന്‍ ചെയര്‍മാന്‍ തയാറാകുന്നില്ലെങ്കില്‍ ഓര്‍ഡിനന്‍സ് ഇറക്കാൻ ശ്രമിക്കുമെന്നും യെദ്യൂരപ്പ പറഞ്ഞു. നേരത്തെ നിയമനിര്‍മാണ സഭയില്‍ ബില്‍ അവതരിപ്പിക്കുന്നതിന് മുന്‍പേ ചെയര്‍മാന്‍ പ്രതാപ് ചന്ദ്ര ഷെട്ടി സഭ പിരിച്ചുവിട്ടിരുന്നു. ഷെട്ടിക്കെതിരെ അവിശ്വാസ പ്രമേയം അവതരിപ്പിക്കാനും ബിജെപി അനുമതി തേടിയിട്ടുണ്ട്. ഉദ്യോഗസ്ഥര്‍ക്ക് വിപുലമായ അധികാരങ്ങള്‍ നല്‍കുന്ന…

ബെംഗളൂരു : തൊഴിലാളി യൂണിയനുകളുടെ അപ്രതീക്ഷിതമായ പണിമുടക്ക് യാത്രക്കാരെ വലയ്ക്കുന്ന സാഹചര്യത്തിൽ സ്വകാര്യ ബസുകളെ നിരത്തിലിറക്കി താൽക്കാലിക പരിഹാരത്തിന് സർക്കാർ ആലോചിക്കുന്നു. കഴിഞ്ഞദിവസം തുടങ്ങിയ മിന്നൽ പണിമുടക്ക് ഇതുവരെ അവസാനിക്കാത്ത സാഹചര്യത്തിലാണ് സർക്കാർ ഇങ്ങനെയൊരു നടപടിയെക്കുറിച്ച് ആലോചിക്കുന്നത്. പണിമുടക്ക് ശനിയാഴ്ചയും തുടർന്നു. തൊഴിലാളി സംഘടനകളുടെ നേതാക്കളെ ചർച്ചയ്ക്ക് വിളിച്ചിട്ടുണ്ടെങ്കിലും സമവായം ഉണ്ടായില്ലെങ്കിൽ തിങ്കളാഴ്ച മുതൽ സ്വകാര്യ ബസുകളെ ഉപയോഗിക്കുന്നതിനെക്കുറിച്ച് ആലോചിക്കുമെന്ന് ഗതാഗത മന്ത്രി ലക്ഷ്മൺ സാവഡി അഭിപ്രായപ്പെട്ടു. എന്നാൽ തൊഴിലാളി സംഘടനകളുടെ ചർച്ചയിൽ കർഷക നേതാവായ കോടി ഹള്ളി ചന്ദ്രശേഖറിനെ ഉൾപ്പെടുത്തണമെന്ന ആവശ്യം നിരാകരിച്ചതിനെ…

ബെംഗളൂരു : ആപ്പിൾ ഐഫോൺ നിർമ്മിക്കുന്ന തായ് വാൻ ബേസ്ഡ് കമ്പനിയായ വിസ്ട്രോൺ കോർപ്പറേഷൻ്റെ ഫാക്ടറി അവിടത്തെ തന്നെ ജീവനക്കാർ അടിച്ചു തകർത്തു. ഇന്ന് രാവിലെ 6:30 യോടെ നർസാപുര വ്യാവസായിക മേഖലയിലെ എണ്ണായിരത്തോളം ആളുകൾ ജോലി ചെയ്യുന്ന ക്യാമ്പസിലാണ് സംഭവം. വേതനം ലഭിച്ചില്ല എന്നാരോപിച്ചായിരുന്നു അക്രമണം. ” ഇന്ന് പുലർച്ചെ ഷിഫ്റ്റ് മാറുന്ന സമയത്ത് ഫാക്ടറിയിൽ പ്രശ്നം ഉണ്ടായതായി അറിഞ്ഞു, ഞങ്ങൾ അന്വേഷിച്ച് കൊണ്ടിരിക്കുകയാണ്, സി.സി.ടി.വി ദൃശ്യങ്ങൾ ആവശ്യപ്പെട്ടിട്ടുണ്ട്,80 പേരെ അറസ്റ്റ് ചെയ്തിട്ടുണ്ട്” സെൻട്രൽ പോലീസ് ഇൻസ്പെക്ടർ ജനറൽ സീമന്ത കുമാർ അറിയിച്ചു.…

ബെംഗളൂരു: നിയന്ത്രണംവിട്ട കാർ മീഡിയം ചാടിക്കടന്ന് എതിരേവന്ന ബൈക്കിലിടിച്ച് ഒരു കുടുംബത്തിലെ മൂന്നുപേർക്ക് ദാരുണാന്ത്യം. ബെംഗളൂരു-മൈസൂരു റോഡിൽ ദണ്ഡി മാരമ്മ ക്ഷേത്രത്തിനുസമീപം വ്യാഴാഴ്ച രാത്രി പത്തുമണിയോടെയാണ് അപകടം നടന്നത്‌. അപകടത്തിൽ ഭാര്യയും ഭർത്താവും ഇവരുടെ അഞ്ചുവയസ്സുള്ള ഒരു കുട്ടിയുമാണ് മരിച്ചത്. ഒപ്പമുണ്ടായിരുന്ന ഇവരുടെ മറ്റൊരു കുട്ടിക്ക് പരിക്കേറ്റു. സ്കൂൾ വിദ്യാർഥിയായ ഒരാൺകുട്ടി ഓടിച്ച കാറാണ് അപകടമുണ്ടാക്കിയതെന്ന് പറയുന്നു. ഈ കുട്ടിക്കും പരിക്കേറ്റിട്ടുണ്ട്. ടി.കെ. ലേ ഔട്ടിൽ താമസിക്കുന്ന രമേഷ്(41), ഭാര്യ ഉഷ(36), ഇവരുടെ മകൻ മോനിഷ്(അഞ്ച്)എന്നിവരാണ് മരിച്ചത്. ഇവരോടൊപ്പം ബൈക്കിലുണ്ടായിരുന്ന മറ്റൊരു മകൻ സിദ്ദാർഥ്(മൂന്ന്)ആണ് പരിക്കുകളോടെ രക്ഷപ്പെട്ടത്.