Day: 10 April 2018

ബെംഗളൂരു: തിരഞ്ഞെടുപ്പു പെരുമാറ്റച്ചട്ടത്തിന്റെ ഭാഗമായി അതിർത്തി ചെക്പോസ്റ്റുകളിൽ വാഹനപരിശോധന കർശനമാക്കി. കേരളം, തമിഴ്നാട് സംസ്ഥാനങ്ങളിൽനിന്നുള്ള വാഹനങ്ങളാണു ഗുണ്ടൽപേട്ട്, മൈസൂരു, രാമനഗര എന്നിവിടങ്ങളിൽ ഒരുക്കിയ താൽക്കാലിക ചെക്പോസ്റ്റുകളിൽ പരിശോധിക്കുന്നത്. സ്വകാര്യ വാഹനങ്ങൾക്കു പുറമെ കേരള ആർടിസി, കർണാടക ആർടിസി, തമിഴ്നാട് ട്രാൻസ്പോർട്ട് കോർപറേഷന്റെ ബസുകളും പരിശോധിക്കുന്നുണ്ട്. തിരഞ്ഞെടുപ്പു പ്രചാരണത്തിനായി അയൽസംസ്ഥാനങ്ങളിൽനിന്നു പണമൊഴുക്കുന്നതായുള്ള സൂചനയെ തുടർന്നാണു പരിശോധന ശക്തമാക്കിയത്. മൈസൂരു-ബെംഗളൂരു ദേശീയപാതയിൽ പരിശോധനയ്ക്കായി വാഹനങ്ങൾ തടയുന്നതു പകൽസമയത്ത് രൂക്ഷമായ ഗതാഗതക്കുരുക്കിന് ഇടയാക്കുന്നുണ്ട്. മൈസൂരു-ബെംഗളൂരു റൂട്ടിൽ സർവീസ് നടത്തുന്ന കർണാടക ആർടിസി ബസുകൾ അരമണിക്കൂർവരെ വൈകിയാണു സർവീസ് അവസാനിപ്പിക്കുന്നത്.…

ബെംഗളൂരു : നമ്മ മെട്രോയിൽ യാത്രക്കാർ കൂടിയതോടെ ബിഎംടിസിയുടെ നോർത്ത് ഡിവിഷന്റെ വരുമാനം താഴോട്ട്. രണ്ട് വർഷം മുൻപ് വരെ ബിഎംടിസിയിൽ ഏറ്റവും കൂടുതൽ ലാഭം നേടിയിരുന്ന നോർത്ത് ഡിവിഷനിൽ വരുമാനം കുറഞ്ഞതോടെ സർവീസുകൾ പുനഃക്രമീകരിക്കാനുള്ള നടപടികൾക്ക് അധികൃതർ രൂപം നൽകി. പത്ത് ഡിപ്പോകൾ അടങ്ങുന്ന നോർത്ത് ഡിവിഷനിൽ പ്രതിദിനം 1350 ഷെഡ്യൂളുകളാണ് നടത്തുന്നത്. മെട്രോയിൽ മജസ്റ്റിക്കിൽനിന്ന് നാഗസന്ദ്ര വരെയുള്ള റീച്ചിൽ യാത്രക്കാർ കൂടിയതോടെയാണു ബിഎംടിസിക്ക് കഷ്ടകാലം ആരംഭിച്ചത്. മെട്രോ ആരംഭിക്കാത്ത റൂട്ടുകളിലേക്ക് ബസ് സർവീസ് തുടങ്ങുന്നതിനൊപ്പം നഷ്ടത്തിലായ ട്രിപ്പുകൾ വെട്ടിച്ചുരുക്കുമെന്നും ബിഎംടിസി മാനേജിങ്…

ബെംഗളൂരു : സിദ്ധരാമയ്യ സർക്കാർ ജനുവരി ഒന്നുമുതൽ മാർച്ച് 31 വരെ വിവിധ കരാറുകൾക്ക് അനുവദിച്ച 25 ലക്ഷം രൂപയ്ക്കു മുകളിലുള്ള പണമിടപാടുകളുടെ വിവരങ്ങൾ കൈമാറാൻ ആവശ്യപ്പെട്ട് ആദായനികുതി വകുപ്പ്. തിരഞ്ഞെടുപ്പ് പ്രചാരണത്തിനായി സർക്കാർ ഫണ്ടുകൾ ദുരുപയോഗപ്പെടുത്തുന്നു എന്ന പ്രതിപക്ഷ ആരോപണത്തിനിടെയാണിത്. ആദായനികുതി വകുപ്പ് ഡയറക്ടർ ജനറൽ ബി.ആർ. ബാലകൃഷ്ണയാണ് ചീഫ് സെക്രട്ടറി കെ. രത്നപ്രഭയ്ക്ക് കത്തെഴുതിയിരിക്കുന്നത്. പൊതുമരാമത്ത്, മൃഗസംരക്ഷണ, റവന്യു, ഊർജ, ജലവിഭവ വകുപ്പുകളുമായി ബന്ധപ്പെട്ട കരാറുകളുടെ വിശദാംശങ്ങളാണ് തേടിയിരിക്കുന്നത്.