ബെംഗളൂരു: അടുത്ത 15 ദിവസത്തിനുള്ളിൽ ദക്ഷിണ കന്നഡ ജില്ലയിലെ നിരവധി ക്ഷേത്രങ്ങളിൽ ഇ-കാണിക്ക വഞ്ചികൾ അഥവാ ഇ-ഹുണ്ടികൾ ഏർപ്പെടുത്താൻ ഹിന്ദു മതസ്ഥാപനങ്ങളും ചാരിറ്റബിൾ എൻഡോവ്‌മെന്റ് വകുപ്പും ഒരുങ്ങുന്നു. അവ ഇതിനകം അഞ്ച് ക്ഷേത്രങ്ങളിൽ സ്ഥാപിച്ചിട്ടുണ്ട്, മികച്ച പ്രതികരണമാണ് ലഭിക്കുന്നത്. ഇ-ഹുണ്ടികൾ വഴി പ്രതിദിനം ശരാശരി 6,000 രൂപ സമാഹരിക്കുന്നതായും കുക്കെ ശ്രീ സുബ്രഹ്മണ്യ ക്ഷേത്രത്തിലെ ഒരു ഉദ്യോഗസ്ഥൻ പറഞ്ഞു.
പീക്ക് സീസണിൽ ഇത് പ്രതിദിനം ശരാശരി 25,000 രൂപയായി ഉയരുമെന്നാണ് പ്രതീക്ഷിക്കുന്നത്. കൂടാതെ, ഹുണ്ടികളിൽ ക്യുആർ കോഡുകൾ പ്രധാനമായി സ്ഥാപിച്ചിരിക്കുന്നതിനാലും ഭക്തർക്ക് ഏകദേശം 10 അടി അകലെ നിന്ന് സ്കാൻ ചെയ്യാൻ കഴിയുന്നതിനാലും ക്ഷേത്രത്തിൽ തിരക്ക് കൂടുതലായിരിക്കുമ്പോൾ ഇത് ഭക്തരെ കാണിക്കകൾ എളുപ്പായത്തിൽ നിക്ഷേപിക്കുന്നതിനും സഹായിക്കും.
ക്ഷേത്രങ്ങളിലെ പരമ്പരാഗത വഴിപാട് പെട്ടികളിലുള്ള ആശ്രിതത്വം ക്രമേണ കുറഞ്ഞേക്കാം, അതാകട്ടെ, പെട്ടികളിലെ പണം എണ്ണുന്നതിൽ ഏർപ്പെട്ടിരിക്കുന്ന ജീവനക്കാരുടെ ഭാരം കുറയ്ക്കുകയും ചെയ്യും. ക്ഷേത്രങ്ങൾക്ക് ദൈനംദിന അടിസ്ഥാനത്തിൽ ബാങ്ക് സ്റ്റേറ്റ്‌മെന്റുകളുടെ രൂപത്തിൽ ശേഖരണ വിവരങ്ങൾ ലഭിക്കുമെന്ന് ഉദ്യോഗസ്ഥർ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
