ബെംഗളൂരു ∙ ട്രാഫിക് നിയമം ലംഘിക്കുന്നവർക്കെതിരെ ഇനി ലൈസൻസ് ആധാരമാക്കി നടപടി സ്വീകരിക്കാൻ ഗതാഗതവകുപ്പ്. ഇതുവരെ നിയമലംഘനം നടത്തുന്ന വാഹനത്തിന്റെ ആർസി ബുക്കിനെ ആധാരമാക്കി ആയിരുന്നു നടപടി സ്വീകരിച്ചിരുന്നത്. മൂന്നിലധികം തവണ ഗതാഗതലംഘനം നടത്തുന്നവരുടെ ലൈസൻസ് റദ്ദാക്കുന്നത് ഉൾ‌പ്പെടെയുള്ള നടപടികൾക്കായാണ് ആലോചന. വാഹനത്തിന്റെ ഫിറ്റ്‌നസ് സർട്ടിഫിക്കറ്റ്, റജിസ്ട്രേഷൻ, പെർമിറ്റ്, ഇൻഷുറൻസ്, ലൈസൻസില്ലാതെയുള്ള ഡ്രൈവിങ് തുടങ്ങിയ കാര്യങ്ങളിൽ ആർസി ബുക്ക് അടിസ്ഥാനമാക്കി നടപടിയെടുക്കുന്നതു തുടരും.
തേഡ് പാർട്ടി ഇൻഷുറൻസ് ഇല്ലാത്ത വാഹനങ്ങൾക്കെതിരെയും പൊലീസും ആർടിഒയും ശക്തമായ നടപടി സ്വീകരിക്കുമെന്നു ദയാനന്ദ പറഞ്ഞു. അപകടങ്ങളിൽപ്പെടുന്നവർക്കു ഇൻഷുറൻസ് പരിരക്ഷ ഉറപ്പാക്കുന്നതിനു വേണ്ടിയാണിത്. റോഡ് സുരക്ഷ സംബന്ധിച്ചു സുപ്രീംകോടതി നിയോഗിച്ച സമിതിയുടെ നിർദേശങ്ങളെ അടിസ്ഥാനമാക്കിയാണു തേഡ് പാർട്ടി ഇൻഷുറൻസ് നിർബന്ധമാക്കാൻ തീരുമാനിച്ചതെന്നും അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
