Category: NATIONAL

വിജയവാഡ: ആന്ധ്രാപ്രദേശിൽ ഗണേശോത്സവത്തോടനുബന്ധിച്ച് നടന്ന സമൂഹസദ്യയ്ക്കായി ഭക്ഷണം തയ്യാറാക്കുന്നതിനിടെ തിളച്ചുമറിയുന്ന സാമ്പാർ പാത്രത്തിലേക്ക് വീണ് ഗുരുതരമായി പൊള്ളലേറ്റ സ്ത്രീ മരിച്ചു. വിജയവാഡ സ്വദേശിയായ മാദ്ധി സുജാത (46) ആണ് ചികിത്സയിലിരിക്കെ മരണപ്പെട്ടത്. വിനായക ചതുർത്ഥി ആഘോഷങ്ങളുടെ ഭാഗമായി ഭക്തർക്കായി ഒരുക്കിയ അന്നദാനത്തിന്റെ പാചകപ്പുരയിൽ സന്നദ്ധപ്രവർത്തകയായി ജോലി ചെയ്തുകൊണ്ടിരിക്കെ ഞായറാഴ്ച രാവിലെയോടെയായിരുന്നു ദാരുണമായ അപകടം. ജോലി ചെയ്യുന്നതിനിടെ അബദ്ധത്തിൽ കാലിടറി വീണ സുജാത, സമീപത്തുണ്ടായിരുന്ന വലിയ പാത്രത്തിലെ തിളയ്ക്കുന്ന സാമ്പാറിലേക്ക് വീഴുകയായിരുന്നു. അപകടം നടന്നയുടൻ പാചകപ്പുരയിലുണ്ടായിരുന്നവരും നാട്ടുകാരും ചേർന്ന് സുജാതയെ പുറത്തെടുത്ത് ഉടൻ തന്നെ സമീപത്തെ…

പട്ന: ബിഹാറിലെ ജാമുയിയിൽ പത്താം ക്ലാസ് വിദ്യാർഥികളായ ആൺകുട്ടിയെയും പെൺകുട്ടിയെയും ആൾക്കൂട്ടം ആക്രമിക്കുകയും പെൺകുട്ടിയെ പീഡിപ്പിക്കാൻ ശ്രമിക്കുകയും ചെയ്ത സംഭവത്തിൽ മൂന്നു പേരെ പൊലീസ് അറസ്റ്റ് ചെയ്തു. വിദ്യാർഥികളെ ദ്രോഹിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതിനെത്തുടർന്ന് രാജ്യവ്യാപകമായി വൻ പ്രതിഷേധം ഉയർന്നതോടെയാണ് പൊലീസ് അന്വേഷണം ഊർജിതമാക്കിയത്. സെൻട്രൽ ജാമുയിയിലെ സ്വകാര്യ സ്കൂളിൽ പഠിക്കുന്ന പത്താം ക്ലാസ് വിദ്യാർഥികളാണ് ആക്രമണത്തിന് ഇരയായത്. ശനിയാഴ്ച വൈകുന്നേരം കോച്ചിങ് ക്ലാസ് കഴിഞ്ഞ് ജാമുയി-ലഖിസരായ് റോഡിലൂടെ സ്കൂട്ടറിൽ മടങ്ങുകയായിരുന്ന കുട്ടികളെ ഒരു സംഘം ആളുകൾ തടഞ്ഞുവെക്കുകയായിരുന്നു. തുടർന്ന് ആൺകുട്ടിയെ മർദിക്കുകയും…

മുംബൈ: ബിസിനസ്സ് ആവശ്യത്തിനെന്ന് പറഞ്ഞ് ഭാര്യയെ കബളിപ്പിച്ച് പെൺസുഹൃത്തിനൊപ്പം മലേഷ്യയിലേക്ക് കടക്കാൻ ശ്രമിച്ച പൂനെ സ്വദേശിയായ വ്യവസായിക്ക് തിരിച്ചടിയായി സ്വന്തം കള്ളങ്ങൾ. പെൺസുഹൃത്തിന് ഇമിഗ്രേഷൻ ക്ലിയറൻസ് ലഭിക്കാതെ വന്നതോടെ യാത്ര മുടങ്ങുകയും, തുടർന്ന് പിടിച്ചുനിൽക്കാൻ ഭാര്യയോട് പറഞ്ഞ കള്ളം ഒടുവിൽ പൊലീസിനു മുന്നിൽ സകല സത്യങ്ങളും പുറത്താക്കുകയുമായിരുന്നു. 46 കാരനായ വ്യവസായി ബിസിനസ്സ് ആവശ്യങ്ങൾക്കായി മലേഷ്യയിലെ ക്വാലാലംപൂരിലേക്ക് പോകുന്നു എന്നാണ് ഭാര്യയെ വിശ്വസിപ്പിച്ചിരുന്നത്. തുടർന്ന് പെൺസുഹൃത്തിനൊപ്പം വിമാനത്താവളത്തിലെത്തി ഇമിഗ്രേഷൻ നടപടികൾ പൂർത്തിയാക്കുന്നതിനിടെ ഉദ്യോഗസ്ഥർ ഒപ്പമുണ്ടായിരുന്ന സ്ത്രീയെ തടഞ്ഞു. യാത്രയ്ക്കായി ഇവർ ഉപയോഗിച്ചത് മുൻപ് നഷ്ടപ്പെട്ടതായി…

