Month: September 2024

ബംഗളൂരു; കര്‍ണാടക മുഖ്യമന്ത്രി സിദ്ധരാമയ്യയുടെ സോഷ്യല്‍ മീഡിയ ടീമിന്റെ ഒരുമാസത്തെ ശമ്പളം 54 ലക്ഷം രൂപ. വിവരാവകാശ മറുപടിയിലാണ് വെളിപ്പെടുത്തല്‍. സിദ്ധരാമയ്യയുടെ സോഷ്യല്‍ മീഡിയ പ്ലാറ്റ്‌ഫോമുകളുടെ മേല്‍നോട്ടം നിര്‍വഹിക്കുന്നതിനായി 35 അംഗങ്ങള്‍ അടങ്ങിയ ടീമാണ് പ്രവര്‍ത്തിക്കുന്നതെന്നും മറുപടിയില്‍ പറയുന്നു. സര്‍ക്കാരിന്റെ ഉടമസ്ഥതയിലുള്ള കര്‍ണാടക സ്റ്റേറ്റ് മാര്‍ക്കറ്റിങ് കമ്യൂണിക്കേഷന്‍ 2023 ഒക്ടോബര്‍ മുതല്‍ 2024 മാര്‍ച്ച് വരെ ഏകദേശം 3.18 കോടി രൂപ ചെലവഴിച്ചതായും വിവരാവകാശ മറുപടിയില്‍ പറയുന്നു. സിദ്ധരാമയ്യയും ഭാര്യയും ഉള്‍പ്പെട്ട മൈസൂരു അര്‍ബന്‍ ഡെവലപ്മെന്റ് അതോറിറ്റി (മുഡ) സൈറ്റ് അലോട്ട്മെന്റ് അഴിമതിയുമായി ബന്ധപ്പെട്ട…

ബെംഗളൂരു: ബൈക്കും ടിപ്പറും കൂട്ടിയിടിച്ച് ബൈക്ക് യാത്രികൻ മരിച്ചു. നാഗരാജ ചന്നദാസറാണ് (30) നിർഭാഗ്യവശാൽ മരിച്ചത്. ബാഗൽകോട്ടിലെ ദേശീയപാത 218ൽ കേരൂരിന് സമീപം ബടകുർക്കി ക്രോസിലാണ് സംഭവം. ബാഗൽകോട്ട് നവനഗർ വാംബെ കോളനിയിലെ താമസക്കാരനാണ് നാഗരാജ്. ടിപ്പർ കൂട്ടിയിടിച്ച് ഗുരുതരമായ രക്തസ്രാവത്തെ തുടർന്നാണ് നാഗരാജ് മരിച്ചത്. കേരൂര പോലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റ്‌മോർട്ടത്തിന് അയച്ചിട്ടുണ്ട്. കേരൂര പോലീസ് സ്റ്റേഷൻ പരിധിയിലാണ് സംഭവം.

ബെംഗളൂരു : കുടിശ്ശിക ലഭിക്കാത്തതിൽ പ്രതിഷേധിച്ച് ബൃഹത് ബെംഗളൂരു മഹാനഗര പാലികെയുടെ (ബി.ബി.എം.പി.) കെട്ടിട നിർമാണ കരാറുകാർ അനിശ്ചിതകാല സമരം ആരംഭിച്ചു. ഇതേത്തുടർന്ന് കോർപ്പറേഷന്റെ പരിധിയിലെ വിവിധ നിർമാണ പ്രവർത്തനങ്ങളെ ബാധിച്ചു. 25 ശതമാനം തുകയാണ് കോർപ്പറേഷൻ പിടിച്ചു വെച്ചിരിക്കുന്നതെന്നും 2021 മുതലുള്ള തുക ലഭിക്കാനുണ്ടെന്നും ബി.ബി.എം.പി. വർക്കിങ് കോൺട്രാക്ടേഴ്‌സ് അസോസിയേഷൻ പ്രസിഡന്റ് കെ.ടി. മഞ്ജുനാഥ് പറഞ്ഞു. ആവശ്യം അംഗീകരിക്കാതെ സമരം പിൻവലിക്കില്ലെന്നും അദ്ദേഹം വ്യക്തമാക്കി.

