Day: 17 April 2020

ബെംഗളൂരു : നിയമം സാധാരണക്കാരന്‌ പാലിക്കാനുള്ളത് ആണെന്നാണല്ലോ സാധാരണ നമ്മുടെ നാട്ടില്‍ ഉള്ള വിചാരം,അത് രാഷ്ട്രീയ സാമ്പത്തിക തലങ്ങളില്‍ മുകളില്‍ നില്‍ക്കുന്നവരിലേക്ക്‌ എത്തുമ്പോള്‍ പലപ്പോഴും നിയമങ്ങള്‍ കണ്ണടക്കുന്നത് നമ്മള്‍ പലപ്പോഴായി കണ്ടിട്ടുണ്ട്. വിഷയം ഇന്ന് വിവാഹിതനായ നിഖില്‍ കുമാരസ്വാമി എന്നാ നിഖില്‍ ഗൌഡയെക്കുറിച്ചാണ്,ഇന്ന് രാമനഗരയിലെ ഒരു ഫാം ഹൌസില്‍ വച്ച് നടന്ന വിവാഹത്തില്‍ ഇപ്പോള്‍ നില നില്‍ക്കുന്ന “സാമൂഹിക അകലം” അടക്കമുള്ള കാര്യങ്ങള്‍പാലിച്ചില്ല എന്നാണ് ആരോപണം. മാധ്യമങ്ങള്‍ക്ക് ആഘോഷങ്ങള്‍ നടക്കുന്ന സ്ഥലത്തേക്ക് പ്രവേശനം ഉണ്ടായിരുന്നില്ല,നൂറില്‍ അധികം ആളുകള്‍ ചടങ്ങില്‍ പങ്കെടുത്തതായി ആണ് വിവരം,അധികാരികളുടെ അനുമതിയോടെ…

ബെംഗളുരു : ചികിത്സയിലുള്ള 10 കോവിഡ് രോഗികൾക്കു ആയുർവേദ മരുന്നുകൾ കൂടിനൽകാൻ അനുമതിനൽകി സർക്കാർ. ഗിരിധർ കാജെ എന്നആയുർവേദ ഡോക്ടർ മുഖ്യമന്ത്രി യെഡിയൂരപ്പയെ കണ്ട് ചർച്ച നടത്തിയതിനെ തുടർന്നാണിത്. അലോപ്പതി മരുന്നുകൾക്കു പുറമേയാണ് ഇവർക്ക് ആയുർവേദ ചികിത്സ ലഭ്യമാക്കുന്നത്. കോവിഡിനെ പ്രതിരോധിക്കാൻ ആയുർവേദ ചികിത്സയ്ക്ക് അനുമതി തേടി ഡോ.ഗിരിധർ കാജെ നേരത്തെ പ്രധാനമന്ത്രി നരേന്ദ്ര മോദിക്ക് കത്തെഴു തിയിരുന്നു. രോഗ പ്രതിരോധ ശേഷി വർദ്ധിപ്പിക്കാനായി ആയുഷ് മന്ത്രാലയം മുന്നോട്ടു വച്ച ചില നിർദേശങ്ങൾ പ്രധാനമന്ത്രി രാജ്യവുമായി പങ്കിട്ടിരുന്നു.

ബെംഗളൂരു: ലോക്ഡൗൺ കാരണം നഗരത്തിൽ കുടുങ്ങിപ്പോയ നിർമാണത്തൊഴിലാളികളെ പുനരധിവസിപ്പിക്കുന്നതിനായി ഹോട്ടലുകൾ സർക്കാർ ഏറ്റെടുക്കാനൊരുങ്ങുന്നു. നൂറോളം ഹോട്ടലുകൾ ഏറ്റെടുത്ത് ഇവിടങ്ങളിൽ തൊഴിലാളികളെ താമസിപ്പിക്കാനാണ് ശ്രമം നടക്കുന്നത്. ജോലിയില്ലാതായതോടെ ഒട്ടേറെ തൊഴിലാളികൾക്കാണ് വാടക കൊടുക്കാൻ കാശില്ലാതെ താമസസ്ഥലത്തുനിന്ന് ഇറങ്ങേണ്ടി വന്നത്. ഇവർക്ക് വിവിധ സന്നദ്ധ സംഘടനകളും സർക്കാരും നൽകിവരുന്ന ഭക്ഷണമാണ് ആശ്രയം. താമസസ്ഥലത്തുനിന്ന് ഇറങ്ങേണ്ടി വരുന്ന തൊഴിലാളികളുടെ എണ്ണം കൂടിയതോടെയാണ് ഹോട്ടലുകളിൽ ഇവർക്ക് താമസസൗകര്യമൊരുക്കാനുള്ള ശ്രമങ്ങൾ നടത്തിവരുന്നത്. ലോക് ഡൗൺ കാരണം ഹോട്ടലുകൾ തുറന്നു പ്രവർത്തിക്കാത്തതിനാൽ തൊഴിലാളികളെ ഇവിടെ താമസിപ്പിക്കാൻ തീരുമാനിക്കുകയായിരുന്നു. പ്രതിരോധ പ്രവർത്തനങ്ങളുടെ ഭാഗമായുള്ള എല്ലാ…