ബെംഗളൂരു: കൊറോണ പ്രതിരോധപ്രവർത്തനങ്ങൾ രാഷ്ട്രീയനേട്ടത്തിനായി സർക്കാർ ഉപയോഗിക്കുകയാണെന്ന് ആരോപിച്ച് കർണാടക പ്രദേശ് കോൺഗ്രസ് കമ്മിറ്റി (കെ.പി.സി.സി.) സംസ്ഥാന ചീഫ് സെക്രട്ടറിക്ക് പരാതി നൽകി.
കെ.പി.സി.സി. വർക്കിങ് പ്രസിഡന്റ് സലിം അഹമ്മദിന്റെ നേതൃത്വത്തിലുള്ള സംഘം സെക്രട്ടേറിയറ്റിൽ നേരിട്ടെത്തിയാണ് പരാതി നൽകിയത്.
ദുരിതമനുഭവിക്കുന്നവർക്ക് സംസ്ഥാന സർക്കാർ നൽകുന്ന ഭക്ഷണക്കിറ്റുകളിൽ നരേന്ദ്രമോദിയുടെയും ബി.ജെ.പി. എം.എൽ.എ.മാരുടെയും ചിത്രവും താമര ചിഹ്നവും പതിക്കുന്നതിനെതിരേയാണ് പരാതി.
ജനങ്ങൾക്ക് മെച്ചപ്പെട്ട വൈദ്യസഹായം നൽകാതെ രാഷ്ട്രീയ മുതലെടുപ്പിന് അവസരം ഉപയോഗിക്കുകയാണെന്ന് പരാതിയിൽ ചൂണ്ടിക്കാട്ടി.
അന്വേഷണം നടത്തി നടപടി സ്വീകരിക്കുമെന്ന് ചീഫ് സെക്രട്ടറി ഉറപ്പുനൽകിയതായി കെ.പി.സി.സി. സംഘം അറിയിച്ചു.
പ്രതിപക്ഷ ചീഫ് വിപ്പ്, എം.സി. വേണുഗോപാൽ എം.എൽ.സി., മുൻ കെ.പി.സി.സി. സെക്രട്ടറി ടി.എം. ഷാഹിദ് തെക്കിൽ എന്നിവരുൾപ്പെടുന്ന സംഘമാണ് പരാതി നൽകിയത്
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
