Month: June 2021

ബെംഗളൂരു: ലോക്ഡൗണിനെ തുടർന്ന് തമിഴ്‌നാട്ടിൽ മദ്യവിൽപ്പന കേന്ദ്രങ്ങൾ അടച്ചതോടെ സംസ്ഥാനത്ത് നിന്ന് തമിഴ്‌നാട്ടിലേക്ക് മദ്യക്കടത്ത് സജീവം. അതിർത്തിയിലുള്ള ഹൊസൂരിൽ പോലീസ് നടത്തിയ വാഹന പരിശോധനകളിൽ കഴിഞ്ഞ ഒരു മാസത്തിനകം 40 ലക്ഷം രൂപ വിലമതിക്കുന്ന മദ്യം പിടിച്ചെടുക്കുകയും ചെയ്തു. കൂടാതെ 120 വാഹനങ്ങളും പിടിച്ചെടുത്തു. മദ്യംകടത്താൻ ഉപയോഗിച്ച 40 കാറുകളും 80 ഇരുചക്ര വാഹനങ്ങളുമാണ് പിടിച്ചെടുത്തത്. അന്തർസ്സംസ്ഥാന യാത്രയ്ക്ക് തമിഴ്‌നാട് സർക്കാർ നിയന്ത്രണം ഏർപ്പെടുത്തിയിട്ടുണ്ടെങ്കിലും ചരക്ക് വാഹനങ്ങൾക്കും അടിയന്തര ആവശ്യങ്ങൾക്കുള്ള യാത്രയ്ക്കും അനുമതിയുണ്ട്. പച്ചക്കറി വാഹനങ്ങളായിരുന്നു കൂടുതലായും അതിർത്തികടന്ന് എത്തിയിരുന്നത്. പച്ചക്കറികൾക്കൊപ്പം മദ്യം കടത്തുന്നത്…

ബെംഗളൂരു :കർണാടകയിലെ പ്രധാനപ്പെട്ട റിസർവ് വനമായ നാഗർ ഹോളെയിൽ നിന്ന് ലോക്ക് ഡൗൺ കാലത്ത് പകർത്തിയ വീഡിയോ സോഷ്യൽ മീഡിയയിൽ തരംഗമാകുന്നു. ലോക പരിസ്ഥിതി ദിനത്തോടനുബന്ധിച്ച് കർണാടക വിനോദ സഞ്ചാര വകുപ്പാണ് ഈ 6 മിനിറ്റ് സമയമുള്ള വീഡിയോ പുറത്തിറക്കിയത്. പുളളിപ്പുലിയും കടുവയും കരിമ്പുലിയും മാനും മയിലും ആനയുമെല്ലാം ആവാസവ്യവസ്ഥയിൽ സ്വതന്ത്ര്യമായി വിഹരിക്കുന്ന വീഡിയോ താഴെ ആസ്വദിക്കാം.

ബെംഗളൂരു: സംസ്ഥാനത്ത് മൂന്നാംഘട്ട കോവിഡ് വ്യാപനം മുന്നിൽക്കണ്ട് സർക്കാർ 1500 കോടി രൂപ ചെലവിട്ട് ജില്ലാ, താലൂക്ക് ആശുപത്രികളിലെ സൗകര്യങ്ങൾ വർധിപ്പിക്കും. കോവിഡ് മൂന്നാംതരംഗം ചെറുക്കുന്നതിനായി സംസ്ഥാനത്തെ ആരോഗ്യമേഖലയിലെ സൗകര്യങ്ങൾ വർധിക്കണമെന്ന് നേരത്തേ കോവിഡ് സാങ്കേതിക സമിതിയും സർക്കാരിന് നിർദേശം നൽകിയിരുന്നു. ആശുപത്രി കിടക്കകൾ വർധിപ്പിക്കുക, ഐ.സി.യു. സൗകര്യങ്ങൾ കൂട്ടുക, ഓക്സിജൻ സിലിൻഡർ സൗകര്യമൊരുക്കുക തുടങ്ങിയവയ്ക്കാണ് തുക ചെലവിടുന്നത്. താലൂക്ക് ആശുപത്രികളിൽ ചുരുങ്ങിയത് 100 കിടക്കളെങ്കിലും സജ്ജമാക്കും. 1500 കോടിയിൽ 600 കോടിരൂപ ജീവനക്കാർക്ക് ശമ്പളം നൽകാനാണ് വിനിയോഗിക്കുക. ബ്ലാക്ക് ഫംഗസ് രോഗത്തിന്റെ ചികിത്സയ്ക്കായി…

ബെംഗളൂരു: നഗരത്തിൽ രോഗവ്യാപനം കുറഞ്ഞുവന്നതോടെ ലോക്ഡൗൺ നിയന്ത്രണങ്ങൾ മാറിക്കിട്ടുന്നതിനു കാക്കുകയാണ് നഗരവാസികൾ. ടെസ്റ്റ് പോസിറ്റിവിറ്റി നിരക്ക് അഞ്ചു ശതമാനത്തിനു താഴെയെത്തിയാൽ ലോക്ഡൗൺ ഒഴിവാക്കാമെന്നാണ് കേന്ദ്രസർക്കാർ മാനദണ്ഡം. ഇപ്പോൾ നഗരത്തിൽ കോവിഡ് ടെസ്റ്റ് പോസിറ്റിവിറ്റി നിരക്ക് അഞ്ചുശതമാനത്തിന് താഴെയെത്തി. മഹാമാരിയെ പിടിച്ചുകെട്ടാൻ മുന്നണിപ്പോരാളികളായവർക്കും ജനങ്ങൾക്കും ഒരുപോലെ ആശ്വാസം പകരുന്നതാണ് കണക്കുകൾ. കഴിഞ്ഞ ഏഴുദിവസത്തെ ശരാശരി കോവിഡ് പോസിറ്റിവിറ്റി നിരക്ക് 4.91 ആണ്. കോവിഡ് വ്യാപനം ഉയരത്തിലെത്തിയ മേയ് ആദ്യം നഗരത്തിലെ ടെസ്റ്റ് പോസിറ്റിവിറ്റി നിരക്ക് 38.32 ശതമാനമായിരുന്നു. ഇതാണ് അഞ്ചുശതമാനത്തിൽ താഴെയെത്തിയത്. രോഗബാധിതരുടെ പതിന്മടങ്ങാണ് ഇപ്പോൾ…