Day: 6 November 2024

ബെംഗളൂരു :  ഇന്ത്യയുടെ മാർസ് ഓർബിറ്റർ മിഷൻ (മംഗൾയാൻ) ദൗത്യം വിക്ഷേപിച്ചിട്ട് 11 വർഷം പൂർത്തിയായി. 2013 നവംബർ അഞ്ചിനായിരുന്നു വിക്ഷേപണം. 2014 സെപ്റ്റംബർ 24-നാണ് ലക്ഷ്യസ്ഥാനത്തെത്തിയത്. ഗ്രഹപര്യവേക്ഷണ ചരിത്രത്തിലെ ശ്രദ്ധേയമായ ശാസ്ത്ര-സാങ്കേതിക നേട്ടങ്ങൾ സമ്മാനിച്ച് 2022-ലാണ് ദൗത്യത്തിന്റെ കാലാവധി അവസാനിച്ചത്. ചൊവ്വയുടെ ഭ്രമണപഥത്തിൽ പേടകമെത്തിച്ച ആദ്യ ഏഷ്യൻ രാജ്യം, ആദ്യ ശ്രമത്തിൽത്തന്നെ ചൊവ്വയുടെ ഭ്രമണപഥത്തിലെത്തിയ ലോകത്തെ ആദ്യരാജ്യം, സോവിയറ്റ് സ്പെയ്‌സ് പ്രോഗ്രാം, നാസ, ഇ.എസ്.എ. എന്നിവയ്ക്കുശേഷം ഈ നേട്ടം കൈവരിക്കുന്ന നാലാമത്തെ രാജ്യം എന്നീ ഖ്യാതികൾ മംഗൾയാൻ ദൗത്യത്തിലൂടെ ഇന്ത്യ കൈവരിച്ചിരുന്നു. ചൊവ്വയുടെ…

ബെംഗളൂരു : അഞ്ചുദിവസത്തിനിടെ ബല്ലാരിയിൽ ചൂതാട്ടം നടത്തിയതിന് അറസ്റ്റിലായത് 810 പേർ. ഇവരിൽനിന്ന് 16 ലക്ഷംരൂപ പോലീസ് പിടിച്ചെടുത്തു. ദീപാവലിയോടനുബന്ധിച്ചാണ്ഇത്രയുമാളുകൾ ചൂതാട്ടത്തിലേർപ്പെട്ടത്.

നവംബറിൽ അതി ഗംഭീര സിനിമകളാണ് ഒടിടി റിലീസിനൊരുങ്ങുന്നത്. ടോവിനോ തോമസിനെ നായകനാക്കി നവാഗതനായ ജിതിൻ ലാല്‍ സംവിധാനം ചെയ്ത ബ്ലോക്ബസ്റ്റർ ചിത്രം എ.ആർ.എം. ഒടിടിയിലേക്ക്. ഓണം റിലീസായി വെള്ളിത്തിരയിലെത്തിയ ചിത്രത്തിന്റെ ഒടിടി റിലീസ് പ്രഖ്യാപിച്ചിരിക്കുകയാണ് ഡിസ്നി പ്ലസ് ഹോട്ട്സ്റ്റാർ. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ അഞ്ച് ഭാഷകളിലാണ് എആർഎം സ്ട്രീം ചെയ്യുക. നവംബർ 08ന് ഫാന്റസി ത്രില്ലറായ എആർഎം (അജയൻ്റെ രണ്ടാം മോഷണം) ഡിസ്നി+ ഹോട്ട്സ്റ്റാറില്‍ സ്ട്രീമിംഗ് ആരംഭിക്കും. അതേസമയം ആസിഫ് അലിയുടെ കിഷ്കിന്ധാ കാണ്ഡവും നവംബർ രണ്ടാം വാരം ഹോട്ട്സ്റ്റാറിലൂടെ തന്നെ…

ബംഗളുരു: മുൻ ബ്രിട്ടൻ പ്രധാനമന്ത്രി ഋഷി സുനക്കും ഭാര്യ അക്ഷതാ മൂർത്തിയും ബെംഗളൂരു ജയനഗറിലെ നഞ്ചൻഗുഡിലെ ശ്രീ രാഘവേന്ദ്ര സ്വാമിയുടെ മഠത്തിലെത്തി രായനെ ദർശിച്ചു. ഇൻഫോസിസ് സഹസ്ഥാപകൻ നാരായണമൂർത്തിയും ഭാര്യ സുധാമൂർത്തിയും ചടങ്ങിൽ പങ്കെടുത്തു. ഇന്നലെ മഠത്തിലെത്തിയ ഋഷി സുനക് ദമ്പതികൾ അരമണിക്കൂറോളം മഠത്തിൽ തങ്ങി. മന്ത്രലതിയും തീർത്ഥവും അനുഗ്രഹങ്ങളും ഏറ്റുവാങ്ങി കാർത്തിക മാസത്തിൽ സന്നിധിയിൽ ദീപം തെളിയിച്ചു.

ബെംഗളൂരു : രാംപുര തടാകത്തിൽ മത്സ്യങ്ങൾ ചത്തുപൊങ്ങി പരിസര പ്രദേശങ്ങളിൽ ദുർഗന്ധം. ഞായറാഴ്ച രാവിലെയാണ് തടാകത്തിൽ നൂറുകണക്കിന് മീനുകൾ ചത്തുപൊങ്ങിയത്. എന്നാൽ, തിങ്കളാഴ്ച വൈകീട്ടുവരെ ഇവയെ മാറ്റാനുള്ള നടപടികൾ ബൃഹത് ബെംഗളൂരു മഹാനഗര പാലികെ (ബി.ബി.എം.പി.) അധികൃതർ സ്വീകരിച്ചിട്ടില്ല. ദുർഗന്ധംകാരണം പ്രദേശവാസികൾക്ക് ബുദ്ധിമുട്ടാവുകയാണ്. തടാകത്തിന്റെ സമീപത്തുകൂടി പോകാൻ പറ്റാത്ത അവസ്ഥയാണ്. വർഷങ്ങൾക്ക് മുൻപ് ജൈവവൈവിധ്യങ്ങളാൽ സമ്പന്നമായിരുന്നു മഹാദേവപുര സോണിൽ വരുന്ന ഈ തടാകം. കഴിഞ്ഞ കുറച്ചു വർഷങ്ങളായി തടാകം നാശത്തിന്റെ വക്കിലാണ്. ചത്ത മീനുകളെ നീക്കിയില്ലെങ്കിൽ പ്രദേശത്ത് പകർച്ച വ്യാധികളുണ്ടാകുമോയെന്ന ആശങ്ക നാട്ടുകാർ പ്രകടിപ്പിച്ചു.…