ബെംഗളൂരു : തമിഴ്‌നാട് തീരം ലക്ഷ്യമാക്കിവരുന്ന ഫിന്‍ജാല്‍ ചുഴലിക്കാറ്റിനെ നിരീക്ഷിച്ചുവരികയാണെന്ന് ഇന്ത്യൻ ബഹിരാകാശ ഗവേഷണ സംഘടന (ഐ.എസ്.ആർ.ഒ.) അറിയിച്ചു. ഇ.ഒ.എസ്.-06, ഇൻസാറ്റ് -3 ഡി.ആർ. ഉപഗ്രഹങ്ങളാണ് നിരീക്ഷിക്കുന്നത്. നവംബർ 23 മുതലാണ് ചുഴലിക്കാറ്റ് തമിഴ്‌നാട് തീരത്തേക്ക് അടുത്തുതുടങ്ങിയത്. ഓഷ്യൻസാറ്റ് പരമ്പരയിലെ മൂന്നാംതലമുറ ഉപഗ്രഹമാണ് ഇ.ഒ.എസ്.-06. ഉപഗ്രഹത്തിലെ സ്കാറ്ററോമീറ്റർ ചുഴലിക്കാറ്റ് നേരത്തേ കണ്ടെത്തുന്നതിനും സമുദ്രത്തിൽ കാറ്റിന്റെ ഗതി തിരിച്ചറിയുന്നതിനും സഹായിച്ചതായി ഐ.എസ്.ആർ.ഒ. വ്യക്തമാക്കി. ഇൻസാറ്റ്-3ഡി.ആർ. ഉപഗ്രഹത്തിൽനിന്നുള്ള വിവരങ്ങൾ ചുഴലിക്കാറ്റിന്റെ തത്സമയ സ്ഥിതിവിവരങ്ങളും ചുഴലിക്കാറ്റിന്റെ തീവ്രതസംബന്ധിച്ച വിവരങ്ങളും നൽകുന്നുണ്ട്.
Read Moreതമിഴ്‌നാട് തീരം ലക്ഷ്യമാക്കിവരുന്ന ഫിന്‍ജാല്‍ ചുഴലിക്കാറ്റിനെ നിരീക്ഷിച്ച് ഐ.എസ്.ആർ.ഒ.
