ബെംഗളൂരു : ഗ്രാമത്തിനു നാഗദോഷം ഉണ്ടെന്നും താമസിക്കുന്നവരെല്ലാം ആയുസ്സെത്താതെ മരിക്കുമെന്നും മലയാളി ജ്യോതിഷി പ്രവചിച്ചതിനെ തുടർന്നു കന്നഡ ഗോത്രഗ്രാമത്തിൽനിന്നു കുടുംബങ്ങൾ പലായനം ചെയ്തു.
ചിക്കമഗളൂരു നരസിംഹരാജയിലെ ഷിഗേവാണി ഗ്രാമത്തിൽ താമസിക്കുന്ന ഹക്കി പിക്കി ഗോത്രവർഗക്കാരിലെ 25 കുടുംബങ്ങളാണു പേടിച്ചോടിയത്.ഇവിടെയുള്ള 60 കുടുംബങ്ങളിലെ 29 പേർ നാലുവർഷത്തിനിടെ മരിച്ചതോടെയാണു ജനങ്ങൾ ഭയന്നതും ജ്യോതിഷിയെ സമീപിച്ചതും.
നാഗങ്ങൾക്കായി അമ്പലം പണിതെങ്കിലും മരണം തുടർന്നതോടെ ഭയന്നുപോയെന്നും കഴിഞ്ഞയാഴ്ചയും ഒരാൾ മരിച്ചപ്പോഴാണു നാടുവിടാൻ തീരുമാനിച്ചതെന്നും ഗ്രാമവാസികൾ പറയുന്നു.കൊപ്പാളിലേക്കും ഉഡുപ്പി കോട്ടേശ്വരയിലേക്കുമാണു പല കുടുംബങ്ങളും ചേക്കേറിയത്.
ഇവരുടെ അന്ധവിശ്വാസം മാറ്റിയെടുക്കാൻ ഏറെ പരിശ്രമിച്ചെങ്കിലും ഫലിച്ചില്ലെന്നു ബാലെ ഗ്രാമപഞ്ചായത്ത് പ്രസിഡന്റ് എം.ആർ.വസന്തകുമാർ പറഞ്ഞു.വൈദ്യുതി, ശുദ്ധജലം, പാചകവാതകം തുടങ്ങി എല്ലാ അടിസ്ഥാനസൗകര്യങ്ങളും ഷിഗേവാണിയിൽ ഉണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
