ബെംഗളൂരു: സ്വച്ഛ് ഭാരത് റേറ്റിംഗിൽ ബെംഗളൂരുവിന്റെ റാങ്കിംഗ് മെച്ചപ്പെടുത്തുന്നതിനുള്ള ഭാഗമായി, പ്രത്യേകിച്ച് മതിയായ പൊതുജനാഭിപ്രായങ്ങൾ നേടുന്നതിന്, പൗരന്മാരെ സമീപിക്കാനും അവരോട് സംസാരിക്കാനും ഫീഡ്‌ബാക്കിലും റേറ്റിംഗിൽ പങ്കെടുക്കാൻ അവരെ ബോധ്യപ്പെടുത്താനും ബ്രുഹത് ബെംഗളൂരു മഹാനഗര പാലെ (ബിബിഎംപി) തങ്ങളുടെ ജീവനക്കാർക്ക് പരിശീലനം നൽകുന്നു.
ബിബിഎംപി പൗരകർമ്മികൾ, ജോയിന്റ് ഹെൽത്ത് ഇൻസ്പെക്ടർമാർ, അസിസ്റ്റന്റ് എക്സിക്യൂട്ടീവ് എഞ്ചിനീയർമാർ, കമ്മ്യൂണിറ്റി പങ്കാളിത്ത പദ്ധതികളിലെ അംഗങ്ങൾ, വാർഡ് തലത്തിലുള്ള ഉദ്യോഗസ്ഥർ എന്നിവരോട് എങ്ങനെ സംസാരിക്കണമെന്നും സർവേയിൽ ഏർപ്പെടാൻ അവരെ ബോധ്യപ്പെടുത്തേണ്ടത് എങ്ങനെയാണ് എന്നതിലും പരിശീലനം നൽകിവരികയാണ്.
പരിശീലനം ലഭിച്ച ഈ ഉദ്യോഗസ്ഥർ ആളുകളെ സന്ദർശിക്കുകയും പൊതു സ്ഥലങ്ങളിലും ഭക്ഷണശാലകളിലും അവരുടെ വീട്ടുവാതിൽക്കൽ പോലും പൗരന്മാരെ സമീപിക്കുകയും അവരെ ബോധവത്കരിക്കുകയും നഗരത്തിന്റെ റേറ്റിംഗ് വ്യായാമത്തിൽ ഉൾപ്പെടുത്തുകയും ചെയ്യും. കൂടാതെ ഈ ഉദ്യോഗസ്ഥർ അപ്പാർട്ട്മെന്റ് കോംപ്ലക്സുകൾ, കമ്മ്യൂണിറ്റി റെസിഡൻഷ്യൽ ഏരിയകൾ എന്നിവ സന്ദർശിക്കുകയും പരമാവധി പിന്തുണ നേടുന്നതിന് റെസിഡന്റ് വെൽഫെയർ ഗ്രൂപ്പുകളെ സമീപിക്കുകയും ചെയ്യും.
ബെംഗളൂരുവിലെ ശുചിത്വം പാലിക്കുന്നതിലെ പ്രധാന പ്രശ്‌നങ്ങളിലൊന്ന് മാലിന്യ ശേഖരണ സമയം ഉച്ചയ്ക്ക് 2 മണിക്ക് അവസാനിക്കുന്നതാണ്.അതിനുശേഷം, അടുത്ത ദിവസം രാവിലെ 6 മണി വരെ പൊതുസ്ഥലങ്ങളിലും പാർപ്പിടങ്ങളിലും കിടക്കുന്ന മാലിന്യങ്ങൾ ശേഖരിക്കുന്ന സംവിധാനമില്ല. എന്നാൽ ബിബിഎംപിക്ക് പ്രശ്നം അറിയാമെന്നും, ഇതിന് ഫീഡ്‌ബാക്ക് ആവശ്യമില്ലന്നും വാർഡ് കമ്മിറ്റി യോഗങ്ങളിൽ നൽകുന്ന നിർദേശങ്ങൾ ബിബിഎംപി ഉദ്യോഗസ്ഥർ ശ്രദ്ധിക്കുകയും നടപ്പാക്കുകയും ചെയ്താൽ നഗരം ശുദ്ധമാകുമെന്നും അഗ്ലി ഇന്ത്യൻസ് ടീമിലെ ഒരു അംഗം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
