ബെംഗളൂരു: ചികിത്സയില് കഴിയുന്ന മുന് മുഖ്യമന്ത്രിയും, മുതിര്ന്ന കോണ്ഗ്രസ് നേതാവുമായ ഉമ്മന്ചാണ്ടിയുടെ ആരോഗ്യനിലയില് കാര്യമായ പുരോഗതിയെന്ന് റിപ്പോര്ട്ടുകള്.
ശ്വാസകോശത്തിലെ അണുബാധ മാറിയെന്നും. ആദ്യറൗണ്ട് ഇമ്മ്യൂണോതെറാപ്പി പൂര്ത്തിയായതായും ആശുപത്രി അധികൃതര് പറഞ്ഞു . രണ്ടാം റൗണ്ട് മാര്ച്ച് ആദ്യവാരം തുടങ്ങും. ഉമ്മന്ചാണ്ടി സ്വന്തമായി ദൈനംദിന പ്രവൃത്തികള് ചെയ്യാന് തുടങ്ങിയതായും ആശുപത്രി അധികൃതര് വ്യക്തമാക്കി.
ഉമ്മന്ചാണ്ടിയുടെ ഭാര്യയും മക്കളും അടക്കമുള്ള കുടുംബാംഗങ്ങള് ബെംഗളുരുവില് അദ്ദേഹത്തോടൊപ്പമുണ്ട്. ന്യുമോണിയ ബാധയെ തുടര്ന്ന് ഉമ്മന്ചാണ്ടിയെ നെയ്യാറ്റിന്കരയിലെ സ്വകാര്യ ആശുപത്രിയില് പ്രവേശിപ്പിച്ചിരുന്നു. അണുബാധ ഭേദമായതിനെ തുടര്ന്നാണ് അര്ബുധ ചികിത്സക്കായി അദ്ദേഹത്തെ ബംഗളൂരുവിലെ എച്ച്സിജി കാന്സര് സെന്ററിലേക്ക് മാറ്റുന്നത്. ജര്മനിയില് നടന്ന ചികിത്സയുടെ തുടര് ചികിത്സയാണ് ബംഗളൂരുവില് നടത്തുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
