Month: September 2024

ബെംഗളൂരു : ഷിരൂരിലിലെ മണ്ണിടിച്ചിലിൽ കാണാതായ കോഴിക്കോട് സ്വദേശിയായ ലോറി ഡ്രൈവർ അർജുനെ കണ്ടെത്താനുള്ള തിരച്ചിൽ ഊർജിതമാക്കാനാവശ്യപ്പെട്ടുള്ള പൊതുതാത്പര്യ ഹർജിയിലെ തുടർവാദം നവംബർ അഞ്ചിലേക്ക് മാറ്റി. ബുധനാഴ്ച ഹർജി പരിഗണിക്കാൻ ഓഗസ്റ്റ് 21-ന് ഹൈക്കോടതി നിശ്ചയിച്ചിരുന്നതാണെങ്കിലും നടന്നില്ല. ചീഫ് ജസ്റ്റിസ് എൻ.വി. അഞ്ജാരിയയുടെ ബെഞ്ചാണ് കേസ് പരിഗണിക്കുന്നത്. ചീഫ് ജസ്റ്റിസ് ബുധനാഴ്ച അവധിയായതിനാൽ ഹർജി നവംബർ അഞ്ചിലേക്ക് മാറ്റുകയായിരുന്നു. അഭിഭാഷകരായ സിജി മലയിൽ, സുഭാഷ് ചന്ദ്രൻ എന്നിവർ സമർപ്പിച്ച പൊതുതാത്പര്യ ഹർജിയാണ് ഹൈക്കോടതിയുടെ പരിഗണനയിലുള്ളത്.

ബെംഗളൂരു: വായ്പയെടുത്ത് നടത്തിയ തക്കാളി കൃഷി നഷ്ടത്തിലായതോടെ കടം വീട്ടാൻ ഓഫീസിലെ ലാപ്ടോപുകൾ മോഷ്ടിച്ച് വിറ്റ ടെക്കി പിടിയിൽ. ഹൊസൂർ സ്വദേശി മുരുഗേഷ് ആണ് അറസ്റ്റിലായത്. വൈറ്റ്ഫീൽഡ് പോലീസ് അറസ്റ്റ് ചെയ്ത് മുരുഗേഷ് ഇപ്പോൾ ജുഡീഷ്യൽ കസ്റ്റഡിയിലാണ്. 57 ലാപ്ടോപ്പുകളാണ് സിസ്റ്റം അഡ്മിനിസ്ട്രേറ്ററായിരുന്ന മുരുഗേഷ് ഓഫീസിൽ നിന്ന് മോഷ്ടിച്ചത്. ഫെബ്രുവരി മുതൽ ലാപ്ടോപ്പുകൾ മോഷ്ടിച്ചു തുടങ്ങിയിരുന്നു. തുടർന്ന് കഴിഞ്ഞ മാസം അവസാനത്തോടെ മുരുഗേഷ് കമ്പനിയിൽ നിന്ന് രാജിവെച്ചു. ഈ മാസമാണ് ലാപ്ടോപ്പുകൾ നഷ്ടമായതിനെക്കുറിച്ച് ഓഫീസ് അധികൃതർ മനസ്സിലാക്കിയത്. തുടർന്ന് സി.സി.ടി.വികൾ പരിശോധിച്ചതോടെയാണ് മോഷണം തെളിഞ്ഞത്.…

ബെംഗളൂരു: ബെംഗളൂരുവിൽ 250 മീറ്റർ ഉയരമുള്ള വിനോദസഞ്ചാര കേന്ദ്രം നിർമിക്കാൻ ആഗ്രഹിക്കുന്ന ഉപമുഖ്യമന്ത്രി ഡികെ ശിവകുമാർ യുഎസ് സന്ദർശനത്തിനിടെ ന്യൂയോർക്ക് സിറ്റിയിലെ സ്‌കൈഡെക്ക് സന്ദർശിച്ചു. ഹഡ്‌സൺ യാർഡിലെ ഒരു കെട്ടിടത്തിൻ്റെ 100-ാം നിലയിൽ 7,500 ചതുരശ്ര അടിയിൽ വ്യാപിച്ചുകിടക്കുന്ന ‘ദ എഡ്ജ്’ എന്ന സ്കൈഡെക്ക് അദ്ദേഹം സന്ദർശിച്ചു. സ്‌കൈഡെക്ക് ഫ്ലോർ മുതൽ സീലിംഗ് വരെ പൂർണ്ണമായും ഗ്ലാസ് കൊണ്ട് നിർമ്മിച്ചതാണ്, കൂടാതെ ബിഗ് ആപ്പിളിൻ്റെ മനോഹരമായ 360 ഡിഗ്രി കാഴ്ചയും പ്രദാനം ചെയ്യുന്നു. സന്ദർശന വേളയിൽ ശിവകുമാർ ആർക്കിടെക്റ്റ് ഡോ. ബാബു കിലാരയുമായി കൂടിക്കാഴ്ച…

