ബംഗളൂരു: അനധികൃത സ്വത്ത് സമ്പാദനക്കേസില് കര്ണാടക ഉപ മുഖ്യമന്ത്രിയും പി സി സി അധ്യക്ഷനുമായ ഡി കെ ശിവകുമാറിന് ആശ്വാസം.
അന്വേഷണം തുടരാന് അനുമതി വേണമെന്ന സിബിഐ ഹര്ജി കര്ണാടക ഹൈക്കോടതി തള്ളി.
സിബിഐ അന്വേഷണത്തിനുള്ള അനുമതി പിന്വലിക്കണമെന്ന സംസ്ഥാന സര്ക്കാരിന്റെ നീക്കത്തെ ചോദ്യം ചെയ്ത് സമര്പ്പിച്ച ഒരു കൂട്ടം ഹര്ജികളാണ് കോടതി തള്ളിയത്.
നേരത്തേ ബിജെപി സര്ക്കാറാണ് ഡി കെ ശിവകുമാറിനെതിരെയുള്ള കേസ് സിബിഐയ്ക്ക് കൈമാറി വിജ്ഞാപനം ഇറക്കിയത്.
കോണ്ഗ്രസ് സര്ക്കാര് അധികാരത്തില് വന്നപ്പോള് സിബിഐയ്ക്കുള്ള അന്വേഷണ അനുമതി റദ്ദാക്കി.
ഇതിനെതിരെയാണ് സിബിഐയും ബിജെപി എംഎല്എ ബസനഗൗഡ പാട്ടീല് യത്നാലും ഹൈക്കോടതിയെ സമീപിച്ചത്.
ഹര്ജികള് ഈ കോടതിയുടെ അധികാരപരിധിയില് വരുന്നതല്ലെന്നാണ് ഹൈക്കോടതി ഡിവിഷന് ബെഞ്ച് നിരീക്ഷിച്ചത്.
സിബിഐയും സംസ്ഥാന സര്ക്കാരും ഉള്പ്പെട്ട കേസായതിനാല് ഹര്ജിക്കാര്ക്ക് സുപ്രീംകോടതിയെ സമീപിക്കാമെന്നും ഡിവിഷന് ബെഞ്ച് നിര്ദ്ദേശിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
