ബെംഗളൂരു : മദ്യപിച്ച് കാറിലെത്തി പൊലീസുകാരെ ആക്രമിക്കുകയും അസഭ്യവർഷം നടത്തുകയും ചെയ്ത സംഭവത്തിൽ നാലു വിദ്യാർഥികൾ പിടിയിൽ.
പി.എസ്. സോമേശ് (19), താനിഷ് (19), നദീം (20), സുശാന്ത് (19) എന്നിവരെയാണ് അൾസൂർ പൊലീസ് പിടികൂടിയത്. കഴിഞ്ഞ ദിവസം ട്രിനിറ്റി സർക്കിളിലാണ് സംഭവങ്ങൾക്കു തുടക്കം. അമിതവേഗത്തിലെത്തിയ കാർ പൊലീസ് തടഞ്ഞപ്പോള്‍ ഇവർ പൊലീസിനു നേരെ തട്ടിക്കയറി. അസഭ്യവർഷം തുടർന്നതോടെ കൂടുതൽ പൊലീസെത്തിയാണ് ഇവരെ പിടിച്ചത്.
