ചെന്നൈ: ജനുവരി 8, 9 തീയതികളിൽ നടത്താനിരുന്ന തമിഴ്നാട് പബ്ലിക് സർവീസ് കമ്മീഷൻ (TNPSC) പരീക്ഷകൾ ആസൂത്രണം ചെയ്തതുപോലെ നടക്കും. ജനുവരി 6 വ്യാഴാഴ്ച തമിഴ്നാട് പിഎസ്സി സെക്രട്ടറി പി ഉമാ മഹേശ്വരി പുറത്തിറക്കിയ പത്രക്കുറിപ്പിൽ, മത്സര പരീക്ഷകളിൽ പങ്കെടുക്കുന്നവർക്കായി തമിഴ്നാട് സർക്കാർ മാർഗനിർദേശങ്ങൾ പുറപ്പെടുവിച്ചതായി പറയുന്നു.
തമിഴ്നാട് ടൗൺ ആൻഡ് കൺട്രി പ്ലാനിംഗ് സബോർഡിനേറ്റ് സർവീസിൽ ഉൾപ്പെട്ട ആർക്കിടെക്ചറൽ അസിസ്റ്റന്റ്/പ്ലാനിംഗ് അസിസ്റ്റന്റ് തസ്തികകളിലേക്കുള്ള പരീക്ഷ ജനുവരി എട്ടിനും കമ്പൈൻഡ് സ്റ്റാറ്റിസ്റ്റിക്കൽ സബോർഡിനേറ്റ് സർവീസ് പരീക്ഷയിൽ ഉൾപ്പെട്ട തസ്തികകളിലേക്കുള്ള പരീക്ഷ ജനുവരി ഒമ്പതിനു മാണ് നടക്കുക.
തമിഴ്നാട് സർക്കാർ ജനുവരി 5 ബുധനാഴ്ച രാത്രി 10 മുതൽ രാവിലെ 5 വരെ രാത്രി കർഫ്യൂവും ഞായറാഴ്ചകളിൽ പൂർണ്ണ ലോക്ക്ഡൗണും ഉൾപ്പെടെ സംസ്ഥാനത്ത് കോവിഡ് -19 കുതിച്ചുചാട്ടം കണക്കിലെടുത് പുതിയ നിയന്ത്രണങ്ങൾ പ്രഖ്യാപിച്ചിട്ടുണ്ട്. ജനുവരി 6 വ്യാഴാഴ്ച മുതലാണ് നിയന്ത്രണങ്ങൾ നിലവിൽ വന്നത്.
ജനുവരി 4 ചൊവ്വാഴ്ച മുഖ്യമന്ത്രി എം കെ സ്റ്റാലിൻ ആരോഗ്യമന്ത്രി എം സുബ്രഹ്മണ്യൻ, ആരോഗ്യ സെക്രട്ടറി ജെ രാധാകൃഷ്ണൻ, പബ്ലിക് ഹെൽത്ത് ആൻഡ് പ്രിവന്റീവ് മെഡിസിൻ ഡയറക്ടർ ടി എസ് സെൽവവിനായകം ഉൾപ്പെടെയുള്ള സംസ്ഥാന പൊതുജനാരോഗ്യ ഉദ്യോഗസ്ഥർ എന്നിവരുമായി നടത്തിയ ചർച്ചയെ തുടർന്നായിരുന്നു ഉത്തരവ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
