Day: 18 January 2025

ബെംഗളൂരു : ബീദറിൽ സ്റ്റേറ്റ് ബാങ്ക് ഓഫ് ഇന്ത്യയുടെ എ.ടി.എമ്മിൽ നിറയ്ക്കാൻ കൊണ്ടുവന്ന 93 ലക്ഷം രൂപ, രണ്ട് സുരക്ഷാജീവനക്കാരെ വെടിവെച്ചുകൊന്നശേഷം കവർന്നവർ രക്ഷപ്പെട്ടത് ഹൈദരാബാദിലേക്ക്. ബൈക്കിലെത്തിയ രണ്ടുപേരാണ് ബീദർ നഗരത്തിലെ തിരക്കേറിയ റോഡിൽ പട്ടാപ്പകൽ കൊലപാതകവും കവർച്ചയും നടത്തിയത്. രണ്ടുപേരെയും പോലീസ് തിരിച്ചറിഞ്ഞിട്ടുണ്ടെന്നും ഇവരെ പിടികൂടാൻ ഊർജിതശ്രമം നടത്തുകയാണെന്നും ആഭ്യന്തരമന്ത്രി ജി. പരമേശ്വര പറഞ്ഞു. ഇവരെത്താൻ സാധ്യതയുള്ള മധ്യപ്രദേശിലുൾപ്പെടെ അന്വേഷണം വ്യാപിപ്പിച്ചതായും അറിയിച്ചു. പണത്തിന്റെ പെട്ടിയുമായി ബൈക്കിലാണ് കവർച്ചക്കാർ രക്ഷപ്പെട്ടത്. ഹൈദരാബാദ് ആസ്ഥാനമായുള്ള ഏജൻസിയെയാണ് എസ്.ബി.ഐ. എ.ടി.എമ്മിൽ പണം നിറയ്ക്കാൻ ചുമതലപ്പെടുത്തിയത്. പണവുമായി…

ബെംഗളൂരു : ഓൺലൈനിൽ സെക്കൻഡ് ഹാൻഡ് ഐഫോൺ വാങ്ങാൻ ശ്രമിച്ച യുവാവിന് 1.1 ലക്ഷം രൂപ നഷ്ടപ്പെട്ടു. ആർ.ടി. നഗർ സ്വദേശി റിയാൻ ഹുസൈനാണ് (24) പണം നഷ്ടപ്പെട്ടത്. സെക്കൻഡ് ഹാൻസ് സ്മാർട്ട്‌ഫോണുകൾ ഓൺലൈനിൽ അന്വേഷിക്കുന്നതിനിടെ ഐഫോൺ 16 പ്രോമാക്സ് വിൽപ്പനയ്ക്കുള്ളതായി കണ്ടു. കിരൺ എന്നയാളാണ് വിൽപ്പനയ്ക്ക് വെച്ചിരുന്നത്. കിരണിനെ ബന്ധപ്പെട്ടപ്പോൾ ഐഫോണിന്റെ ബിൽ, ബോക്സ് എന്നിവയുടെ ഫോട്ടോ അയച്ചുതന്നു. കണ്ണിങ്ഹം റോഡിൽവെച്ച് ഫോൺ കൈമാറാമെന്ന് അറിയിച്ചു. ഇവിടെയെത്തിയപ്പോൾ ഹുസൈൻ എന്നയാളാണ് ഫോണുമായിവന്നത്. ഇയാൾ ഫോണും രേഖകളുമെല്ലാം റിയാനെ കാണിച്ചു. ഇതേത്തുടർന്ന് 1.1 ലക്ഷം…

ബെംഗളൂരു: ജർമനിയിലെ ഇന്റർസിറ്റി ബസ് സർവീസ് ദാതാക്കളായ ഫ്ലിക്സ് ബസ് ബെംഗളൂരുവിൽനിന്ന് ആലുപ്പുഴയിലേക്ക് സർവീസ് ആരംഭിച്ചു. രാത്രി 8.35-ന് ബെംഗളൂരുവിൽനിന്ന് പുറപ്പെട്ട് പിറ്റേദിവസം രാവിലെ 10.5-ന് ആലപ്പുഴയിലെത്തും. തിരിച്ച് ആലപ്പുഴയിൽനിന്ന് രാത്രി 7.30-ന് പുറപ്പെട്ട് പിറ്റേദിവസം രാവിലെ 9.25-ന് ബെംഗളൂരുവിലെത്തും. കൃഷ്ണഗിരി, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, തൃശ്ശൂർ, കൊച്ചി എന്നിവിടങ്ങളിൽ സ്റ്റോപ്പുണ്ട്. ഫ്ലിക്സ് ബസ് വെബ്സൈറ്റ് വഴി ബുക്ക് ചെയ്യുമ്പോൾ 1400 രൂപയാണ് നിരക്ക്. ദക്ഷിണേന്ത്യയിൽ ചുവടുറപ്പിക്കുന്നതിന്റെ ഭാഗമായി ഗോവയിലേക്കും സർവീസ് ആരംഭിച്ചിട്ടുണ്ട്. ബെംഗളൂരുവിൽനിന്ന് ഗോവയിലേക്ക് 1600 രൂപയാണ് നിരക്ക്. രാജ്യത്തെ…

