Day: 2 February 2018

ബെംഗളൂരു: ബെള്ളാരി റോഡിൽനിന്നു കെംപഗൗഡ രാജ്യാന്തര വിമാനത്താവളത്തിലേക്കുള്ള പ്രവേശന കവാടമായ ദേവനഹള്ളി ടോൾ പ്ലാസയിൽ ഇനി വാഹനങ്ങൾ പ്രവേശിക്കുമ്പോൾ തന്നെ  പണം നൽകേണ്ടിവരും. നിലവിൽ വിമാനത്താവളത്തിൽനിന്നു മടങ്ങുമ്പോഴാണ് ടോൾ നൽകേണ്ടത്. ഹെന്നൂരിൽനിന്നു വിമാനത്താവളത്തിലേക്കുള്ള പുതിയ റോഡ് അടുത്ത മാസം തുറന്നുകൊടുക്കുമ്പോഴാണ് ഈ മാറ്റം നടപ്പിലാക്കുക. ടോൾ പ്ലാസയിലൂടെ പ്രതിദിനം 50,000 കാറുകൾ കടന്നുപോകുന്നുണ്ടെന്നാണ് കണക്ക്. മറ്റു വാഹനങ്ങൾ ഇതിനു പുറമെയാണ്. പുതിയ റോഡിന് ടോൾ ഇല്ലാത്ത സാഹചര്യത്തിൽ ധാരാളം വാഹനങ്ങൾ അതുവഴി പോകാൻ സാധ്യതയുള്ളതിനാലാണ് നവയുഗ ദേവനഹള്ളി ടോൾ പ്രൈവറ്റ് ലിമിറ്റഡ് ദേശീയപാത അതോറിറ്റിക്ക് ഈ ആവശ്യമുന്നയിച്ച് കത്തു നൽകിയിട്ടുള്ളത്. എന്നാൽ വെബ് ടാക്സി ഡ്രൈവർമാരുടെ സംഘടനകൾ പറയുന്നത്…

ബെംഗളൂരു: ഹിന്ദുസ്ഥാൻ എയറോനോട്ടിക്കൽസ് ലിമിറ്റഡ് (എച്ച്എഎൽ) തദ്ദേശിയമായി വികസിപ്പിച്ചെടുത്ത ലൈറ്റ് കോമ്പാറ്റ് ഹെലികോപ്റ്ററിന്റെ പരീക്ഷണപ്പറക്കൽ വിജയകരം. ഓ‍ട്ടോമാറ്റിക്ക് ഫ്ലൈറ്റ് കൺട്രോൾ സിസ്റ്റം (എഎഫ്സിഎസ്) ഉപയോഗിച്ച് പ്രവർത്തിക്കുന്ന രാജ്യത്തെ ആദ്യത്തെ യുദ്ധ ഹെലികോപ്റ്ററാണ് എച്ച്എഎല്ലിന്റെ ബെംഗളൂരുവിലെ പ്ലാന്റിൽ നിർമിച്ചത്. വൻതുക മുടക്കി വിദേശത്ത് നിന്ന് വാങ്ങുന്ന ഹെലികോപ്റ്ററുകൾക്ക് പകരമായാണ് എച്ച്എഎൽ എഎഫ്സിഎസ് വികസിപ്പിച്ചെടുത്തതെന്ന് മാനേജിങ് ഡയറക്ടർ സുവർണ രാജു പറഞ്ഞു. 20 മിനിറ്റ് നീണ്ടുനിന്ന പറക്കലിന് റിട്ട.വിങ് കമാൻഡറും ചീഫ് പൈലറ്റുമായ ഉണ്ണി കെ.പിള്ള, ഗ്രൂപ്പ് ക്യാപ്റ്റൻ രാജേഷ് വർമ്മ എന്നിവർ നേതൃത്വം നൽകി.