Month: April 2018

ന്യൂഡൽഹി: കാവേരി വിഷയത്തിൽ കേന്ദ്ര സര്‍ക്കാരിനെ വിമർശിച്ച് സുപ്രീംകോടതി. പദ്ധതി രൂപീകരണത്തിനു കാലതാമസമെന്തിനാണെന്നു കോടതി ചോദിച്ചു. കാവേരി മാനേജ്മെന്റ് രൂപീകരണമുൾപ്പെടെ പദ്ധതികൾ വൈകിയതിനാണു വിമർശനം. മേയ് മൂന്നിനു കേസ് വീണ്ടും പരിഗണിക്കുന്നതിനു മുന്നോടിയായി കരട് പദ്ധതി സമർപ്പിക്കണമെന്നും സർക്കാരിനോടു നിര്‍ദേശിച്ചിട്ടുണ്ട്. അതേസമയം കർണാടക, തമിഴ്നാട് സർക്കാരുകൾക്കും കോടതിയുടെ നിർദേശമുണ്ട്. സുപ്രീംകോടതി കാവേരി വിഷയത്തിൽ തീരുമാനം പറയുന്നതു വരെ ഇരു സംസ്ഥാനങ്ങളും അക്രമങ്ങളിൽ നിന്നു മാറി നിൽക്കണമെന്നാണു നിർദേശം. അതിനിടെ കാവേരി ജലവിനിയോഗ ബോർഡ് രൂപീകരിക്കുന്നതുവരെ പിന്നോട്ടില്ലെന്ന പ്രഖ്യാപനത്തോടെ തമിഴ്നാട് പ്രതിപക്ഷ പാർട്ടികളുടെ കാവേരി സംരക്ഷണ…

ബെംഗളൂരു:  ബിബിഎംപിപരിധിയിലെ ഏഴ് മാലിന്യ സംസ്കരണ പ്ലാന്റുകളും ഒരു മാസത്തിനുള്ളിൽ പൂർണ തോതിൽ പ്രവർത്തനക്ഷമമാക്കണമെന്ന് കർണാടക ഹൈക്കോടതി. പ്ലാന്റുകളുടെ പൂർണ ഉത്തരവാദിത്തം സോണുകളിലെ ജോയിന്റ് കമ്മിഷണർമാർക്കാണ്. സംസ്കരണത്തിൽ വീഴ്ച പറ്റിയാൽ ഇവർക്കെതിരെ നടപടിയെടുക്കണമെന്നും ജസ്റ്റിസ് ബി.എസ്. പാട്ടീൽ, ജസ്റ്റിസ് ബി.വി.നാഗരത്‌ന എന്നിവർ പുറപ്പെടുവിച്ച വിധിയിൽ പറഞ്ഞു. ബിബിഎംപിയുടെ മാലിന്യ സംസ്കരണം ഫലപ്രദമല്ലെന്ന് കാണിച്ച് സമർപ്പിച്ച പൊതുതാൽപര്യ ഹർജി പരിഗണിച്ചാണ് നടപടി. അടിയന്തരനടപടി സ്വീകരിച്ചതിന്റെ വിശദ റിപ്പോർട്ട് ഒരു മാസത്തിനുള്ളിൽ സമർപ്പിക്കാൻ ബിബിഎംപി ആരോഗ്യ വിഭാഗം ജോയിന്റ് കമ്മിഷണർ സർഫറാസ് ഖാനോട് കോടതി ആവശ്യപ്പെട്ടു. ചീഫ്…

ബെംഗളൂരു : ചാമുണ്ഡേശ്വരി മണ്ഡലം മുഖ്യമന്ത്രി സിദ്ധരാമയ്യയ്ക്കു സുരക്ഷിതമല്ലെന്ന്, ഇന്റലിജൻസ് എഡിജിപിയുടേതെന്ന പേരിൽ പ്രചരിക്കുന്ന റിപ്പോർട്ട് വ്യാജമാണെന്നു മുഖ്യമന്ത്രിയുടെ ഓഫിസ്. ഇത്തരം വ്യാജ റിപ്പോർട്ട് എങ്ങിനെ ഉണ്ടായെന്ന് അന്വേഷിക്കാൻ ഇന്റലിജൻസ് ഡിഐജിയോട് ആവശ്യപ്പെട്ടിട്ടുണ്ട്. ഇന്റലിജൻസ് വിഭാഗം ഇത്തരത്തിൽ ഒരു റിപ്പോർട്ടും നൽകിയിട്ടില്ല. സമൂഹ മാധ്യമങ്ങളിലൂടെ ഇപ്പോൾ പ്രചരിക്കുന്ന വാർത്ത കെട്ടിച്ചമച്ചതാണ്. ഇന്റലിജൻസ് എഡിജിപിയുടെ തസ്തിക ഒഴിഞ്ഞുകിടക്കുകയാണ്. മാത്രമല്ല, ഇന്റലിജൻസ് റിപ്പോർട്ട് സാധാരണ കന്നഡയിലാണ് ഇറക്കുകയെന്നും ഇംഗ്ലിഷിൽ അല്ലെന്നും മുഖ്യമന്ത്രിയുടെ ഓഫിസ് പ്രസ്താവനയിലൂടെ അറിയിച്ചു.

ബെംഗളൂരു∙ കർണാടകയിലെ വിവിധ സന്നദ്ധ സംഘടനകളുടെ കൂട്ടായ്മയായ സിവിൽ സൊസൈറ്റി ഫോറത്തിന്റെ നേതൃത്വത്തിൽ തിരഞ്ഞെടുപ്പിന് മുന്നോടിയായി പ്രകടന പത്രിക പുറത്തിറക്കി. പരിസ്ഥിതി, മനുഷ്യാവകാശം, കാർഷികം തുടങ്ങിയ മേഖലകളിൽ പ്രവർത്തിക്കുന്ന എഴുപത് സംഘടനകളാണ് കൂട്ടായ്മയിൽ ഉള്ളത്. ഭക്ഷണം, വെള്ളം, പാർപ്പിടം, വിദ്യാഭ്യാസം തുടങ്ങിയ കാര്യങ്ങൾ ഉൾക്കൊള്ളിച്ചുള്ള പത്രിക മുഖ്യധാര രാഷ്ട്രീയ പാർട്ടികൾ അവഗണിക്കുന്ന വിഷയങ്ങളാണ് കൈകാര്യം ചെയ്യുന്നത്. തിരഞ്ഞെടുക്കപ്പെടുന്ന ജനപ്രതിനിധികളെ തിരികെ വിളിക്കാനുള്ള അവകാശം ജനങ്ങൾക്ക് തന്നെ വേണമെന്നും പത്രികയിൽ പറയുന്നു.