Month: November 2017

ബെംഗളൂരു∙ കേരള സർക്കാരിന്റെ മലയാളം മിഷൻ പദ്ധതിയുടെ അധ്യാപക പരിശീലനം കർണാടക സകാല മിഷൻ അസിസ്റ്റന്റ് കമ്മിഷണർ കെ.മത്തായി ഉദ്ഘാടനം ചെയ്തു. കോഓർഡിനേറ്റർ ബിലു സി.നാരായണൻ അധ്യക്ഷത വഹിച്ചു. അധ്യാപകരായ കുഞ്ഞികൃഷ്ണൻ, കേശവൻ, കെ.ദാമോദരൻ, എ.ജെ.ടോമി, കെ.ഷാഹിന എന്നിവർ ക്ലാസുകൾക്കു നേതൃത്വംനൽകി. ജാലഹള്ളി സെന്റ് ക്ലാരറ്റ് കോളജിൽ നടക്കുന്ന പരിശീലനം ഇന്നു സമാപിക്കും. സമാപനസമ്മേളനത്തിൽ മിഷൻ റജിസ്ട്രാർ തബീൻ നീലാംബരൻ, സെൻട്രൽ കസ്റ്റംസ് ജോയിന്റ് കമ്മിഷണർ ഗോപകുമാർ എന്നിവർ മുഖ്യാതിഥികളായിരിക്കുമെന്നു മേഖലാ കൺവീനർ ജയ്സൻ ലൂക്കോസ് അറിയിച്ചു. ഫോൺ: 8884840022.

ബെംഗളൂരു∙ യുവാക്കൾക്കു തൊഴിൽ നൈപുണ്യ പരിശീലന പദ്ധതിയൊരുക്കുമെന്ന് ബെംഗളൂരു ടെക് സമ്മിറ്റിന്റെ ഉദ്ഘാടന വേദിയിൽ വ്യവസായ മന്ത്രി ആർ.വി.ദേശ്പാണ്ഡെ. ബെംഗളൂരു പാലസിൽ 18 വരെയാണു ടെക് സമ്മിറ്റ്. 2017-30 കാലഘട്ടത്തിൽ 1.88 കോടി യുവാക്കൾക്കു നൈപുണ്യ പരിശീലനം നൽകാനാണ് ആലോചിച്ചു വരുന്നത്. സംസ്ഥാനത്തു 16-35 വയസ്സിനിടെയുള്ള 2.12 കോടി പേരാണുള്ളത്. വിദഗ്ധ തൊഴിൽ രംഗത്ത് ഇതു പ്രയോജനപ്പെടുത്താനാണു ലക്ഷ്യമിട്ടിരിക്കുന്നത്. തൊഴിലുകൾ തേടുന്നവരുടെ സംസ്ഥാനമായി നിൽക്കാതെ തൊഴിലുകൾ നൽകുന്ന ഇടമായി നാം മാറണം. അതിനായി നൈപുണ്യം നേടിയെടുക്കുകയാണ് ആദ്യം വേണ്ടത്. കർണാടകയുടെ വളർച്ചയിൽ ഇതുവരെ നിക്ഷേപ…