Day: 22 December 2020

ബെംഗളൂരു: സംസ്ഥാനത്ത് കോവിഡ് വാക്സിൻ സൂക്ഷിക്കുവാൻ പര്യാപ്തമായ ശീതീകരണ ശൃംഖല സംവിധാനം തയ്യാറെന്ന് ആരോഗ്യ മന്ത്രി കെ.സുധാകർ അറിയിച്ചു. ശൈശവകാല വാക്സിനുകൾ സൂക്ഷിക്കുവാനും എത്തിക്കുവാനുമുള്ള നിലവിലെ സംവിധാനവും കോവിഡ് വാക്സിന്റെ സംസ്ഥാനത്തെ ആവശ്യങ്ങൾക്ക് പര്യാപ്തമാണെന്ന് അദ്ദേഹം പറഞ്ഞു. സംസ്ഥാനത്ത് രോഗപ്രതിരോധ നടപടികൾക്കായി 2870 ശീതീകരണ ശൃംഖല സ്ഥലങ്ങളാണ് ഉള്ളത്. ഇത് രാജ്യത്തെ ആകെ ഉള്ള 28932 സ്ഥലങ്ങളുടെ 10 ശതമാനത്തിന് മുകളിലാണ്. സംസ്ഥാനത്ത് ബെംഗളൂരുവിലും ബെൽഗാവിലുമായി 2 സ്റ്റോറുകളാണ് ഉള്ളത്. ചിത്രദുർഗ, മൈസൂരു, മാംഗ്ളൂരു, കാലാബുർഗി, ബാഗൽകോട് എന്നിവിടങ്ങളിലായി വൻ തോതിൽ വാക്സിൻ സൂക്ഷിക്കുവാനും…

രാമനഗര ജില്ലയിലെ ചന്ദ്ര വില്ലേജിൽ കോറലുലുവിൽ നിന്നുള്ള 25ഓളം വരുന്ന സ്ത്രീ യാത്രക്കാർ തമിഴ്നാട് അഞ്ചെട്ടി ശിവക്ഷേത്രത്തിലേക്ക് പോകുംവഴിയാണ് അപകടത്തിൽപ്പെട്ടത്. ഇന്നലെ ഉച്ചയ്ക്ക് മൂന്ന് മണിയോടുകൂടി ട്രാക്ടറിൽ ഘടിപ്പിച്ച പിൻ വാഹനത്തിൽ യാത്ര ചെയ്യവേ റോഡരികിലെ കുഴിയിലേക്ക് കീഴ്മേൽ മറിഞ്ഞാണ് അപകടമുണ്ടായത്. ട്രാക്ടറിന്റെ ആക്സിൽ ഒടിഞ്ഞതാണ് അപകടകാരണമെന്ന് കരുതുന്നു. മുല്ലമ്മ 80, ഒസബമ്മ 80, ഗൗരമ്മ 60, പുട്ടലിങ്കമ്മ 60, മംഗലമ്മ 25 എന്നിവരാണ് മരിച്ചത്. പരിക്കേറ്റവരെ അഞ്ചടിയിലും ഹോസൂരി ലു മുള്ള ഗവൺമെന്റ് ആശുപത്രികളിൽ പ്രവേശിപ്പിച്ചിട്ടുണ്ട്.

ബെംഗളൂരു : നഗരത്തിൽ നിന്ന് മൈസൂരുവിലെത്താൻ വെറും ഒന്നര മണിക്കൂർ ! വിശ്വസിക്കാൻ കഴിയുന്നില്ല അല്ലേ, എന്നാൽ കഴിഞ്ഞ ദിവസം കേന്ദ്ര മന്ത്രി നിതിൻ ഗഡ്കരി പ്രഖ്യാപിച്ച പദ്ധതി ഈ ലക്ഷ്യം യാഥാർത്ഥ്യമാകുന്നതാണ്. 7400 കോടി മുതൽ മുടക്കിൽ ഉദ്യാന നഗരിക്കും കൊട്ടാര നഗരിക്കും ഇടയിൽ വരുന്നത് 10 ലൈൻ സാമ്പത്തിക ഇടനാഴിക. 6 വരി പ്രധാന പാതക്ക് ഇരു വശവും 4 വരി സർവ്വീസ് റോഡും അടങ്ങുന്നതാണ് പദ്ധതി. പദ്ധതിയുടെ 45 ശതമാനവും നിർമ്മാണം പൂർത്തിയായി. 2022 സെപ്റ്റംബറിൽ ആണ് പദ്ധതി പൂർത്തിയാകുക.…

