Day: 4 March 2020

ബെംഗളൂരു : മധ്യവേനലവധിക്ക് ബംഗളൂരുവിൽ നിന്നുള്ള കർണാടക -കേരള ആർ ടി സി ബസ്സുകളിൽ ടിക്കറ്റ് വിൽപ്പന ആരംഭിച്ചു. കർണാടക എസ്എസ്എൽസി ഒഴികെയുള്ള പരീക്ഷകൾ ഈ മാസം അവസാനിക്കുമെന്നതിനാൽ കുടുംബത്തോടെ നാട്ടിൽ പോകുന്നവരാണ് ഏറെയും. മാർച്ച് 30 മുതൽ ബംഗളൂരുവിൽ നിന്നുള്ള ട്രെയിനുകളിൽ ടിക്കറ്റ് ലഭ്യമാണ് എന്നാൽ ഏപ്രിൽ രണ്ടാം വാരം ഈസ്റ്റർ-വിഷു തിരക്ക് തുടങ്ങുന്നതിനാൽ ട്രെയിനുകളിൽ ടിക്കറ്റ് ലഭ്യമല്ല. സ്വകാര്യ ബസുകളിൽ 3000 രൂപ വരെയാണ് ടിക്കറ്റ് ചാർജ് ഈസ്റ്റർ-വിഷു അവധി കേരള കർണാടക ആർ ടി സി ബസ്സുകളിൽ ടിക്കറ്റ് ബുക്കിംഗ്…

ബെംഗളുരു : അൺ റിസർവ്ഡ് ടിക്കറ്റെടുക്കാനുള്ള യുടിഎസ് ആപ് സംവിധാനം ദക്ഷിണ പശ്ചിമ റെയിൽവേയുടെ 60 സ്റ്റേഷനുകളിലേക്ക് കൂടി വ്യാപിപ്പിച്ചു. പേപ്പർലെസ് ടിക്കറ്റുകൾ വ്യാപകമാക്കുന്നതിന്റെ ഭാഗമായി 2വർഷം മുൻപ് ബെംഗളൂരു ഡിവിഷനിലെ 13 സ്റ്റേഷനുകളിലാണ് പദ്ധതി ആരംഭിച്ചത്. സ്മാർട്ട് ഫോണിൽ യുടിഎസ് ആപ്പ് ഡൗൺലോഡ് ചെയ്താൽ റിസർവേഷനല്ലാത്തെ ടിക്കറ്റിന് പുറമേ പ്ലാറ്റ്ഫോം ടിക്കറ്റ്, സീസൺ ടിക്കറ്റ് എന്നിവയും എടുക്കാം. യാത്ര ആരംഭിക്കുന്നതിന്റെ മൂന്ന് മണിക്കൂർ മുൻപ് വരെ അൺ റിസർവ്ഡ് ടിക്കറ്റെടുക്കാൻ സാധി ക്കും. ഇ-വോലറ്റ് സൗകര്യം ഉപയോഗിച്ച് ഡിജിറ്റലായി പണമടയ്ക്കാനും സാധിക്കും.

ബെംഗളൂരു :  നഗരത്തിൽ ഷട്ടിൽ കളിക്കിടെ കുഴഞ്ഞുവീണ് മലയാളി മരിച്ചു. കാലിക്കറ്റ് സർവകലാശാലാ റിട്ട.ഡപ്യൂട്ടി റജിസ്ട്രാർ പരേതനായ കാക്കഞ്ചേരി ചിത്ര വീട്ടിൽഡോ. പി.വി ഭാസ്കരൻ നായരുടെ മകൻ സന്തോഷ് ഭാസ്കർ (45) ആണ് മരിച്ചത്. കുടുംബ സമേതം ബെംഗളൂരുവിൽ താമസിക്കുന്ന സന്തോഷ് ഇവിടെ ഐടി കമ്പനി നടത്തുകയായിരുന്നു. അമ്മ: എം.ശാരദ (റിട്ട.ഡപ്യൂട്ടി റജിസ്ട്രാർ, കാലിക്കറ്റ് സർവകലാശാല). ഭാര്യ: അനിത (തിരുവില്വാമല). മക്കൾ: അനന്യ, അനഹത.സഹോദരൻ: ബസന്ത്.സംസ്കാരം ഇന്ന് 10ന് തേഞ്ഞിപ്പലം കാക്കഞ്ചേരിയിലെ വീട്ടുവളപ്പിൽ.