Day: 7 December 2020

ബെംഗളൂരു : കോൺഗ്രസുമായി ചേർന്ന് മന്ത്രി സഭ രൂപീകരിക്കാനെടുത്ത തീരുമാനം തെറ്റായിപോയെന്ന ജെ.ഡി.എസ് നേതാവും മുൻ മുഖ്യമന്ത്രിയുമായ ശ്രീ. എച്ച്.ഡി.കുമാരസ്വാമിയുടെ കഴിഞ്ഞ ദിവസത്തെ പ്രസ്താവനയോട് യോജിപ്പ് പ്രകടിപ്പിച്ചു കൊണ്ട് ബി.ജെ.പി നേതാവും മുൻ മുഖ്യമന്ത്രിയുമായ  ജഗദീഷ് ഷെട്ടാർ രംഗത്ത്. ജെ.ഡി.എസ് മുന്നോട്ട് വന്നാൽ ബെലഗാവി തെരഞ്ഞെടുപ്പിൽ സംഖ്യത്തിന് തയ്യാറെന്നും അത് പ്രയോജകരമായിരിക്കുമെന്നും ഷെട്ടാർ പറഞ്ഞു. കഴിഞ്ഞ സെപ്റ്റംബറിൽ കേന്ദ്ര സഹമന്ത്രിയായിരുന്ന ശ്രീ സുരേഷ് അംഗടി കോവിഡ് മൂലം നിര്യാതനായതിനെ തുടർന്നാണ് ബെലഗാവി ലോകസഭ സീറ്റിൽ ഉപതെരഞ്ഞെടുപ്പ് നടക്കുന്നത്. പ്രധാന പാർട്ടികളുടെ സ്ഥാനാർഥി നിർണയം ഇനിയും പൂർത്തിയായിട്ടില്ല.

ബെംഗളൂരു: ബംഗ്ലാദേശി സ്വദേശിയായ അബൂ താഹിർ എന്ന 23 കാരനാണ് ബെംഗളൂരു കെംപഗൗഡ അന്താരാഷ്ട്ര വിമാനത്താവളത്തിൽ വച്ച് അധികൃതരുടെ പിടിയിലായത്. സംശയം തോന്നിയ അധികൃതർ നടത്തിയ വിശദമായ പരിശോധനയിൽ ഇയാൾ കൈവശം വച്ചിരുന്ന ഇന്ത്യൻ പാസ്പോർട്ട് വ്യാജമാണെന്ന് കണ്ടെത്തുകയായിരുന്നു. ആസാമിലെ ദൊബൊക്കയിൽ നിന്നും അലൻ മുഹമ്മദ് യാഹിയ എന്ന പേരിലാണ് ഇയാൾ പാസ്പോർട്ട് കരസ്ഥമാക്കിയിരുന്നത്. പാസ്പോർട്ട് കൂടാതെ ആധാർ കാർഡ്, വോട്ടർ ഐഡി കാർഡ്, പാൻ കാർഡ് ഡ്രൈവിംഗ് ലൈസൻസ് എന്നിവയും ആസാമിൽ നിന്ന് നൽകിയതായി കണ്ടെത്തി. 2016 ഇദ്ദേഹം 5000 രൂപ നൽകിയാണ്…

ബെംഗളൂരു : നിയമസഭാ,നിയമനിർമ്മാണ കൗൺസിൽ സമ്മേളനങ്ങൾ ഇന്നു മുതൽ വിധാൻ സൗധയിൽ ആരംഭിക്കും. കർഷക നിയമത്തെ എതിർത്ത് നിരവധി കർഷക സംഘടനകൾ രംഗത്ത് വരുന്ന സാഹചര്യത്തിൽ വിധാൻ സൗധക്ക് ചുറ്റും നിരോധനാജ്ഞ ഏർപ്പെടുത്തിയിട്ടുണ്ട്. ഇന്ന് രാവിലെ 6 മുതൽ 15 ന് രാത്രി വരെയാണ് കർഫ്യൂ നിലനിൽക്കുക. അതേ സമയം ഈ മാസം 9ന് വിധാൻ സൗധ ഉപരോധിക്കുമെന്ന് കർണാടക രാജ്യ റെയ്ത്ത സംഘ അറിയിച്ചു.