Year: 2025

ബെംഗളൂരു : അഞ്ച് വർഷം തികച്ച് ഭരിക്കുമെന്ന് പറഞ്ഞ മുഖ്യമന്ത്രി സിദ്ധരാമയ്യക്ക് ആശംസ നേരുന്നതായി ഡി.കെ.ശിവകുമാർ. വെള്ളിയാഴ്ച ബെംഗളൂരുവിൽ മാധ്യമപ്രവർത്തകരോട് സംസാരിക്കവേയാണ് ശിവകുമാർ സിദ്ധരാമയ്യയുടെ ഭരണത്തിന് ആശംസ നേർന്നത്. ‘ഭരണത്തിൽ അഞ്ച് വർഷം തികക്കുമെന്ന് മുഖ്യമന്ത്രി പറഞ്ഞിട്ടുണ്ട്. ഞാൻ അദ്ദേഹത്തിന് എല്ലാ ആശംസകളും നേരുന്നു. ഞങ്ങളെല്ലാവരും അദ്ദേഹത്തിനൊപ്പം പ്രവർത്തിക്കും’-ശിവകുമാർ പറഞ്ഞു. തനിക്കും മുഖ്യമന്ത്രിക്കും സമയം ഇനിയുമുണ്ട്. തങ്ങൾ രണ്ടുപേരും ഹൈക്കമാൻഡിനെ അനുസരിക്കുന്നവരാണെന്നും ശിവകുമാർ കൂട്ടിച്ചേർത്തു. സർക്കാരിന്റെ കാലാവധി രണ്ടര വർഷം തികഞ്ഞ സാഹചര്യത്തിൽ നേരത്തെ തീരുമാനിച്ച പോലെ മുഖ്യമന്ത്രിസ്ഥാനം ഡി.കെ.ശിവകുമാറിന് കൈമാറണമെന്ന ആവശ്യമുന്നയിച്ച് ഏതാനും…

ബെംഗളൂരു: ബസ് സ്റ്റാൻഡുകൾക്ക് സമീപം വാഹനം കാത്തിരിക്കുന്ന യാത്രക്കാരെ ലക്ഷ്യമിട്ട് കവർച്ചനടത്തുന്ന മൂവർ സംഘത്തെ മണ്ഡ്യപോലീസ് അറസ്റ്റ് ചെയ്തു. ബെംഗളൂരുവിലെ പ്രശസ്ത എൻജിനിയറിങ് കോളേജിലെ ഏഴാം സെമസ്റ്റർ വിദ്യാർഥികളായ കിരൺ, കുശാൽബാബു, അതേ സ്ഥാപനത്തിലെ മറ്റൊരു വിദ്യാർഥിയുടെ സഹോദരനായ ഗോകുൽ എന്നിവരെയാണ് അറസ്റ്റ് ചെയ്തതെന്ന് ഡിഎസ്‌പി ലക്ഷ്മിനാരായണ അറിയിച്ചു. ബസ്‌സ്റ്റാൻഡുകൾക്ക് സമീപം വാഹനം കാത്തിരിക്കുന്ന യാത്രക്കാർക്ക് കാറിൽ ലിഫ്റ്റ് നൽകി വഴിയിൽവെച്ച് കവർച്ച നടത്തുന്ന രീതിയാണ് ഇവർക്ക്. ഒക്ടോബർ മാസം മുതൽ മൂവരും ഈ പ്രവർത്തനം നടത്തുന്നുണ്ടെന്ന് ഡിസിപി അറിയിച്ചു. മാണ്ഡ്യയിൽ കഴിഞ്ഞദിവസം രാത്രി…

ബെംഗളൂരു: കർണാടക സർക്കാർ വാഹനമോടിക്കുന്നവർക്ക് ഗതാഗത നിയമലംഘന പിഴകളിൽ 50% കിഴിവ് പ്രഖ്യാപിച്ചു . ഇതുസംബന്ധിച്ച് സംസ്ഥാന ഗതാഗത വകുപ്പ് അണ്ടർ സെക്രട്ടറി രംഗപ്പ കരിഗാര ഇന്നലെ ഔദ്യോഗിക ഉത്തരവ് പുറപ്പെടുവിച്ചു. ഇന്ന് മുതൽ അതായത് നവംബർ 21 മുതൽ ഡിസംബർ 12 വരെ ഈ സൗകര്യം പ്രാബല്യത്തിൽ വരും. ഈ കാലയളവിൽ ഡ്രൈവർമാർക്ക് അവരുടെ കുടിശ്ശിക പിഴകളുടെ പകുതി തുക അടച്ച് കേസുകൾ തീർപ്പാക്കാം. ഗതാഗത പിഴ ഇളവ് സംബന്ധിച്ച് ഗതാഗത വകുപ്പ് സർക്കാരിന് സമർപ്പിച്ച നിർദ്ദേശം പരിശോധിച്ച ശേഷം, സർക്കാർ അത്…

