ബെംഗളൂരു∙ നഗരത്തിൽ ബൈക്കിലെത്തി മാല മോഷ്ടിക്കുന്ന സംഘങ്ങൾ വ്യാപകമാകുന്നു. കഴിഞ്ഞ ദിവസം നഗരത്തിൽ മൂന്നിടങ്ങളിലാണ് ബൈക്കിലെത്തിയ സംഘം സ്ത്രീകളുടെ മാല കവർന്നത്. മല്ലേശ്വരം, വിജയനഗർ, ചന്ദ്ര ലേഔട്ട് എന്നിവിടങ്ങളിലാണ് മോഷണം നടന്നത്.
മല്ലേശ്വരം ടെംപിൾ സ്ട്രീറ്റിന് സമീപം വൈകിട്ട് റോഡരികിലൂടെ നടന്നുപോവുകയായിരുന്ന വീട്ടമ്മയുടെ മാലയാണ് ബൈക്കിലെത്തിയ സംഘം കവർന്നത്. വിജയനഗർ, ചന്ദ്രലേഔട്ട് എന്നിവിടങ്ങളിലും സമാനരീതിയിലാണ് കവർച്ച നടന്നത്. മൂന്നു കവർച്ചകൾക്കു പിന്നിലും ഒരേ സംഘം തന്നെയാണെന്ന് സിസിടിവി ദൃശ്യങ്ങളിൽ നിന്ന് തെളിഞ്ഞിട്ടുണ്ട്.
