ബെംഗളൂരു: പട്ടം പറത്താൻ ഉപയോഗിക്കുന്ന മഞ്ച ചരട് കഴുത്തിൽ കുരുങ്ങി അഞ്ചുവയസുകാരൻ മരിച്ചു. ഹുക്കേരി താലൂക്കിലെ യമകനമരടിക്ക് സമീപം താമസിക്കുന്ന വർധന എരന്ന ബേലി ആണ് മരിച്ചത്. ബെലഗാവിയിലെ ദേശീയ പാതയിലാണ് മരണത്തിനിടയാക്കിയ സംഭവം നടന്നത്.
ദീപാവലി പ്രമാണിച്ച്‌ പുതുവസ്‌ത്രം വാങ്ങാനായി കുട്ടിയും അച്ഛനും ബെലഗാവി നഗരത്തിലേക്ക് പോയതായിരുന്നു. വസ്‌ത്രം വാങ്ങി മടങ്ങിവരുമ്പോൾ ബൈക്കിൻറെ മുൻവശത്തിരുന്ന കുട്ടിയുടെ കഴുത്തിൽ മഞ്ച ചരട് വന്ന് കുരുങ്ങുകയായിരുന്നു. കുട്ടി സംഭവസ്ഥലത്ത് വച്ച് തന്നെ മരിച്ചു.
അതേസമയം സംസ്ഥാനത്ത് നിരോധിച്ച മഞ്ച ചരട് ഇപ്പോഴും മാർക്കറ്റിൽ സുലഭമാണെന്നതിന്റെ തെളിവാണ് ഈ അപകടമരണം. മഞ്ച ചരട് പൂർണമായും നിരോധിക്കാനാവശ്യമായ നടപടികൾ ജില്ലാ ഭരണകൂടവും പോലീസും സ്വീകരിക്കണമെന്ന് കുട്ടിയുടെ ബന്ധുക്കൾ ആവശ്യപ്പെട്ടു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
