Month: August 2018

കനത്തമഴ നല്‍കിയ ദുരിതത്തെ നാം ഒരുമയോടെ അതിജീവിച്ചെങ്കിലും ദുരിതബാധിതരെ കാത്തിരിക്കുന്നത് വന്‍ വെല്ലുവിളികള്‍ തന്നെയെന്ന് തെളിയിക്കുകയാണ് ചാലക്കുടിയില്‍ നിന്നുള്ള ഈ കാഴ്ച. രൂക്ഷമായ വെള്ളക്കെട്ടില്‍ എല്ലാം തകര്‍ന്നടിഞ്ഞ തൃശൂര്‍ ചാലക്കുടിയിൽ ദുരിതാശ്വാസ ക്യാമ്പില്‍ നിന്ന് സ്വന്തം വീട്ടിലേക്ക് എത്തിയ ആള്‍ വീട്ടിനുള്ളിലെ അതിഥിയെ കണ്ട്‌ ഞെട്ടി! വെള്ളമിറങ്ങിയ വീട്ടില്‍ വൃത്തിയാക്കാന്‍ എത്തിയപ്പോള്‍ കണ്ടത് ഉഗ്രന്‍ മുതല. വെള്ളമിറങ്ങിയതിനുശേഷമുള്ള വൃത്തിയാക്കലും കുന്നുകൂടി കിടക്കുന്ന സാധനങ്ങള്‍ നീക്കം ചെയ്യുമ്പോഴും കരുതിയിരിക്കണമെന്നുള്ളതിന്റെ സൂചനയാണ് ചാലക്കുടിയില്‍ നിന്നുള്ള ഈ കാഴ്ച.

തിരുവനന്തപുരം: കേരളത്തില്‍ മഹാനാശം വിതച്ച പ്രളയത്തില്‍ ദുരിതം അനുഭവിക്കുന്നവര്‍ക്ക് കൈത്താങ്ങായ സന്നദ്ധപ്രവര്‍ത്തകരെ ആവേശഭരിതരാക്കി തിരുവനന്തപുരം കളക്ടര്‍ വാസുകി. സ്വന്തം ജീവൻ വരെ പണയപ്പെടുത്തി രക്ഷാപ്രവർത്തനം നടത്തുകയും ക്യാമ്പുകളിൽ കഴിയുന്ന ജനങ്ങൾക്ക് ആവശ്യ സാധനങ്ങളെത്തിക്കുകയും ചെയ്യുന്ന വോളന്‍റിയർമാരെ അഭിനന്ദിക്കുന്ന തിരുവനന്തപുരം കളക്ടർ വാസുകിയുടെ വാക്കുകളാണ് ഇപ്പോൾ സമൂഹമാധ്യമങ്ങളിൽ തരംഗമാകുന്നത്. രക്ഷാപ്രവർത്തകരോട് അവരുടെ വിലപ്പെട്ട സമയത്തിൽ നിന്ന് ഒരു നിമിഷം കടം ചോദിച്ചാണ് കളക്ടർ അവരോട് സംസാരിച്ചത്. നിങ്ങൾ എന്താണ് ചെയ്യുന്നതെന്ന് മനസ്സിലാകുന്നുണ്ടോ?എന്ന് ചോദിച്ച് കൊണ്ടാണ് കളക്ടർ വോളന്‍റിയേഴ്സിനോട് സംസാരിച്ചു തുടങ്ങിയത്. സ്വാതന്ത്യത്തിനു വേണ്ടി പോരാടിയത് പോലെ…

