Author: തെക്കിനേഴൻ

ബെംഗളൂരു: പുതുതായി കോളേജിൽ ചേർന്ന വിദ്യാർഥികളെ റാഗ് ചെയ്തതിന് രണ്ടാംവർഷ ബിരുദ വിദ്യാർത്ഥികളായ മൂന്നുപേരെ മംഗളൂരു പൊലീസ് അറസ്റ്റ് ചെയ്തു. ഒന്നാംവർഷ ബിബിഎ വിദ്യാർഥികളായ ഒൻപതുപേർ ചേർന്ന് താമസിച്ചിരുന്ന വീട്ടിലെത്തിയാണ് ഇവർ അതിക്രമം കാട്ടിയത്. മൂന്ന് കുട്ടികളുടെ തല ബലമായിമുണ്ഡനം ചെയ്യിപ്പിച്ചു. ഇവരുടെ നിർദ്ദേശങ്ങൾ അനുസരിച്ചില്ലെങ്കിൽ വീണ്ടും വരുമെന്നും അനുസരിക്കാത്തവരെ വെറുതെ വിടില്ലെന്നും ഭീഷണിപ്പെടുത്തുകയും ചെയ്തു. തുടർന്ന് അതിക്രമത്തിന് ഇരയായ കുട്ടി പോലീസിൽ പരാതിപ്പെടുകയായിരുന്നു. പരാതിയുടെ അടിസ്ഥാനത്തിൽ രണ്ടാം വർഷ ബികോം വിദ്യാർഥിയായ റെജിൻ റിയാസ് – കോഴിക്കോട്, കണ്ണൂരിൽനിന്നുള്ള മുഹമ്മദ് ആദിൽ, മുഹമ്മദ്…

ബെംഗളൂരു : ചിക്കലസാന്ദ്രയിലെ സായി കൂടിയ അപ്പാർട്ട്മെന്റ് കോംപ്ലക്സ് ആണ് പുതിയ കോവിഡ് ക്ലസ്റ്റർ ആയി പ്രഖ്യാപിച്ചത്. 40 വീടുകളിലുള്ള അപ്പാർട്ട്മെന്റ് ആകെ 108 പേരാണുള്ളത്. ചിക്കഅലസാന്ദ്രയിലെ വസന്ത പുരയിൽ വെച്ച് നടന്ന ഒരു കൂട്ടായ്മ പരിപാടിയാണ് കോവിഡ് വ്യാപനത്തിന് കാരണമായതെന്ന് അനുമാനിക്കുന്നു. ബൃഹത് ബെംഗളൂരു മഹാ നഗരപാലിക ഇതിനെക്കുറിച്ച് അന്വേഷിച്ചു വരികയാണെന്ന് കമ്മീഷണർ മഞ്ജുനാഥ പ്രസാദ് അറിയിച്ചു. മാർഗ്ഗനിർദ്ദേശ നടപടിക്രമങ്ങളുടെ ഭാഗമായി ശുചീകരണ ശേഷം അപ്പാർട്ട്മെന്റ് താൽക്കാലികമായി അടച്ചിട്ടിരിക്കുകയാണ്. നിലവിൽ എട്ടുപേർക്ക് ആണ് കോവിഡ് സ്ഥിരീകരിച്ചിട്ടുള്ളത് എങ്കിലും ബാക്കിയുള്ളവരുടെ പരിശോധനാഫലം ഇന്ന് പുറത്തുവരാനിരിക്കുന്നതേയുള്ളൂ.