ബെംഗളൂരു : കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ കുടുംബട്രസ്റ്റിനുകീഴിലുള്ള കലബുറഗിയിലെ വിദ്യാഭ്യാസസ്ഥാപനത്തിന് സംസ്ഥാനസർക്കാർ 19 ഏക്കർ സ്ഥലം സൗജന്യമായി നൽകിയെന്നാരോപണം. ബി.ജെ.പി.യുടെ രാജ്യസഭാംഗം ലഹർ സിങ് സിറോയയാണ് ആരോപണമുന്നയിച്ചത്. കലബുറഗിയിലെ ഇന്റർനാഷണൽ ഇൻസ്റ്റിറ്റ്യൂട്ട് ഓഫ് പാലി-സാൻസ്‌ക്രിറ്റ് ആൻഡ് കംപാരറ്റീവ് ഫിലോസഫിക്ക് സൗജന്യമായി സ്ഥലമനുവദിച്ചെന്നാണ് ആരോപണം. 2014-ൽ സിദ്ധരാമയ്യയുടെ നേതൃത്വത്തിലുള്ള കോൺഗ്രസ് സർക്കാർ 16 ഏക്കർ സ്ഥലം സ്ഥാപനത്തിന് 30 വർഷത്തേക്ക് പാട്ടത്തിനുനൽകിയെന്നും പിന്നീട് 2017-ൽ മൂന്നേക്കർകൂടി നൽകിയെന്നുമാണ് ആരോപണം. എന്നാൽ, ആരോപണം നിഷേധിച്ച് മന്ത്രി പ്രിയങ്ക് ഖാർഗെ രംഗത്തെത്തി. കേന്ദ്രസർക്കാരും സംസ്ഥാന ഉന്നതവിദ്യാഭ്യാസവകുപ്പും സിദ്ധാർഥ…

ബെംഗളൂരു: മൈസൂരുവിൽ ഇത്തവണ ഓണത്തിരക്ക് കടന്നുവരുന്നത് ദസറ ആഘോഷത്തിന്റെ ഒരുക്കങ്ങൾക്കിടയിലേക്കാണ്. ദസറയ്ക്ക് എഴുന്നള്ളിക്കാനുള്ള എട്ട് ആനകൾ കൊട്ടാരനഗരയിലെ രാജവീഥിയിലൂടെ സഞ്ചാരം തുടങ്ങിക്കഴിഞ്ഞു. കൊട്ടാരവളപ്പിൽ കഴിയുന്ന അവയുടെ ആഘോഷത്തിനുള്ള തയ്യാറെടുപ്പുകളും ബെന്നിമണ്ഡപത്തേക്ക് നടത്തുന്ന പരിശീലന യാത്രയും ഓണക്കാലത്ത് സഞ്ചാരികൾക്ക് കൗതുകക്കാഴ്ച പകരും. അടുത്തയാഴ്ച ആറ് ആനകൾ കൂടി നഗരത്തിലെത്തും.

ബെംഗളൂരു : ഖനനനത്തിന് ക്രമവിരുദ്ധമായി ഭൂമിയനുവദിച്ച കേസിൽ കേന്ദ്രമന്ത്രി എച്ച്.ഡി. കുമാരസ്വാമിയെ കുറ്റവിചാരണ ചെയ്യാൻ അനുവദിക്കണമെന്നാവശ്യപ്പെട്ട് ലോകായുക്ത നൽകിയ അപേക്ഷ ഗവർണർ താവർചന്ദ് ഗഹ്‌ലോത് തിരിച്ചയച്ചു. അപേക്ഷയോടൊപ്പം കന്നഡയിൽ സമർപ്പിച്ച രേഖകളുടെ ഇംഗ്ലീഷ് പരിഭാഷ വേണമെന്ന് ആവശ്യപ്പെട്ടാണ് തിരിച്ചയച്ചത്. മറ്റൊരു കേസിൽ ബി.ജെ.പി. മുൻമന്ത്രി ജനാർദന റെഡ്ഡിയെ കുറ്റവിചാരണ ചെയ്യാൻ അനുമതി തേടി പോലീസ് നൽകിയ അപേക്ഷയും രേഖകളുടെ പരിഭാഷ ആവശ്യപ്പെട്ട് തിരിച്ചയച്ചു. ‘മുഡ’ കേസിൽ മുഖ്യമന്ത്രി സിദ്ധരാമയ്യയെ വിചാരണ ചെയ്യാൻ ആവശ്യപ്പെട്ട് നൽകിയ അപേക്ഷയിൽ മണിക്കൂറുകൾക്കകം ഗവർണർ നടപടിയെടുത്തപ്പോഴാണ് എൻ.ഡി.എ. നേതാക്കൾക്കെതിരായ അപേക്ഷകൾ…