മുംബൈ: വിവിധ ആവശ്യങ്ങൾ ഉന്നയിച്ച് ബാങ്ക് ജീവനക്കാരുടെ സംഘടനകൾ ആഹ്വാനം ചെയ്ത രണ്ടാം ഘട്ട ത്രിദിന പണിമുടക്ക് സെപ്റ്റംബർ 28 മുതൽ ആരംഭിക്കും. ബാങ്ക് അവധി ദിവസങ്ങളും പണിമുടക്കും ഒരുമിച്ച് വരുന്നതോടെ രാജ്യത്ത് തുടർച്ചയായി അഞ്ച് ദിവസം ബാങ്കിങ് സേവനങ്ങൾ തടസ്സപ്പെടും. സെപ്റ്റംബർ 26 നാലാം ശനിയാഴ്ചയായതിനാൽ ബാങ്ക് അവധിയാണ്. 27 ഞായറാഴ്ചയും ബാങ്കുകൾ പ്രവർത്തിക്കില്ല. തുടർന്ന് 28, 29, 30 തീയതികളിൽ ത്രിദിന പണിമുടക്ക് നടക്കുന്നതോടെ ശനിയാഴ്ച മുതൽ ബുധനാഴ്ച വരെ ബാങ്കുകൾ പൂർണമായി അടഞ്ഞുകിടക്കും. ഈ സാഹചര്യത്തിൽ ഇടപാടുകൾ തടസ്സപ്പെടാതിരിക്കാൻ വരും…

ഹൈദരാബാദ്: ദേശീയപാതയിൽ കാർ ഡിവൈഡറിലിടിച്ച് തീപിടിച്ച് പ്രമുഖ ന്യൂറോ സർജൻ വെന്തുമരിച്ചു. ഖമ്മത്തെ സ്വകാര്യ മെഡിക്കൽ കോളജിലെ ന്യൂറോ സർജറി വിഭാഗം മേധാവിയായ ഡോ. കെ. ജഗദീഷ് ബാബുവാണ് ദാരുണമായി കൊല്ലപ്പെട്ടത്. സൂര്യപേട്ട് ജില്ലയിലെ പിള്ളലമർറിക്ക് സമീപം ദേശീയപാത 365BB-യിൽ ഇന്ന് രാവിലെയായിരുന്നു അപകടം നടന്നത്. ഖമ്മത്ത് നിന്നും കുടുംബം താമസിക്കുന്ന ഹൈദരാബാദിലേക്ക് സ്വന്തം കാറോടിച്ച് പോവുകയായിരുന്നു അദ്ദേഹം. യാത്രാമധ്യേ ഡോക്ടർ ഉറങ്ങിപോയതാകാം കാറിന്റെ നിയന്ത്രണം നഷ്ടപ്പെട്ട് ഡിവൈഡറിലേക്ക് ഇടിച്ചുകയറാൻ കാരണമെന്ന് സംശയിക്കുന്നതായി ഖമ്മം റൂറൽ സി.ഐ ജി. രാജശേഖർ അറിയിച്ചു. ഇടിയുടെ ശക്തിയിൽ…

