Month: March 2024

ബെംഗളൂരു : ജെ.ഡി.എസ്. നേതാവും മുൻമുഖ്യമന്ത്രിയുമായ എച്ച്.ഡി. കുമാരസ്വാമിയുടെ മകൻ നിഖിൽ കുമാരസ്വാമി ഇത്തവണയും മണ്ഡ്യയിൽ മത്സരിച്ചേക്കുമെന്ന് സൂചന. വെള്ളിയാഴ്ച കുമാരസ്വാമി മാണ്ഡ്യയിൽ പാർട്ടിനേതാക്കളുമായി ചർച്ചനടത്തി. നിഖിലിനോട് മണ്ഡ്യയിൽ മത്സരിക്കാൻ നിർദേശിക്കുമെന്നും സ്ഥാനാർഥി പ്രഖ്യാപനം 25-ന് ഉണ്ടായേക്കുമെന്നും യോഗത്തിനുശേഷം കുമാരസ്വാമി പറഞ്ഞു. ഇത്തവണ ബി.ജെ.പി.യുമായി സഖ്യത്തിലാണ് ജെ.ഡി.എസ്. മത്സരിക്കുന്നത്. ഹാസൻ, കോലാർ, മാണ്ഡ്യ സീറ്റുകളിലാണ് ജെ.ഡി.എസ്. മത്സരിക്കാൻ ആഗ്രഹിക്കുന്നത്. മണ്ഡ്യയിൽ സ്റ്റാർ ചന്ദ്രുവാണ് കോൺഗ്രസ് സ്ഥാനാർഥി. 2019-ൽ ബി.ജെ.പി.യുടെ പിന്തുണയോടെ മാണ്ഡ്യയിൽ മത്സരിച്ച നടി സുമലത ജെ.ഡി.എസ്. സ്ഥാനാർഥിയായിരുന്ന നിഖിൽ കുമാരസ്വാമിയെയായിരുന്നു പരാജയപ്പെടുത്തിയത്.

ബംഗളൂരു: നഗരപ്രാന്തത്തിലെ തതാഗുനിക്കടുത്തുള്ള അഗർ തടാകത്തിൽ നീന്താൻ പോയ രണ്ട് വിദ്യാർത്ഥികൾ തടാകത്തിൽ മുങ്ങിമരിച്ചു. സുഹൃത്തുക്കളോടൊപ്പം നീന്താൻ പോയപ്പോഴായിരുന്നു അപകടം. കെങ്കേരി സബർബൻ സർക്കാർ ഹൈസ്കൂളിലെ എസ്എസ്എൽസി വിദ്യാർഥികളായ പൃഥ്വിരാജ്, നവീൻ എന്നിവരാണ് മരിച്ചത്. ഇവർ ദൊഡ്ഡബെലെയിൽ നിന്നുള്ളവരാണെന്നാണ് റിപ്പോർട്ടുകൾ, മൊത്തം 11 വിദ്യാർത്ഥികളാണ് അഗർ തടാകത്തിൽ നീന്താൻ പോയ സംഘത്തിൽ ഉണ്ടായിരുന്നത് അതിൽ പെട്ട രണ്ട് പേരാണ് മുങ്ങിമരിച്ചത്. കഗ്ഗലിപൂർ പോലീസും ഫയർഫോഴ്‌സും സ്ഥലത്തെത്തി മൃതദേഹങ്ങൾ പുറത്തെടുത്ത് സർക്കാർ ആശുപത്രിയിലേക്ക് മാറ്റി.