ബെംഗളൂരു: പേയിംഗ് ഗസ്റ്റ് (പിജി) താമസസ്ഥലങ്ങളിൽ സിസിടിവി കാമറകൾ സ്ഥാപിക്കുന്നതിനുള്ള സമയപരിധി നീട്ടി. പുതിയ സമയപരിധി സെപ്റ്റംബർ 21 ആണ്. ഇതിനുള്ളിൽ പിജി താമസവുമായി ബന്ധപ്പെട്ട് ബെംഗളൂരു സിറ്റി പോലീസ് പുറപ്പെടുവിച്ച മുഴുവൻ മാർഗനിർദേശങ്ങളും നടപ്പാക്കണമെന്നും ബിബിഎംപി ആവശ്യപ്പെട്ടു. സിസിടിവി കാമറ സ്ഥാപിക്കൽ ഉൾപ്പെടെയുള്ള മാർഗനിർദേശം പാലിക്കാൻ നേരത്തെ സെപ്റ്റംബർ 15 വരെയായിരുന്നു ബിബിഎംപി സമയപരിധി നിശ്ചയിച്ചിരുന്നത്. എന്നാൽ പിജി അസോസിയേഷനുകൾ കൂടുതൽ സമയം ആവശ്യപ്പെട്ടതിനെ തുടർന്ന് ഇതു നീട്ടുകയായിരുന്നു. എല്ലാ പിജികളിലും സിസിടിവി കാമറകൾ നിർബന്ധമായും സ്ഥാപിക്കേണ്ടതാണ്. കൂടാതെ 90 ദിവസത്തെ ഫുട്ടേജുകൾ…

നാഗ്പുർ : കഴിഞ്ഞ ലോക്‌സഭാ തിരഞ്ഞെടുപ്പിന് മുൻപ് ഒരു മുതിർന്ന പ്രതിപക്ഷനേതാവ് തന്നെ പ്രധാനമന്ത്രിയാക്കാമെന്ന് വാഗ്‌ദാനംചെയ്ത് സമീപിച്ചെങ്കിലും തനിക്ക് അങ്ങനെയൊരു മോഹമില്ലെന്ന് പറഞ്ഞ് നിരസിച്ചതായി കേന്ദ്രമന്ത്രി നിതിൻ ഗഡ്കരി. താൻ ആരുടെയും പേര് പറയുന്നില്ലെന്നും ഗഡ്കരി പറഞ്ഞു. നാഗ്പുരിൽ ജേണലിസം പുരസ്കാര ചടങ്ങിൽ സംസാരിക്കുമ്പോഴാണ് ഗഡ്കരിയുടെ ഈ വെളിപ്പെടുത്തൽ. ‘നിങ്ങൾക്ക് പ്രധാനമന്ത്രിയാകാൻ താത്പര്യമുണ്ടെങ്കിൽ ഞങ്ങൾ നിങ്ങളെ പിന്തുണയ്ക്കാം’ -ആ വ്യക്തി പറഞ്ഞു. താൻ ഈ വാഗ്‌ദാനം നിരസിക്കുകയായിരുന്നു. പ്രധാനമന്ത്രിയാകുകയെന്നത് തന്റെ ജീവിതത്തിലെ ലക്ഷ്യമല്ലെന്നും പാർട്ടിയോട് എല്ലായിപ്പോഴും വിശ്വസ്തത പുലർത്തുന്ന പ്രവർത്തകനാണെന്നും ഗഡ്കരി പറഞ്ഞു.