ബെംഗളൂരു : കർണാടകത്തിലെ കോൺഗ്രസ് അധ്യക്ഷസ്ഥാനം ഒഴിയുമെന്ന സൂചനയുമായി ഉപമുഖ്യമന്ത്രി ഡി.കെ. ശിവകുമാർ. കെപിസിസി അധ്യക്ഷസ്ഥാനത്ത് സ്ഥിരമായി തുടരാൻ തനിക്കുകഴിയില്ലെന്നും പുതിയ ആളുകൾക്കുവേണ്ടി ഒഴിഞ്ഞുകൊടുക്കുമെന്നും പാർട്ടി പരിപാടിയിൽ പറഞ്ഞു. മുഖ്യമന്ത്രിസ്ഥാനം ലക്ഷ്യമിട്ടാണ് പാർട്ടിചുമതല ഒഴിയാൻ ശിവകുമാർ ഒരുങ്ങുന്നതെന്നാണ് വിലയിരുത്തൽ. മന്ത്രിസഭാ പുനഃസംഘടനയ്ക്കുള്ള നീക്കങ്ങൾ നടക്കുമ്പോഴാണ് പാർട്ടിയുടെ തലപ്പത്തും മാറ്റത്തിനൊരുങ്ങുന്നത്. കെപിസിസി അധ്യക്ഷസ്ഥാനത്ത് അഞ്ചരവർഷം കഴിഞ്ഞെന്നും അധികകാലം തുടരാൻ താത്പര്യമില്ലെന്നുംപറഞ്ഞ ശിവകുമാർ പദവിയൊഴിഞ്ഞാലും നേതൃനിരയിൽ താനുണ്ടാകുമെന്നും വ്യക്തമാക്കി. മുഖ്യമന്ത്രിസ്ഥാനം ലക്ഷ്യമാക്കിയാണ് ഈ പ്രസ്താവനയെന്നാണ് കരുതുന്നത്. താൻ സ്ഥാനത്തുണ്ടെങ്കിലും ഇല്ലെങ്കിലും സംസ്ഥാനത്ത് 100 കോൺഗ്രസ് ഓഫീസ്‌ നിർമിക്കുകയെന്ന…

ബെംഗളൂരു : സത്യസായിബാബയുടെ ജന്മശതാബ്ദിയാഘോഷത്തിൽ പങ്കെടുക്കാനെത്തുന്നവരുടെ തിരക്കുപരിഗണിച്ച് തിരുവനന്തപുരത്തുനിന്ന് പുട്ടപർത്തി പ്രശാന്തിനിലയത്തിലേക്ക് പ്രത്യേകതീവണ്ടി അനുവദിച്ച് ദക്ഷിണറെയിൽവേ. കൂടാതെ, ചെന്നൈയിൽനിന്ന് മറ്റൊരുതീവണ്ടിയും അനുവദിച്ചു. തിരുവനന്തപുരം നോർത്ത്-ശ്രീ സത്യസായി പ്രശാന്തിനിലയം എക്സ്‌പ്രസ് സ്പെഷ്യൽ (06067) ഞായറാഴ്ച വൈകീട്ട് 06.05-ന് തിരുവനന്തപുരത്തുനിന്ന് പുറപ്പെടും. തിങ്കളാഴ്ച ഉച്ചയ്ക്ക് 1.30-ന് പ്രശാന്തിനിലയത്തിലെത്തും. തിരികെ ശ്രീ സത്യസായി പ്രശാന്തിനിലയം-തിരുവനന്തപുരം നോർത്ത് എക്സ്‌പ്രസ് സ്പെഷ്യൽ (06068) ചൊവ്വാഴ്ച വൈകീട്ട് 8.45-ന് പുറപ്പെട്ട് പിറ്റേന്ന് വൈകീട്ട് ആറിന് തിരുവനന്തപുരത്തെത്തും. വർക്കല, ശിവഗിരി, കൊല്ലം, കായംകുളം, ചെങ്ങന്നൂർ, തിരുവല്ല, ചങ്ങനാശ്ശേരി, കോട്ടയം, എറണാകുളം, ആലുവ, തൃശ്ശൂർ, പാലക്കാട്,…