Day: 22 May 2019

ബെംഗളൂരു:കര്‍ണാടകയില്‍ വീണ്ടും പ്രസാധ ദുരന്തം,ക്ഷേത്രത്തില്‍ നിന്ന് പ്രസാദം കഴിച്ച ഒരു യുവാവ്‌ മരിച്ചു.20 പേരെ ആശുപത്രിയില്‍ പ്രവേശിപ്പിച്ചു. തുമുകുരു ജില്ലയിലെ പാവഗടയില്‍ ഉള്ള വീരഭദ്ര സ്വാമി ക്ഷേത്രത്തില്‍ നിന്ന് ഇന്നുരാവിലെ പ്രസാദം കഴിച്ചവര്‍ ആണ് ദുരന്തത്തിന് ഇരയായത്.കൂടുതല്‍ വിവരങ്ങള്‍ പുറത്ത് വന്നിട്ടില്ല. കഴിഞ്ഞ ഒരു വര്‍ഷത്തില്‍ പ്രസാദത്തില്‍ നിന്നുള്ള ഭക്ഷ്യ വിഷബാധയുടെ മൂന്നാമത്തെ കേസ് ആണ് റിപ്പോര്‍ട്ട്‌ ചെയ്യുന്നത്

ബെംഗളൂരു: എന്തുവിലകൊടുത്തും സർക്കാരിനെ നിലനിർത്തണമെന്ന് കോൺഗ്രസ് അധ്യക്ഷൻ രാഹുൽഗാന്ധി സംസ്ഥാന നേതൃത്വത്തിന് നിർദേശം നൽകി. കോൺഗ്രസിൽ അതൃപ്തരായ നേതാക്കളെ അനുനയിപ്പിക്കാനുള്ള ഉത്തരവാദിത്വം മുൻമുഖ്യമന്ത്രി സിദ്ധരാമയ്യയ്ക്കാണ്. കോൺഗ്രസ് സംസ്ഥാന അധ്യക്ഷൻ ദിനേഷ് ഗുണ്ടുറാവു മുഖ്യമന്ത്രി എച്ച്.ഡി. കുമാരസ്വാമിയുമായി കൂടിക്കാഴ്ച നടത്തിയിരുന്നു. ജനതാദൾ-എസ് നേതാവ് എച്ച്.ഡി. ദേവഗൗഡയുമായി സംസാരിക്കാൻ തയ്യാറാണെന്ന് രാഹുൽഗാന്ധിയും അറിയിച്ചിട്ടുണ്ട്. മുഖ്യമന്ത്രിസ്ഥാനം കോൺഗ്രസിന് വേണമെന്നാണ് സിദ്ധരാമയ്യപക്ഷത്തിന്റെ ആവശ്യം. ഇത് തള്ളിയ കോൺഗ്രസ് ഹൈക്കമാൻഡ് കുമാരസ്വാമിയെ പിന്തുണയ്ക്കണമെന്നും നിർദേശിച്ചു. കർണാടകത്തിന്റെ ചുമതലയുള്ള എ.ഐ.സി.സി. ജനറൽ സെക്രട്ടറി കെ.സി. വേണുഗോപാലിന്റെ നേതൃത്വത്തിലാണ് ചർച്ചകൾ. ഉപതിരഞ്ഞെടുപ്പ് നടക്കുന്ന രണ്ട്…