ബെംഗളൂരു: സംസ്ഥാനത്തെ ബി.ജെ.പി മന്ത്രിമാര്‍ക്കും എം.എല്‍.എമാര്‍ക്കുമെതിരെയുള്ള ക്രിമിനല്‍ കേസുകള്‍ ഒഴിവാക്കികൊണ്ടുള്ള സര്‍ക്കാര്‍ ഉത്തരവ് സ്‌റ്റേ ചെയ്ത് കര്‍ണാടക ഹൈക്കോടതി. ബി.ജെ.പി എം.എല്‍.എമാര്‍ക്കെതിരെയുള്ള 61 കേസുകള്‍ പിന്‍വലിക്കുന്നതിനായി ആഗസ്റ്റ് 31ന് കര്‍ണാടക സര്‍ക്കാര്‍ ഇറക്കിയിരുന്ന ഉത്തരവാണ് കോടതി സ്‌റ്റേ ചെയ്തതെന്ന് ലൈവ് ലോ റിപ്പോര്‍ട്ട് ചെയ്യുന്നു. യെദിയൂരപ്പ സര്‍ക്കാറിന് വലിയ തിരിച്ചടിയായിരിക്കുകയാണ് ഹൈക്കോടതിയുടെ ഇടപെടല്‍. ചീഫ് ജസ്റ്റിസ് അഭയ് എസ് ഒക, ജസ്റ്റിസ് വിശ്വജിത് ഷെട്ടി എന്നിവരടങ്ങുന്ന ബെഞ്ചാണ് സ്റ്റേ പുറപ്പെടുവിച്ചത്. പീപ്പിള്‍ യൂണിയന്‍ ഓഫ് സിവില്‍ ലിബേര്‍ട്ടീസ് എന്ന സംഘടനയാണ് ജനപ്രതിനിധികള്‍ക്കെതിരെയുള്ള ക്രിമിനല്‍ കേസുകള്‍ റദ്ദാക്കാനുള്ള സര്‍ക്കാര്‍ ഉത്തരവിനെതിരെ…

ബെംഗളൂരു: ബ്രിട്ടൻ ഉൾപ്പടെയുള്ള വിദേശ രാജ്യങ്ങളിൽ ജനിതകമാറ്റം സംഭവിച്ച കൊറോണ വൈറസ് പടർന്നുതുടങ്ങിയതോടെ മുൻകരുതൽ നടപടികളുമായി സംസ്ഥാനസർക്കാർ രംഗത്ത്. ബെംഗളൂരു, മംഗളൂരു വിമാനത്താവളങ്ങളിൽ ഡിസംബർ ഏഴിനു ശേഷം ബ്രിട്ടൻ,  നെതർലൻഡ്സ്, ഡെൻമാർക്ക് എന്നീ രാജ്യങ്ങളിൽ നിന്നെത്തി കോവിഡ് സ്ഥിരീകരിച്ച യാത്രക്കാർ ആശുപത്രി ഐസോലേഷനിലേക്ക് മാറണമെന്ന് ആരോഗ്യവകുപ്പ് നിർദേശിച്ചിട്ടുണ്ട്. ടെസ്റ്റ് നെഗറ്റീവായവർ 14 ദിവസം ക്വാറന്റീനിൽ പ്രവേശിക്കണം. ബ്രിട്ടനിലാണ് ജനിതകമാറ്റം സംഭവിച്ച കൊറോണ വൈറസ് അതിവേഗം പടരുന്നത്. ഏഴിനുശേഷം ബ്രിട്ടനിൽ നിന്നെത്തിയവരുടെ പേരുവിവരങ്ങളും ആരോഗ്യവകുപ്പ് ശേഖരിച്ചുതുടങ്ങി. ബ്രിട്ടനിൽനിന്നെത്തി കോവിഡ് പോസിറ്റീവായവരുടെ സാംപിളുകൾ ബെംഗളൂരു നിംഹാൻസിൽ പ്രത്യേക പരിശോധനയ്ക്ക് വിധേയമാക്കാനും…