മുംബൈ: മൂന്നു പേരുടെ മരണത്തിനിടയാക്കി കോസ്റ്റൽ റോഡിലുണ്ടായ വാഹനാപകടത്തിന്റെ ഞെട്ടിക്കുന്ന സിസിടിവി ദൃശ്യങ്ങൾ പുറത്തുവന്നു. മറൈൻ ഡ്രൈവിൽനിന്ന് ഹാജി അലിയിലേക്ക് പോവുകയായിരുന്ന അമിതവേഗത്തിലെത്തിയ ബി.എം.ഡബ്ല്യു. കാർ നിയന്ത്രണം വിട്ട് മേൽപാലത്തിൽനിന്ന് 75 അടി താഴ്ചയിലുള്ള നിർമാണ സ്ഥലത്തേക്ക് പതിക്കുകയായിരുന്നു. ലാലാ ലജ്പത് റായ് കോളജിന് എതിർവശത്തുള്ള ലോട്ടസ് ജെട്ടിക്കു സമീപം പുലർച്ചെ അഞ്ചോടെയാണ് അപകടമുണ്ടായത്. മേൽപാലത്തിലെ കൈവരിയിലും സൈൻ ബോർഡിലും ഇടിച്ച് അന്തരീക്ഷത്തിൽ മറിഞ്ഞാണ് കാർ താഴേക്ക് വീണത്. അപകടത്തിൽ കാർ പൂർണമായും തകർന്നു. അഹമ്മദാബാദ് സ്വദേശികളായ വിദ്യാർത്ഥികൾ സനായ് ഗജ്ജൽ (21), ധൈര്യ…

ന്യൂഡൽഹി: 15 വയസ്സിന് താഴെയുള്ള കുട്ടികൾക്കായുള്ള പാസ്‌പോർട്ട് ചട്ടങ്ങളിൽ വിദേശകാര്യ മന്ത്രാലയം ഭേദഗതി വരുത്തി. പുതിയ പാസ്‌പോർട്ട് (ഭേദഗതി) ചട്ടങ്ങൾ, 2026 പ്രകാരം ഈ പ്രായത്തിലുള്ള കുട്ടികൾക്ക് നൽകുന്ന സാധാരണ പാസ്‌പോർട്ടിന് ഇനി മുതൽ നൽകുന്ന തീയതി മുതൽ അഞ്ച് വർഷം വരെ അല്ലെങ്കിൽ കുട്ടിക്ക് 18 വയസ്സ് തികയുന്നത് വരെ (ഇതിൽ ഏതാണോ ആദ്യം വരുന്നത്) മാത്രമായിരിക്കും കാലാവധിയുണ്ടായിരിക്കുക. സെപ്റ്റംബർ 17-ന് ഇന്ത്യയുടെ ഗെസറ്റിൽ പ്രസിദ്ധീകരിച്ച വിജ്ഞാപനത്തിലൂടെയാണ് ഈ മാറ്റം നിലവിൽ വന്നത്. 1980-ലെ പാസ്‌പോർട്ട് ചട്ടങ്ങളിലാണ് ഈ ഭേദഗതി വരുത്തിയിരിക്കുന്നത്. ഭേദഗതി…

ന്യൂഡൽഹി: ലഹരി ഉപയോഗ രംഗങ്ങളിൽ മുന്നറിയിപ്പ് നിർബന്ധമാക്കിയതും സ്ത്രീകളെ അവഹേളിക്കുന്ന ദൃശ്യങ്ങൾക്ക് വിലക്കേർപ്പെടുത്തിയതുമടക്കം സിനിമ സെൻസറിംഗ് മാനദണ്ഡങ്ങൾ പുതുക്കി കേന്ദ്ര സർക്കാർ. പുതിയ സെൻസർ ബോർഡ് നിലവിൽ വന്നതിന് പിന്നാലെയാണ് വിനോദരംഗത്ത് വലിയ മാറ്റങ്ങൾ ലക്ഷ്യമിട്ടുള്ള പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചിരിക്കുന്നത്. ആവിഷ്കാര സ്വാതന്ത്ര്യത്തെ തടസ്സപ്പെടുത്താതെ തന്നെ സിനിമകൾ സാമൂഹിക മൂല്യങ്ങളോട് ഉത്തരവാദിത്തമുള്ളതാണെന്ന് ബോർഡ് ഉറപ്പാക്കണമെന്ന് കേന്ദ്രം നിർദ്ദേശിച്ചു. പുതിയ നിബന്ധനകൾ പ്രകാരം മദ്യപാനം, പുകവലി, ലഹരി ഉപയോഗം എന്നിവയെ സിനിമകൾ മഹത്വവത്കരിക്കാൻ പാടില്ല. ഇത്തരം രംഗങ്ങൾ കാണിക്കുമ്പോൾ കൃത്യമായ മുന്നറിയിപ്പ് സ്ക്രീനിൽ നൽകണം. ലൈംഗികാക്രമണങ്ങളും…