ബെംഗളൂരു : കഴിഞ്ഞ ദിവസങ്ങളിൽ റോഷൻ ബേയ്ഗിന്റെ പേരിൽ പുറത്തു വന്ന കോൺഗ്രസ് നേതൃത്വത്തിന് എതിരെയുള്ള നിശിത വിമർശനങ്ങളെ ” സത്യവും യാഥാർത്ഥ്യത്തിന് നിരക്കുന്നതാണ് ” എന്നും അഭിപ്രായപ്പെട്ട് ജെഡിഎസ് സംസ്ഥാന അധ്യക്ഷൻ എ എച്ച് വിശ്വനാഥ് മുന്നോട്ട് വന്നു. “റോഷൻ പറഞ്ഞതിൽ തെറ്റൊന്നുമില്ല, റംസാൻ മാസത്തിൽ, മുസ്ലീം സമുദായത്തിലെ പ്രമുഖ നേതാവായ അദ്ദേഹം നടത്തിയ ആരോപണം സത്യത്തിലധിഷ്ഠിതമാണ്, കോൺഗ്രസിന്റെ ഉള്ളിലെ കളികൾ അദ്ദേഹത്തിന് നന്നായറിയാം, എനിക്കും ഇത്തരം ദുരനുഭവം ഉണ്ടായിട്ടുണ്ട് “വിശ്വനാഥ് പറഞ്ഞു. പ്രധാന സിദ്ധരാമയ്യ വിരുദ്ധ നേതാവാണ് വിശ്വനാഥ്. സിദ്ധരാമയ്യയെ വിമർശിച്ചതിനാലാണോ…

ബെംഗളൂരു : ഓല ആപ്പ് ഉപയോഗിച്ച് ടാക്സി ബുക്ക് ചെയ്ത് ഡ്രൈവറെ കൊലപ്പെടുത്തി കാർതട്ടിയെടുത്ത കേസിലെ പ്രതികളെ വെടി വച്ച് വീഴ്ത്തി ബെംഗളൂരു സിറ്റി പോലീസ്. ഗുണ്ടാ നേതാക്കളായ വിനോദ് കുമാർ, ഹേമന്ത് സാഗർ എന്നിവരെയാണ് മുട്ടിന് താഴെ വെടിവച്ച് പോലീസ് അറസ്റ്റ് ചെയ്തത്, ഇവർ ഇപ്പോൾ ചികിൽസയിലാണ്. ഹെബ്ബഗൊഡി സ്വദേശി കെംമ്പെ ഗൗഡയെ കൊലപ്പെടുത്തിയ കേസിലെ മുഖ്യപ്രതികൾ ആണ് ഇവർ. നെലമംഗലയാലെ മല്ലരബാനവാഡിയിൽ വച്ചാണ് കൊലപാതകം നടന്നത്. കത്തികാണിച്ച് ഭീഷണിപ്പെടുത്തി കാർ വിൽക്കുന്നതിനുള്ള രേഖകളിൽ ഒപ്പിട്ട് വാങ്ങിയ ശേഷമാണ് കെംമ്പെ ഗൗഡയെ കൊലപ്പെടുത്തിയത്…

ബെംഗളൂരു : നാളെ വോട്ടെണ്ണൽ നടക്കുന്ന കേന്ദ്രങ്ങളിൽ വൻ സുരക്ഷ ഒരുക്കി പോലീസ്. ജയനഗർ എസ് എസ് എം ആർ സിപിയു കോളേജ് (സൗത്ത് ), സെന്റ് ജോസഫ്സ് ഇന്ത്യൻ ഹൈസ്കൂൾ (നോർത്ത് ), വസന്ത് നഗർ മൗണ്ട് കാർമൽ വിമൻസ് പിയു കോളേജ് (സെൻട്രൽ ) എന്നിവയാണ് നഗരത്തിലെ വോട്ടെണ്ണൽ കേന്ദ്രങ്ങൾ. 2000 പോലീസുകാരെ ഇവിടെ വിന്യസിച്ചിട്ടുണ്ട്. രാവിലെ 8.30 ന് വോട്ടെണ്ണൽ ആരംഭിക്കും. വോട്ടെണ്ണൽ കേന്ദ്രങ്ങളിൽ മൊബൈൽ ഫോണും ബ്ലൂടുത്ത് ഉപകരണങ്ങളും അനുവദിക്കില്ല. വോട്ടെണ്ണൽ കേന്ദ്രത്തിന്റെ 100 മീറ്റർ ചുറ്റളവിൽ പടക്കം…