കൊച്ചി: സംസ്ഥാനത്തെ പ്രളയക്കെടുതിയില്‍ നിന്ന് കൈപിടിച്ചുയര്‍ത്തിയ നാവികസേനാംഗങ്ങള്‍ക്ക് വ്യത്യസ്തമായ രീതിയില്‍ നന്ദി പ്രകാശനം. ജീവിതത്തിലേക്ക് തിരിച്ചുകൊണ്ട് വന്ന സേനയക്ക് കൊച്ചിയില്‍ നിന്ന് ലഭിച്ച നന്ദി വേറിട്ട രീതിയിലായിരുന്നു. ടെറസില്‍ വെളുത്ത പെയിന്റ് ഉപയോഗിച്ച് താങ്ക്‌സ് എന്നെഴുതിയാണ് നാവികസേനയിലെ പൈലറ്റ് കമാന്‍ഡര്‍ വിജയ് ശര്‍മയ്ക്കും സംഘത്തിനും പ്രളയബാധിതര്‍ നന്ദി അറിയിച്ചത്. ചിത്രം വാര്‍ത്താ ഏജന്‍സിയായ എഎന്‍ഐയാണ് റിപ്പോര്‍ട്ട് ചെയ്തിരിക്കുന്നത്. #Kerala: A 'Thanks' note painted on the roof of a house in Kochi from where the Naval ALH piloted…

കൊച്ചി: കേരളത്തിലെ പ്രളയം ദേശീയദുരന്തമായി പ്രഖ്യാപിക്കാനാകില്ലെന്ന് പൊതുതാല്‍പ്പര്യ ഹര്‍ജിയ്ക്കുള്ള മറുപടിയായി കേന്ദ്രസര്‍ക്കാര്‍ കോടതിയില്‍ വ്യക്തമാക്കി. കൂടാതെ, ദേശീയദുരന്തം എന്നത് പൊതുസംഭാഷണ പ്രയോഗം മാത്രമാണെന്നും ലെവല്‍ 3 ദുരന്തമായി കേരളത്തിലെ പ്രളയത്തെ ഉള്‍പ്പെടുത്തിയിട്ടുണ്ടെന്നും കേന്ദ്ര സര്‍ക്കാര്‍ വ്യക്തമാക്കി. ഉത്തരാഖണ്ഡ്, ജമ്മു-കശ്മീര്‍ വെള്ളപ്പൊക്കങ്ങള്‍ ദേശീയ ദുരന്തമായി പ്രഖ്യാപിച്ചിട്ടുണ്ടെന്നും കേരളത്തിലേതും ദേശീയ ദുരന്തമായി പ്രഖ്യാപിക്കണമെന്നുമുള്ള ഇടുക്കി സ്വദേശി എ.എ ഷിബിയുടെ പൊതുതാല്‍പ്പര്യ ഹര്‍ജി ഹൈക്കോടതി പരിഗണിച്ച വേളയിലാണ് കേന്ദ്ര സര്‍ക്കാര്‍ ഇപ്രകാരം അറിയിച്ചത്. അതേസമയം, കേരള സര്‍ക്കാരിനെയും മത്സ്യത്തൊഴിലാളികളേയും അളവറ്റ് പ്രശംസിച്ചു ഹൈക്കോടതി. കേരളത്തിലെ പ്രളയക്കെടുതി നേരിടുന്നതില്‍ സംസ്ഥാന…

പാലക്കാട്: രക്ഷാപ്രവര്‍ത്തനം ഏതാണ്ട് പൂര്‍ത്തിയായതോടെ പ്രളയകാലത്ത് വ്യാജസന്ദേശങ്ങളയക്കുകയും വ്യക്തിപരമായ അധിക്ഷേപം നടത്തുകയും ചെയ്തവര്‍ക്കെതിരെ പൊലീസ് നടപടികള്‍ ശക്തമാക്കി. മുല്ലപ്പെരിയാർ ഡാം പൊട്ടിയെന്ന് പറഞ്ഞ് വോയ്സ് മെസേജ് അയച്ച യുവാവിനെ ഇന്ന് നെന്മാറ പോലീസ് അറസ്റ്റ് ചെയ്തു. നെന്മാറ നെല്ലിക്കാട്ട് പറന്പ് സ്വദേശി അശ്വിൻ ബാബുവിനെയാണ് പൊലീസ് അറസ്റ്റ് ചെയ്തത്.