You are here

പ്രാവിനെ തുറന്നുവിട്ടതിന്റെ പേരിൽ തർക്കം; രണ്ടു വയസ്സുകാരനെ പതിനാലുകാരൻ കൊലപ്പെടുത്തി

സ്വന്തം ലേഖകന്‍
ബെംഗളൂരു : പ്രാവുകളെ കൂടുതുറന്നു വിട്ടതിന്റെ പേരിലുള്ള തർക്കത്തെ തുടർന്നു രണ്ടു വയസ്സുകാരനെ പതിനാലുകാരൻ കഴുത്തുഞെരിച്ചു കൊലപ്പെടുത്തിയെന്നു പരാതി. സോളദേവനഹള്ളിയിൽ വെങ്കടേഷ് എന്ന കുഞ്ഞിനെയാണ് അയൽക്കാരനായ വിദ്യാർഥി ക്രൂരമായി മർദിച്ചതിനുശേഷം കൊലപ്പെടുത്തിയത്.വിദ്യാർഥിയുടെ മൂന്നു പ്രാവുകളെ വെങ്കടേഷും അഞ്ചു വയസ്സുകാരൻ സഹോദരനും ചേർന്നാണു തുറന്നുവിട്ടത്. പ്രാവുകളിലൊന്നിനെ വിദ്യാർഥി തിരിച്ചുപിടിച്ചുകൊണ്ടു വന്നപ്പോൾ അതിനെ കൂട്ടിലടയ്ക്കരുതെന്നു പറഞ്ഞു വെങ്കടേഷും സഹോദരനും ബഹളം വച്ചത്രേ.

ബഹളത്തിനിടെ ഈ പ്രാവും പറന്നുപോയതോടെ ക്ഷുഭിതനായ വിദ്യാർഥി കുഞ്ഞിനെ അടുത്തുള്ള തോട്ടത്തിലേക്കു കൊണ്ടുപോയി അപായപ്പെടുത്തിയെന്നാണ് കേസ്. ഉന്തുവണ്ടിയിൽ ഭക്ഷണവിൽപന നടത്തുന്നവരാണു വെങ്കടേഷിന്റെ മാതാപിതാക്കൾ.ഇവരും വിദ്യാർഥിയുടെ കുടുംബവും തമ്മിൽ വഴക്കായിരുന്നെന്നും പൊലീസ് പറഞ്ഞു. വിദ്യാർഥിയെ ജുവനൈൽ ഹോമിൽ പ്രവേശിപ്പിച്ചു.

  കക്ക ശേഖരിക്കാനിറങ്ങിയ എട്ടുപേർ പുഴയിൽ മുങ്ങിമരിച്ചു; അഞ്ചുലക്ഷം രൂപ ധനസഹായം പ്രഖ്യാപിച്ച് മുഖ്യമന്ത്രി സിദ്ധാരമയ്യ
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
  ഐടി ജീവനക്കാർക്ക് വൻ ആശ്വാസം; ഒക്ടോബറിൽ ട്രയൽ റൺ, ഡിസംബറോടെ സർവീസ്; ബ്ലൂ ലൈൻ പുതിയ അപ്‍ഡോഷൻ
If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]

Related posts