Day: 16 May 2024

ബെംഗളൂരു: മകനും കൊച്ചുമകനും ഗുരുതരമായ കേസുകളില്‍ കുടുങ്ങിയ സാഹചര്യത്തില്‍ ഇത്തവണത്തെ പിറന്നാള്‍ ആഘോഷം ഒഴിവാക്കി ദേവ ഗൗഡ. മേയ് 18നാണ് ദേവഗൗഡയുടെ പിറന്നാള്‍. മകൻ എച്ച്‌.ഡി. രേവണ്ണയ്ക്കെതിരെ തട്ടിക്കൊണ്ടുപോകല്‍, ലൈംഗികോപദ്രവക്കേസുകളും കൊച്ചുമകനും ഹസൻ എംപിയുമായ പ്രജ്വല്‍ രേവണ്ണയ്ക്കെതിരെ നിരവധി ലൈംഗികാക്രമണ കേസുകളും ഫയല്‍ ചെയ്ത സാഹചര്യത്തിലാണ് ദേവഗൗഡയുടെ തീരുമാനം. താൻ 92ാം വയസ്സിലേക്കു കടക്കുകയാണ്. ചില കാരണങ്ങളാല്‍ ഇത്തവണത്തെ പിറന്നാള്‍ ആഘോഷിക്കുന്നില്ല. നിങ്ങള്‍ എവിടെയാണോ അവിടെയിരുന്ന് എനിക്ക് പിറന്നാള്‍ ആശംസിച്ചാല്‍ മതിയെന്നും ഗൗഡ വ്യക്തമാക്കി. അശ്ലീല വീഡിയൊ വിവാദം പുകയുന്നതിനിടെ പ്രജ്വലിന്‍റെ വീട്ടിലെ ജോലിക്കാരി…

ബെംഗളൂരു: ഒരു വ്യക്തിയുടെ ജീവിതത്തിലെ ഏറ്റവും സുപ്രധാന നിമിഷമാണ് വിവാഹം. അതുകൊണ്ട് തന്നെ അന്നേ ദിവസം ഏറ്റവും അവിസ്മരണീയമാക്കാനാണ് ആളുകള്‍ ശ്രമിക്കുന്നത്. ഇതിനായി എത്ര പണം മുടക്കിയും ആളുകള്‍ വിവാഹാഘോഷങ്ങള്‍ വ്യത്യസ്തമാക്കാറുണ്ട്. ആഡംബര കാറിലുകം കുതിരപ്പുറത്തും ഹെലികോപ്റ്ററിലും വന്നിറങ്ങുന്ന വധുവരന്മാരെ നാം കണ്ടിട്ടുണ്ട്. എന്നാല്‍ ഇതില്‍ നിന്നെല്ലാം വ്യത്യസ്തമായി ബംഗളുരൂവില്‍ ഒരു യുവാവ് തന്റെ വിവാഹത്തിന് വിവാഹ വേദിയിലേക്ക് എത്തിയത് ഏഥറിന്റെ ഇലക്‌ട്രിക്ക് സ്‌കൂട്ടറിലാണ്. വിവാഹ വേദിയിലേക്കുള്ള വരന്റെ വരവ് ആഘോഷമാക്കി സുഹൃത്തുക്കളും മുന്‍പന്തിയില്‍ ഉണ്ടായിരുന്നു. സാമൂഹിക മാധ്യമങ്ങളില്‍ വരനെത്തിയ ഇലക്‌ട്രിക് സ്‌കൂട്ടറിന് ചുറ്റും…

ബെംഗളൂരു : വിജയപുരയിൽ നാഷണൽ തെർമൽ പവർ കോർപ്പറേഷന്റെ (എൻ.ടി.പി.സി.) പവർ പ്ലാന്റിൽ ജീവനക്കാരൻ അപകടത്തിൽ മരിച്ചു. കിഷൻകുമാർ ഭരദ്വാജാണ് (32) മരിച്ചത്. ബുധനാഴ്ച രാവിലെ പ്ലാന്റിലെ ചിമ്മിനിയിൽ കേബിൾ സ്ഥാപിക്കുന്നതിനിടെ 130 അടി ഉയരത്തിൽനിന്ന്‌ വീണ്‌ മരിക്കുകയായിരുന്നു. ഇതേത്തുടർന്ന് ആവശ്യമായ സുരക്ഷാഉപകരണങ്ങളില്ലാതെ ജോലിചെയ്യാൻ നിർബന്ധിതരാകുന്നുവെന്നാരോപിച്ച് ജീവനക്കാർ രംഗത്തെത്തി. കിഷൻകുമാറിന്റെ കുടുംബത്തിന് അർഹതപ്പെട്ട നഷ്ടപരിഹാരം കൊടുക്കണമെന്നും ജീവനക്കാർ ആവശ്യപ്പെട്ടു.