ബെംഗളൂരു: ബി.എസ്. യെദിയൂരപ്പക്കെതിരായ പോക്സോ കേസില്‍ സി.ഐ.ഡി വിഭാഗം സമർപ്പിച്ച കുറ്റപത്രത്തിലുള്ളത് ഗുരുതര ആരോപണങ്ങള്‍. അതിക്രമത്തിനിരയായ പെണ്‍കുട്ടിയുടെ ഫോണില്‍ നിന്ന് കണ്ടെടുത്ത വിഡിയോ ദൃശ്യങ്ങള്‍ നിർണായക തെളിവാണെന്ന് കുറ്റപത്രത്തില്‍ പറയുന്നു. കുറ്റം മറച്ചുവെക്കാൻ യെദിയൂരപ്പ പെണ്‍കുട്ടിക്കും അമ്മക്കും പണം വാഗ്ദാനം ചെയ്തെന്നും കുറ്റപത്രത്തില്‍ പറയുന്നു. പോക്സോ കേസുകള്‍ പരിഗണിക്കുന്ന പ്രത്യേക കോടതിയില്‍ വ്യാഴാഴ്ചയാണ് അന്വേഷണ സംഘം കുറ്റപത്രം സമർപ്പിച്ചത്. കഴിഞ്ഞ ഫെബ്രുവരി രണ്ടിന് ബംഗളൂരു സഞ്ജയ് നഗറിലെ വസതിയില്‍ മാതാവിനോടൊപ്പം പീഡന പരാതി അറിയിക്കാനെത്തിയ 17കാരിയെ കൂടിക്കാഴ്ചക്കിടെ ലൈംഗികമായി ഉപദ്രവിച്ചെന്നാണ് പരാതി.
Read Moreലൈംഗികാതിക്രമം കേസിൽ കുറ്റം മറച്ചു വയ്ക്കാൻ പണം വാഗ്ദാനം ചെയ്തു; യെദ്യൂരപ്പക്കെതിരെ ഗുരുതര വകുപ്പുകൾ