ബെംഗളൂരു : നരി ബോൾ സ്വദേശിയായ കൊല്ലി മഹേഷ് എന്ന ഒമ്പതാം ക്ലാസ് വിദ്യാർത്ഥിയാണ് അടുത്ത വില്ലേജിലെ ഒരു പെൺകുട്ടിയുമായി സൗഹൃദത്തിൽ ആയതിനെ തുടർന്ന് ദാരുണമായി കൊല ചെയ്യപ്പെട്ടത്. കഴിഞ്ഞ 5 ദിവസമായി കുട്ടിയെ കാണാൻ ഇല്ലായിരുന്നു. കഴിഞ്ഞദിവസം കുട്ടിയുടെ മൃതദേഹം ചാക്കിൽ കെട്ടിയ നിലയിൽ ഭീമാ പുഴയിലൂടെ ഒഴുകി നടക്കുന്നത് കണ്ടു. നാട്ടുകാർ വിവരമറിയിച്ചതിനെ തുടർന്ന് പൊലീസ് എത്തി ബന്ധുക്കളുമായി ചേർന്ന് മൃതദേഹം തിരിച്ചറിഞ്ഞു. കുട്ടിയുടെ മൂക്കും ജനനേന്ദ്രിയവും മുറിച്ചുമാറ്റപ്പെട്ട നിലയിലായിരുന്നു. പെൺകുട്ടിയുടെ അമ്മ കുട്ടികളുടെ സൗഹൃദത്തെ എതിർത്തിരുന്നു. തുടർന്ന് പെൺകുട്ടിയുടെ അമ്മ…

ബെംഗളൂരു : അമേരിക്കൻ പാസ്പോർട്ട് ഉടമകളായ ഇന്ത്യൻ ദമ്പതികൾ ആണ് ബെംഗളൂരു അന്താരാഷ്ട്ര വിമാനത്താവളം വഴി നടന്ന ഏറ്റവും വലിയ ഐഫോൺ കള്ളക്കടത്തിൽ അറസ്റ്റിലായത്. പിടിച്ചെടുത്ത ഐ ഫോണുകൾക്ക് ഏകദേശം രണ്ടു കോടി 80 ലക്ഷം രൂപ വിലവരും എന്നാണ് കസ്റ്റംസ് അധികൃതർ അറിയിക്കുന്നത്. മുംബൈയിൽനിന്നും ഫ്രാൻസിലേക്ക് കഴിഞ്ഞദിവസം പോയ ദമ്പതികൾ ഫ്രാൻസിൽനിന്ന് കള്ളക്കടത്ത് സാധനങ്ങളുമായി ബംഗളൂരു അന്താരാഷ്ട്ര വിമാനത്താവളത്തിൽ എത്തുകയായിരുന്നു. ഇവരിൽനിന്ന് നിരവധി ബാങ്ക് കാർഡുകളും അധികൃതർ പിടിച്ചെടുത്തിട്ടുണ്ട്. വിശദമായ അന്വേഷണം പുരോഗമിക്കുന്നു.

ബെംഗളൂരു: സുങ്കടകട്ടയിൽ നിന്നും വിജയനഗർ വഴി കെ ആർ മാർക്കറ്റിലേക്ക് വരികയായിരുന്ന ബിഎംടിസി ബസ് മാഗടി മെയിൻ റോഡിൽ വച്ച് റോഡരികിൽ നിന്നിരുന്ന മരത്തിൽ ഇടിച്ചാണ് അപകടമുണ്ടായത്. ഇന്നലെ രാവിലെ 8.45 ഓടുകൂടി ആയിരുന്നു അപകടം. രാവിലെ കെയർ മാർക്കറ്റിൽ നിന്നും പുറപ്പെട്ട ബസ് കെ എ 01 -8698 ബസ് തിരികെ വരുമ്പോഴായിരുന്നു അപകടം. ബസ്സിൽ 40 ഓളം യാത്രക്കാർ ഉണ്ടായിരുന്നു. പരിക്കേറ്റവരെ അനിയന്ത്രിതമായ വേഗത്തിൽ ആയിരുന്നു വണ്ടി ഓടിച്ചിരുന്നത് എന്നും ഡ്രൈവറുടെ അനാവശ്യമായ ആവേശമാണ് അപകടത്തിൽ കലാശിച്ചതെന്നും ബസിലുണ്ടായിരുന്ന യാത്രക്കാർ അഭിപ്രായപ്പെട്ടു