ബംഗളുരു : ചിക്കമഗളൂരുവിലെ അല്ലമ്പുരയ്ക്കടുത്തുള്ള കാപ്പിത്തോട്ടത്തിൽ രണ്ടുദിവസം പ്രായമായ ശിശുവിനെ ഉപേക്ഷിച്ചനിലയിൽക്കണ്ടെത്തി. വ്യാഴാഴ്ച വൈകീട്ട് കാപ്പിത്തോട്ടത്തിനരികിൽ താമസിക്കുന്ന ചന്ദ്രമ്മയാണ് കുഞ്ഞിന്റെ കരച്ചിൽ ആദ്യംകേട്ടത്. അന്വേഷിച്ചെത്തിയപ്പോൾ തോട്ടത്തിനുള്ളിൽ വസ്ത്രമില്ലാതെ ഉപേക്ഷിക്കപ്പെട്ട ആൺകുഞ്ഞ് തണുപ്പേറ്റ് വിറയ്ക്കുകയായിരുന്നു. ഉടൻ കുഞ്ഞിനെ വീട്ടിലെത്തിച്ച് പരിചരിച്ചു. തുടർന്ന്, വീടിനരികിലുള്ള അങ്കണവാടിയിലും ശിശുക്ഷേമ ഓഫീസറെയും വിവരമറിയിച്ചു. ശിശുക്ഷേമസമിതി ഉദ്യോഗസ്ഥർ ഡോക്ടർമാരുമായെത്തി കുഞ്ഞിനെ പരിശോധിച്ചു. തുടർന്ന്, ചിക്കമഗളൂരുവിലെ കുട്ടികളുടെ ആശുപത്രിയിൽ പ്രവേശിപ്പിച്ചു. കുട്ടിയുടെ മാതാപിതാക്കളെ കണ്ടെത്താൻ ശിശുക്ഷേമസമിതി അധികൃതർ പോലീസിൽ പരാതിനൽകിയിട്ടുണ്ട്. കുഞ്ഞ് സുഖംപ്രാപിച്ചാലുടൻ ദത്തെടുക്കൽ കേന്ദ്രത്തിലേക്കുമാറ്റുമെന്ന് ശിശുക്ഷേമസമിതി ഉദ്യോഗസ്ഥർ അറിയിച്ചു.

ബംഗളുരു: പുലിയെ പിടിക്കാൻ വനംവകുപ്പ് സ്ഥാപിച്ച കൂട്ടിൽ കുരുങ്ങിയത് മനുഷ്യൻ. ഗുണ്ടൽപേട്ട് താലൂക്കിലെ പഠഗുരു ഗ്രാമത്തിലെ ഹനുമയ്യയാണ് കൂട്ടിൽ കുടുങ്ങിയത്. വ്യാഴാഴ്ച വൈകീട്ടാണ് സംഭവം. ഗ്രാമത്തിൽ പുള്ളിപ്പുലികളുടെ ശല്യം രൂക്ഷമാണ്. നാട്ടുകാരുടെ പരാതിയിൽ ഗ്രാമത്തിലെ വിവിധ ഭാഗങ്ങളിൽ വനംവകുപ്പ് അധികൃതർ പുലിയെ കുടുക്കാനായി വലിയ കൂടുകൾ സ്ഥാപിച്ചിരുന്നു. ഇങ്ങനെയുള്ള ഒരു കൂട്ടിൽ ഹനുമയ്യ അറിയാതെ കയറുകയായിരുന്നു. ഹനുമയ്യ കയറിയ ഉടൻ കൂടിന്റെ വാതിലടഞ്ഞു. ആറുമണിക്കൂറോളം ഇയാൾ കൂട്ടിലകപ്പെട്ടു. രാത്രി ഹനുമയ്യയുടെ കരച്ചിൽകേട്ടെത്തിയ നാട്ടുകാർ വിവരം വനംവകുപ്പിനെ അറിയിച്ചു. അധികൃതരെത്തി ഹനുമയ്യയെ കൂട്ടിൽനിന്ന് പുറത്തിറക്കി.