Month: May 2020

ബെംഗളൂരു:കുടിയേറ്റത്തൊഴിലാളികളെ പാർപ്പിച്ച ക്യാമ്പിന്റെ മേൽക്കൂര കാറ്റിൽ തകർന്നുവീണു. സ്ത്രീകളും കുട്ടികളും ഉൾപ്പെടെ 200-ഓളം തൊഴിലാളികൾ ഈ സമയത്ത് ക്യാമ്പിലുണ്ടായിരുന്നെങ്കിലും തലനാരിഴയ്ക്ക് പരിക്കുകളേൽക്കാതെ രക്ഷപ്പെടുകയായിരുന്നു. ഉത്തർപ്രദേശ്, അസം, രാജസ്ഥാൻ തുടങ്ങിയ സംസ്ഥാനങ്ങളിൽ നിന്നുള്ള കുടിയേറ്റത്തൊഴിലാളികളെ താമസിപ്പിച്ച പാലസ് ഗ്രൗണ്ടിലെ ടെന്നീസ് പവിലിയന്റെ മേൽക്കൂരയാണ് തകർന്നുവീണത്. ഇവരുടെ തുണികളും പണവും മഴയിൽ നഷ്ടപ്പെട്ടു. മേൽക്കൂര തകർന്നുവീണതോടെ പ്രദേശത്തുണ്ടായിരുന്ന പോലീസുകാരെത്തി മുഴുവൻ പേരെയും പുറത്തെത്തിച്ചു. പിന്നീട് ത്രിപുരവാസിനി പവിലിയനിലേക്ക്മാറ്റി. എന്നാൽ പവിലിയൻ തുറക്കാൻ താമസിച്ചതോടെ ഏറെനേരം പെരുമഴയത്ത് ഇവർക്ക് കാത്തുനിൽക്കേണ്ടിവന്നു. കടുത്ത ദുരിതമാണ് അനുഭവിച്ചുകൊണ്ടിരിക്കുന്നതെന്നും നാട്ടിലേക്ക് പോകുന്ന കാര്യത്തിൽ…

ബെംഗളുരു : ഇതുവരെ നോൺ എസി സർവീസുകൾ മാത്രം നടത്തിയിരുന്ന ബിഎംടിസി നാളെ മുതൽ എസി ബസ് സർവീസുകളും ഭാഗികമായി പുനസ്ഥാപിക്കും. മജസ്റ്റിക് ബസ് സ്റ്റേഷനിൽ നിന്ന് അത്തി ബെലെ ,ഹൊസ്കോട്ടെ,കഡുഗോഡി, സർജാപുര എന്നിവിടങ്ങളിലേക്കും ഹെബ്ബാളിൽ നിന്ന് ബനശങ്കരി, സിൽക്ബോർഡ് ജംക്ഷൻ, ബനശങ്കരിയിൽ നിന്ന് ഐടിപിഎൽ, ഇലക്ട്രോണിക് സിറ്റിയിൽ നിന്ന് ഐടിപിഎൽ എന്നിവിടങ്ങളിലേക്കായി ദിവസേന 75 എസി ബസുകളാണ് ഉണ്ടാവുക. അകലം പാലിക്കേണ്ടതിനാൽ ഓരോ ബസിലും യാത്രക്കാരുടെ എണ്ണം നിയന്ത്രിക്കും.

ബെംഗളൂരു :പുതിയ രോഗിയെ സ്ഥിരീകരിച്ചതോടെ രാമമൂർത്തി നഗർ വാർഡും കണ്ടെയ്ൻമെന്റ് സോൺ ആയി പ്രഖ്യാപിച്ചു. ഇതോടെ ബിബിഎംപി പരിധിയിലെ കണ്ടെയ്ൻമെന്റ് സോണുകളുടെ എണ്ണം 25 ആയി. ബൊമ്മനഹള്ളി, മഹാദേവപു ര സോണുകളിലാണ് ഏറ്റവും കൂടുതൽ കണ്ടെയ്ൻമെന്റ് സോണുകൾ ഉള്ളത്. ബെംഗളൂരു സൗത്ത്, വെസ്റ്റ്,യെലഹങ്ക സോണുകളാണ് കോവിഡ് രോഗികളുള്ള മറ്റു സോണുകൾ. നിലവിലുള്ള കണ്ടെയിൻമെൻ്റ് സോണുകളുടെ ലിസ്റ്റ് താഴെ.